رسالة الحصاد

من أسبوعين كده تقريبا كان عيد ميلادى ال23 أما النهاردة فهو عيد ميلاد المدونة الأول

وبصراحة المدونة من الحاجات اللى كانت مميزة جدا عندى فى السنة اللى فاتت يمكن كنت بعتبرها جزء منى
لأنها عبرت بشكل ما عن حاجات كتير أوى كان نفسى
أقولها وأنشرها
وده كان هدفى الأساى انى أنشر أى فكرة أو خبر جيد ومتميز علشان كده أنا عملت المدونة التانية
وكمان معنديش أى مانع أنه أى زائر يأخد أى موضوع عندى وينشره فى أى منتدى أو أى مكان براحته جدا
وأنا واثق فى زوار مدونتى وفى إنهم مش هيحرفوا المضون
حتى أنا بكون فرحان جدا لو نشرت لينك أو خبر على الفايس بوك ولقيت أصحابى بعد كده أعادوا نشره وده حصل كتير وبكون فرحان بيه مش زعلان أبدا
وخلال السنة دى إتعرفت على ناس محترمة كتير وكنت سعيد بيهم جدا
منهم اللى كان بيتابعنا من أول ما بدأت ولا زال مستمر وبيشاركنا بالتعلقيات كمان
و اللى كان بيتابع وفاجأة إنقطع عن التدوين وأصبحت زياراته للمدونة بظروفها ومن غير تعليق
وزمايلى فى الدفعة اللى كتير منهم بيتابع ومش بيعلق ولكن بسعد جدا بآرائهم فى المواضيع لما بقابلهم سواء كانت بالسلب أو بالإيجاب
وكمان زمايلى اللى على الفايس بوك واللى بيتابعوا المدونة كل فترة ولكن للأسف مش دايما بعرف آرائهم ولكن زيارتهم للمدونة بتسعدنى جدا
وكمان المدونين اللى حاطين مدونتى ضمن قائمة المدونات عندهم رغم إنهم بيكتفوا بمتابعة المدونة من غير تعليق خالص ورغم كده أنا بكون فرحان جدا بإهتمامهم ومتابعتهم للمدونة

عموما أنا بشكركم كتير أوى وبتمنى دوام زياراتكم
طيب علشان الناس اللى مكنتش متابعة للمدونة ده هيعتبر عرض مفصل لمواضيع السنة اللى فاتت المدونة أحداث جارية وكانت بدايتنا السنة اللى فاتت مع أحداث غزة وكتبت فيها
مصر من غير هدوم
وإجابات المفتش كرومبو
وسمعت ناس بتقول
وعندما لا تموت
وإذا سكت الزمان
وذكرى ولكنها مستمرة
وكلها رؤى مختلفة عن الوضع فى غزة
وكمان إتكلمت عن شهيدة الحجاب الدكتورة مروة فى وجهة نظر مختلفة
وكانت للرياضة دور معانا فى
الحل موجود ومتاح ولكن ......
وشريف وأمثاله
وأحداث مباراة الجزائر فى لقطات على مشهد النهاية
وكانت المواضيع السياسية لها دور معانا فى
ضد الشعبية
ولا تكن مثل هؤلاء
وإستقرار أم ركود
والمجنون
وطبعا مغامراتى الشخصية كانت موجودة معانا فى
النصف المفقود
وذكريات قديمة
والملاكم
و أنا وهو و.......
ولعلنا نلتقى
وأنا وهو وهى
وبعض المواضيع كانت ردود على أصحابى وتفاعل معاهم زى
إجاباتى على أسئلة التاج (إتكلمت فيه عن نفسى شوية)
وقلوب مجروحة
و ماذا بعد....؟؟؟؟
وهل أنا متناقض....؟؟؟
وبعض المواضيع كانت مثيرة للجدل جدا والتناقش عليها كان كتير لدرجة إنه فيه بعضهم كتبته فى جزئين علشان أوضح وجهة نظرى تانى
الشبح والتعقيب عليه
ولتزداد قوة
بين الشرع والتقاليد والتعقيب عليه
وللكبار فقط وجزئه التانى
وكانت فيه مواضيع دينية مباشرة زى
مهمة فى المدينة
وأنا بحتفل
وحتى إذا
والتضحية وقت الأضحية
كفاية كده لأنكم أكيد زهقتم منى بس لازم تجابوا على الأسئلة..؟؟؟ وبصراحة ومن غير مجاملة
لإنى مقتنع بالرأى القائل لن تستطيع أن ترى عيوبك إلا بعيون الآخرين
1-لازم تجاوب على الإستفتاء الصغير هنا....؟؟
2-ما هو أكثر موضوع ضايقك وتتمنى حذفه..؟؟
3-
وما هو أكثر موضوع عجبك وأثر فيك....؟؟؟
4-ما هى ملاحظتك على أسلوبى سواء فى الكتابة أو فى تعليقاتى...؟؟
5-شىء تتمنى تعديله على المدونة بشكل عام....؟؟؟
6-ما هو الشىء السلبى الذى تراه جليا فى شخصيتى من خلال رؤيتك الشخصية..؟؟
7- سؤال نفسك تسأله لىّ ولو حتى شخصى إن شاء الله هجاوب عليه...؟؟
إن شاء الله هشوف كل ملاحظتك وكل الأسئلة ومهجاوب فى موضوع منفصل مع ملاحظاتى أنا بقى على المدونات الأشياء السلبية اللى أنا شايفها وكده
فقط أتمنى إجابات كاملة ومن غير مجاملات وبلاش حكاية حلو وكويس وتمام وبس لأ أنا عايز وجهة نظر نقدية كاملة
وآخر شىء
متنسوش مشاركتكم فى المدونة التانية واللى أنا بعتبرها بتاعتكم مش بتاعتى
منتظر إختياراتكم لأفضل المواضيع الجيدة فى أى مدونة لغاية يوم الجمعة 22 يناير وهكذا هنستمر فيها كل أسبوعين إن شاء الله
مع ملاحظة إن إسم المدونة إتغير من أعلن عن مدونتك إلى ملتقى المدونين نظرا للتغيير النسبى فى نشاط المدونة وأإتمنى إنكم تغيروه عندكم كمان
وتحياتى للجميع وربنا يعينكم فى الإجابات





28 رأيك يهمنا:

موناليزا 10 يناير 2010 11:47 م  

كل سنة وانت ومدونتك بخير
وعقبال الاحتفال المئوى:)
بالنسبة لاجابة الاسئلة
1-هتعرف فى الاستفتاء
2- ماوصلتش للدرجة دى
3- بصراحة مش فاكرة
4-عفوى وتلقائى (دى حاجة كويسة على فكرة)
5- مش بحب وضعية مكان التعليقات لانها اوقات مش بترضى
تحمل معايا
6- إنك زملكاوى:)
7- أنت فى سنة كام؟

ملحوظة: الاختلاف فى الرأى لا يفسد للود قضية

بنجاواتى 11 يناير 2010 3:42 ص  

كل سنة وانت طيب يا حبيب قلبى

يا رب ميت سنة

انا اكتر حاجة بحبها فى مدونتك انك صاحبها دى اهم حاجة وانها مميزة فعلا

مش بحب موضوع شريف وأمثاله لانه خنقة وموضوع التريقة على تامر وعمرو لانه اتفهم غلط ههههههههه

سلام

موناليزا 11 يناير 2010 5:24 ص  

بالنسبة لاجابة السؤال الثالث
فيه موضوع فاكره فحواه بس مش فاكرة اسمه
اللى كنت بتاخد رأينا فيه على لبسك فى البيت وعلى حاجات خاصة بسلوكيات الناس وكده

سؤال جانبى: انت غيرت شكل المدونة ليه
لانى بفتكر المواضيع من الشكل اللى قرأتها به

dody 11 يناير 2010 4:29 م  

السلام عليكم ورحمة الله...
رغم قراري بالأعتكاف عن النت للمذاكرة ولكن بالطبع لم أستطع..إلا ان أعلق على رسالة الحصاد...أولاً ادعو الله أن تستمر مدونتك بهذا الشكل الرائع حقاً وننتظر المزيد دوماً..
أكثر شئ أعجبني في أسلوبك ..هو تمثيلك للمواضيع التي تريد مناقشتها بقصة في البداية مما يجعل للموضوع تأثير أكبر..القالب الجديد ماشاء الله بصراحة جميل جدا وأعجبني... السلبيات هو أكيد في سلبيات بس بصراحة لم أرها إلى الآن... على العموم أتمنى لك التوفيق في كل جوانب حيات ودعواتك ودمت في طاعة الله

بحر الإبداع 11 يناير 2010 7:07 م  

السلام عليكم

أخي الكريم محمد

مبارك لك شمعتك الأولى لصفحتك المميزة
فلا أخفيك سراً ، أني أحب أن أتواجد هنا لأجد كل مميز منك ..والله العظيم أدعوه أن يجعلها في ميزان حسناتك.,

إلى الامام دوماً أيها المميز

تحياتي

كريم مصطفي سيد 11 يناير 2010 8:20 م  

السلام عليكم
هيا اول زياره مع عيد ميلا مدونتك كوووووووول سنه وانتي طيبه وان شاء الله يكون في تواصل

روح طفلة 11 يناير 2010 8:57 م  

السلام عليكم ورحمه الله
كل سنه وانت ومدونتك طيبين
وحلو جدا شكل المدونه الجديد
وان شاء الله المدونه فى عامها التانى تكون اكثر انتشارا وتحتوى على مواضيع رائعه
تحياتى لك

mimi 11 يناير 2010 11:30 م  

كل سنة وأنت بألف خير
والمدونة زي ما هي بتقدم كل ماهو مفيد وشيق وبأسلوبك الراقي اللي عودتنا عليه

عقبال 100 سنة وكل حرف في ميزان حسناتك

غير معرف 12 يناير 2010 2:21 ص  

دكتور عرفة
انا متابعك دايما وكانت المسابقة اللى كنت بتعملها كل اسبوع كانت بتشدنى اوى انت عندى زى كل المدونين اخوات ليا انت بتقول ان المدونة غير الواقع بشكل قاطع انا معترض معاك فى دى بالذات يمكن لاختلاف شخصياتنا و ده اكيد بس انت انسان ايجابى والحاجة الوحيدة اللى مش باحبها فيك و دى غصب عنى طبعا انى مش باحب الدكاترة لانى باخاف منهم اوى معلش اصل دى عقدة من ايام كتير عشتها معاهم
كل سنة وانت طيب ودايما منورنا يا رب
اعتذر عن وجوودى بغير معرف

حول العالم 12 يناير 2010 12:57 م  

د/ عرفة
السلام عليكم
كل عام وأنت بكل خير
وكل عام ومدونتك هادفة
ورائعة وفى أحسن حال
وكل عام وموضوعاتك هادفة
مفيدة
ومبروك على التصميم الجديد
للمدونة
خالص تقديرى
رابط المدونة
http://halaem.blogspot.com/

Dr Ibrahim 12 يناير 2010 2:05 م  

من غير مجاملة والله يا دكتور حتى لو المدونة وحشة فهى أحسن بكتير من مدونات أخرى لا أعرف ما أهميتها وما فائدتها سوى أنه كلام فاضى مكتوب والناس بتعلق وخلاص مش عارف على ايه..
ربنا يكرمك ويكتر من أمثالك

Sonnet 12 يناير 2010 4:44 م  

مبروك النيو لووك
أحاول بإذن الله
عمل تدوينات عن حق الطبيب و عن حق المريض و عن واجبات كل واحد

Sonnet 12 يناير 2010 4:46 م  

عام سعيد عليك و بالتوفيق دوما

أحلى حياة 12 يناير 2010 6:00 م  

السلام عليكم
كل سنة وحضرتك والمدونة بخير يارب
وعلى فكرة، حلو اوي شكل المدونة بجد، جميل اوي ما شاء الله

كلمات من نور 13 يناير 2010 5:01 ص  

سبحان الله أنا كمان أكملت مدونتي هذه الأيام عاما .., أما بانسبة لأسئلة فشكل المدونة الجديد مخبطني وعايزه أعمل جولة علشان أرد عليك ..بس حقيقي ردودي حتكون نقد بناء مش هدام ومش حاقول مثلا شيل بوست داه وحش ووو..علشان أنا طالما علقت عالبوستات اللي قبل كده بخير يبقى ليه بقى نرجع في كلامنا؟ بس بما إنك عايزة الصراحة التامة فاسمحلي أتجول مرة تانية و أقولك ..تحياتي

كلمات من نور 13 يناير 2010 5:08 ص  

عودة ثانية يا دكتور .عرفه يا بني ..لا تسلم إيديك وربي يتقبل أعمالك دائما ويجعلها خالصة وجهه الكريم وينور بصيرتك دائما...ممكن طلب؟ ازاي حطيت مواعيد الصلاة الي انت حاططها عالمدونة الجديدة دي علشان ما شاء الله جميلة جدا؟تحياتي

حازم النبراوي 13 يناير 2010 10:37 م  

كل سنة وانت طيب

وعقبال 100 سنة تدوين

احب اسجل النهاردة اعجابي بكتاباتك واسلوبك الشيق

تحياتي وتقديري واحترامي

بــــلال عـــادل 14 يناير 2010 12:30 م  

كل عـــــام وانت بخير ومدونتك الرائعة بخير مع انى اول زياره اليها بس جميله جدا

علام 14 يناير 2010 10:22 م  

حبيبك بيهنيك على مدونتك وبيقللك كل سنه وانت طيب الصراحه بتقول كلام زي الفل ومواضيعك هادفه.......قوي

shoshooo 16 يناير 2010 9:30 م  

السلام عليكم ورحمه الله وبركاته
انا عارفه انى بعلق متأخر بس ما ينفعش ما اقولش كل سنه وانت طيب والمدونه كمان طيبه واجمل واحلى .
انا بئى هجاوب ع الاسئله :
هوانا بصراحه ما قريتش كل التدوينات بس اللى انا قريته وعجبنى كتييييير زى"اناوهو وهى" موضوع لايت شدنى اوى علشان انا كنت عايزة اعرف انت ايه بالنسبه لها اول ما قولت انك كنت صغير كنت هموت من الدحك وموضوع "زكرى ولكنها مستمره "ايجابى جدا وكمان "ولتزداد قوة "نصايح مفيده وجميله .
موضوع مدايئنى بئى هو "قلوب جريحه " هو مش مدايئنى بس انت فعلا جاى فيه اوى ع البنات دا فيه شباب بتطلع ندله اوى مع البنات الايام دى.
الاسلوب بئى جميل ويشد القارى انا لما ببتدى اقرا تدوينه يبئى لازم مش هسيبها الا لما اكملها للنهايه
كفايه بئى علشان رغيت كتيير
ربنا يوفقك وفى تقدم مستمر انشاء الله

عابرة سبيل 16 يناير 2010 11:08 م  

كويس ان اول زيارة ليا لمدونه حضرتك
الاحتفال بمرور سنه لظهورها للنور
دايمافى نجاح وتوفيق

همس 17 يناير 2010 11:50 م  

السلام عليكم ورحمه الله
المدونه بجد اخدتنى من مدونات تانيه كتير لانى بجد ارتاحت معاها اوى كانهاكتاب صديقى لانى من هواه القراءه الى الامام دائما
بس فى شئ فى المدونه لو اتظبطت هتبقى احلى المدونات هو انك فاصل بين المواضيع حساها داخله على بعضها وفى مواضيع فيها تطويل اوى وتكبر الخط شويه يعنى شويه روشنه يعنى
من اكثر المواضيع اللى حبيتها اوى مصر من غير هدوم والشبح والمجنون وكفايه كدا اصلى هعدهم كلهم ربنا يوفقك

محمد سعد القويري 18 يناير 2010 8:41 ص  

الأخ الفاضل :: د/عرفه ::
ألف مبروووك
مرور سنة وعقبال مليووون سنة
الصراحة يا دكتور
إنت من الأشخاص اللي بتعجبني كتاباتهم .. لأنها مركزة ومفيدة وممتعة

ـــــــــ
من باب المشاركة وضعت تصميم على صفحتي

أصدق الأماني

متهوره بٌلطف 18 يناير 2010 2:43 م  

كل عام ومدونتك بخير وانتا بخير د/ عرفه ..

وعقبال مليار سنه ^ــ^

سؤال عم يخالجني فعلآ هو كم عمرك ؟ :D

وربي يوفقك

خيتك

متهوره بٌلطف

تأثير الفراشة 19 يناير 2010 6:23 م  

السلام عليكم و رحمة الله و بركاته

معذرة على الغياب الفترة السابقة ، أتمنى تكون حضرتك بأفضل حال بإذن الله

كل عام و حضرتك بكل خير و إلى الله أقرب ، سنة جديدة سعيدة فى طاعة لله إن شاء الله

و كل سنة و المدونة فى تقدم و من حسن لأحسن بإذن الله ،و مبروك على شكل المدونة الجديد

الحقيقة فى موضوعات عديدة اعجبتنى فى مدونة حضرتك ، زى موضوع الشبح ، و الموضوع اللى تحدثت فيه عن شخص حسن الخلق تأثرت به ، و موضوع قتلك للفأر و ربطك لهذا الموقف بفكرة مواجهة الخوف

و أحيى حضرتك على فكرتك للمدونة الأخرى لصنع الترابط بين المدونين و تشجيع التدوين الجيد و البناء

جزاك الله خيرا ، و بإذن الله تتقدم أكثر و أكثر

وفقك الله للخير دائما

زهرة(جنى)الاسلام 21 يناير 2010 2:27 م  

السلام عليكم
مدونة حضرتك رائعة اخى
وعلفكرة دى مش مجاملة
لان انا مبحبش المجاملات
وكل سنة والمدونة طيبة وعقبال السنة الجاية
وادعيلنا نخلص امتحانات زى حضرتك

جايدا العزيزي 22 يناير 2010 6:00 ص  

اكثر ما جزبنى فى مدونتك


احترام الذات


والحوار


كل سنه وانت ومدونتك بالف خير


دمت كما تود

saheda.com 25 يناير 2010 3:52 م  

نداء عاجل إلى كل أحرار العالم : غزة ستغرق في الظلام بداية من الخميس القادم
ناشد المهندس كنعان عبيد نائب رئيس سلطة الطاقة الفلسطينية الدول
العربية وكافة أحرار العالم التحركَ العاجلَ لنجدة قطاع غزة؛ من جرَّاء
توقف عمل محطة كهرباء غزة بشكل كامل الخميس القادم (28-1)؛ وذلك بسبب وقف
الاتحاد الأوروبي تمويلها بالسولار الصناعي.

وقال عبيد : "لقد أوقفنا اليوم عمل نصف محطة توليد الكهرباء لقطاع غزة؛
بسبب توقُّف إمدادها بالسولار الصناعي من قِبَل الاحتلال؛ حيث تعتمد على
التمويل الأوروبي، فيما تتوقف المحطة عن العمل بشكل كامل الخميس القادم".

وأوضح المسؤول الفلسطيني أن الاتحاد الأوروبي أوقف تمويل المحطة منذ
الأول من (ديسمبر) 2009م المنصرم، وظلت طوال هذه الفترة تعمل المحطة بشكل
مُقلَّص جدًّا إلى أن وصل الأمر إلى وقفها بشكل كامل.

وعن البدائل التي من الممكن حلُّ جزء من المشكلة بها، أكد عبيد أنه ليس
لدى سلطة الطاقة أيةً بدائل على الإطلاق سوى أنها ستقوم بتوزيع ما نسبته
أقل من 50% عبر الخطوط من الكيان الصهيوني على كل القطاع غزة، مبينًا أن
هذا سيؤثر سلبًا في كافة المناحي الحياتية لسكان قطاع غزة.

ووجَّه نائب رئيس سلطة الطاقة مناشداتٍ عاجلةً إلى الدول العربية وإلى كل
أحرار العالم وأصحاب الضمائر الحية لإنقاذ أهالي قطاع غزة، خاصةً المرضى
والأطفال.

إرسال تعليق