النصف المفقود

طول عمرى فاشل جدا فى انى اكتب اى حاجه رومانسى وأى حاجه كتبتها قبل كده رميتها ومحدش شافها خالص........ حتى اصحابى المقربين جدا يعرفوا كويس انهم لما بيطلبوا منى ادعيلهم وهما يأمنوا ورايا......مبعرفش بحس ان ه حتى علاقة الانسان بربنا علاقةمن نوع خاص مبعرفش اعبر عنها او اخلى حد يشاركنى فيها.... دايما كنت بعتقد ان امور الحب دى بيتحس بيها وبتبقى واضحه جدا حتى لو الانسان معبرش بشكل صريح وكمان الواحد مبيعرفش يتحكم فى مشاعره يعنى كونه يحب او يكره مش بمزاجه أظن أنها كيميا محدش قدر يفهمها لغايه دلوقت خصوصا انها ملهاش قواعد ثابته
وللاسف هو ده اللى حصلى
طبعا مش هقدر اوصفهالكم علشان بصراحه هى أسمى من انها تتوصف وكمان مش هقولكم انا عارفها من امتى ؟؟؟؟؟؟؟ ولا هقولكم الموضوع فضل معايا قد ايه؟؟؟؟ علشان متتخضوش بس وانا خايف عليكم بصراحه طبعا هتسألونى وانت عملت ايه؟؟؟ انا كنت ساعتها طالب يعنى كنت لسه باخد مصروفى يعنى طبعا مينفعش أقدم على حاجه رسميه علشان كده ولا مره حاولت أقولها ولا مره حاولت أكلمها حتى أصحابى اللى كانوا عارفين اتهمونى بالسلبيه والضعف وأظن أنكم مش هتفرقوا كتير عنهم ولكن كان ردى عليهم ان اللى انتوا عازينى اعمله ده مينفعش وذكرتلهم حديث الرسول عليه الصلاه والسلام ((إِنَّكَ لَنْ تَدَعَ شَيْئًا للهِ إلاَّ أَبْدَلَكَ اللهُ بِهِ مَا هُوَ خَيْرٌ لَكَ مِنْهُ)) المهم انه السنه اللى فاتت تقريبا عرفت أنها اتخطبت حتى معرفش اذا كانت اتجوزت دلوقت ولا لسه
واحد صاحبى من يومين كده لما عرف قالى بس انت اكيد دلوقت زعلان منها ويمكن بتكرهها كمان
قولتله بص أمور الحب مينفعش تتشرى وملهاش مقاييس معينه .....
وانا مش نادم على اللى انا عملته لانى مقتنع انه كان مظبوط....
و هزعل منها ازاى وهى أصلا متعرفش وحتى لو كانت حاسه بالامر مينفعش تخالف أهلها لمجرد احساس

واذا كنت زمان بتمنى أنها تكون النصف الاخر ودلوقت انا بكن ليها كل احترام وتقدير لانها فعلا انسانه محترمه وممتازه وانا بتمنى لها التوفيق والسعاده فى حياتها الزوجيه المستقبليه بالنسبه ليا بصراحه بتمنى أن قلبى ميدقش تانى قبل مكون جاهز فعليا علشان بصراحه معنديش استعداد أنه ينجرح تانى..........رغم ان الامور دى برضه مش بمزاج الواحد علشان كده مش طالب منكم أكتر من أنكم تدعولىأن ربنا يحافظلى على قلبى لغايه لما أكون جاهز
وان ربنا يوفقنى وأقدر الاقى النصف التانى بدل النصف المفقود


وقفه فى استراحه المدينه


هنرجع تانى لصاحبنا اللى كان فى المدينه وكان يعينى محبط على آخره ومش عارف يعمل ايه؟؟؟

وهو قاعد فى الاستراحه ربنا وقف له شيخ صالح وقعد يشتكيله حاله

الشيخ قاله بص يا بنى انا هسالك شويه اسئله

انت هتقيم فى المدينه على طول ولا هترجع تانى؟؟
رد وقاله مفيش حد هيعد فى المدينه على طول لازم هنرجع تانى

طيب لو اللى كلفك بالمهمه استدعاك دلوقت يا ترى ايه اللى انت عملته يشفعلك عنده؟؟
رد وقاله يا انا لسه معملتش حاجه خالص

طيب شوف نفسك كده الفتره الاخيره واسترجع شريط اعمالك ايه اللى انت عملته مش مظبوط؟؟؟
رد وقاله يا خبر اسود دى بلاوى كتير اوى

بص يا بنى
لازم كل انسان بعد كل فتره يقف شويه كده مع نفسه ويعيد اوراقه وحساباته من تانى؟؟؟
رد وقاله طيب قولى يا عم الشيخ اعمل ايه ده انا مكنتش واخد بالى خالص

بص اول حاجه لازم تتعرف على عظمه اللى خلقك خلقك وبعتك هنا وازاى انه سيبك تعصيه وتخالفه براحتك وهو على استعداد يسامحك دلوقت وعلى طول
بس علشان تتوب لازم يكون عندك عزيمه صادقه فى انك تنتهج النهج السليم وانك تستمر فيه وتوب عن كل ذنوبك اللى فاتت وتندم على ما فعلته
ربنا سبحانه بيقول
﴿وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ﴾

بس لازم تبدا بسرعه ربنا سبحانه بيقول
﴿ وَسَارِعُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَاوَاتُ وَالْأَرْضُ أُعِدَّتْ لِلْمُتَّقِينَ﴾

مينفعش تكسل وتقول طيب بكره او بعده لا أبدا من دلوقت
تامل سحره فرعون لما علموا بالحق آمنوا من فورهم ولم يلتقتوا الى مصيرهم

كمان لازم تكون جاد فيما انت مقدم عليه

ربنا سبحانه بيقول ﴿ خُذُوا مَا آتَيْنَاكُمْ بِقُوَّةٍ}

طيب يا عم الشيخ انا جاهز بس قولى شويه حاجات كده تساعدى انت عايزنى اتغير 180 درجه مره واحد ساعدنى شويه

طيب بص
اولا غير صحبتك الفاسده علشان تبعد عن معاصيك السابقه
ربنا سبحانه بيقول {الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ }

والرسول عليه الصلاه والسلام بيقول (( المرء على دين خليله فلينظر أحدكم من يخالل ))

غير اهتماماتك بدل ما كان ابلغ همك هو ارضاء نفسك باللعب اللهو والمعاصى اجتهد شويه بطلب العلم والعمل العام النافع

ورتب اولوياتك يعنى لازم تغير اسوء شىء بتعمله الاول ووبكده تمتنع عن جميع معاصيك بعد كده تبدا بالاجتهاد فى الخيرات
واستعن بالله يا بنى ربنا بيقول
﴿ إِيَّاكَ نَعْبُدُ وَإِيَّاكَ نَسْتَعِينُ﴾

فليس لنا سواه

ربنا يباركلك يا عم الشيخ الله يكرمك ادعيلى ربنا يكرمك يا بنى طالما لديك النيه الصادقه ستنجح

ضع نفسك فى تحدى فى البدايه الامر يحتاج بعض المجاهده ربنا سبحانه بيقول

﴿ وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ﴾

ولكن بعد فتره ستالف الخير ويكون هو مصدر سعادتك فى الدنيا والاخره

مهمه فى المدينه

تخيل ان فى اتنين نزلوا مدينه لاول مره علشان مهمه معينه


الاول نزل بس اتبهر بالمدينه وانشغل بيها تماما ونسى هو كان نازلها ليه اساسا


التانى اهتم فعلا وسأل عن مهمته بس كل ميجى يمشى فى المدينه يلاقى ناس قاعده تقوله
يابنى مش هتوصل
يا بنى كان غيرك اشطر

هو انت اول واحد
يااااااااه ده فى غيرك كتير ومحدش نفذ المهمه

مهتمش بكلامهم
بس بعد فتره كان سالك طريق معين علشان ينفذ المهمه بس موصلش برضه
ودى كانت اجمل فرصه ان الكلام يزيد عليه


يا ترى مطلوب منه ايه؟؟؟؟؟

ياترى يسمع لاهل المدينه ويريح باله ؟؟؟؟
وخلاص؟؟؟؟؟

يا ترى يمشى فى نفس الطريق اللى معرفش يوصل خلاله؟؟؟؟؟؟؟

فى حديث بيسيط للرسول عليه الصلاه والسلام بيوصف بيه من يقول هلك الناس يقول عنه الرسول هو اهلكهم
والقول له معنيان
اى دفعهم الى الهلاك
او كان اكثرهم هلاكا

المهم

انا عايز احكيلكم قصه كده على السريع
فى معركه القادسيه ودى احدى اهم الفتوحات الاسلاميه فى منطقه الفرس
كانت معركه فاصله وحيويه جدا
المعركه استمرت اربعه ايام متواصله تخيلوا مدى شدتتها

فى الايام الاولى الفرس كانت ليهم الاسبقيه علشان استعمالهم للفيله ودى حيوانات ضخمه العرب كانوا اول مره يشوفوها
وكان الوضع صعب جدا مش لان الفرسان خايفين من الحيوانات الضخمه دى لا لان الفرس نفسه بيهرب من مواجهه الفيل
هذا الصحابى اتصرف من نفسه وهو كان نحات فصنع هيكل للفيل من الطين وحطه قدام الفرس طول الليل والصبح فى المعركه لقى الفرس معدش بيخاف زى الاول

فكون مجموعه من المسلمين واشرف عليهم بنفسه وصنعوا هياكل كتيره للا فيال وجمعوا الفرس بتاع المسلمين وبيتوهم مع الهياكل دى وفعلا كانت اكثر ثاباتا من الايام الاولى
ومع تنفيذ وصيه سيدنا سعد بانهم يضربوا الافيال فى اعينها
ومع تنفيذ وصيه احد الصحابه برضوا انهم يلبسوا الفرس لباس اسود فظهر شكلها غريبا بالنسبه للافيال
وكتب الله للمسلمين النصر


المهم الشاهد من الموضوع
ان دور الصحابى ده رغم انه كان بسيط جدا الا انه

كان مؤثر للغايه

قام بالدور من تلقاء نفسه مستناش ان حد يوصيه او يكلفه لان الانسان بينتهز الفرص اللى تجيله ولا ينتظر قدومها

الصحابى ده استغل امكانياته والمواهب المتوفره عنده للخدمه والمنفعه العامه

والدور اللى قام بيه مينفعش حد غيره يقوم بيه

الصحابى ده حس انه مسؤل ولازم يعمل حاجه


فى الاخر ياترى عرفت ايه هى المهمه ؟؟؟؟؟؟

وهتأديها ازاى؟؟؟؟؟؟؟

لو لسه معرفتش ممكن نتكلم فى الموضوع ده بعدين

سمعت ناس بتقول


فى كتير من الاحيان تلاقى حد طلع علينا بكلمه وبعدين ناس كتير اوى ترددها وراه
وهما مش واخدين بالهم منها بس بيرددوها وشويه كده تلاقى الناس كلها بتردد نفس الحاجه


حاولت كده المره دى اجمع شويه حاجات بتردد كتير وهتلاقوا كتير منكم فعلا ردد الحاجات دى وهو مش واخد باله منها

1- سمعت ناس بتقول
يا عم احنا مالنا ومال فلسطين احنا لاقيين ناكل علشان نديلهم اكل مافى عرب كتير معاهم فلوس احنا مالنا


الرسول عليه الصلاه والسلام بيقول
{المؤمن للمؤمن كالبنيان يشد بعضه بعضا}
{ليس المؤمن بالذى يشبع وجاره الى جانبه جائع}


2- سمعت ناس بتقول
يا عم يعنى عايزنا نحارب طب نحارب ازاى ده احنا هندبهدل اوى و مش هنقدر احنا مش قد اسرائيل


ربنا سبحانه وتعالى بيقول
{كتب عليكم القتال وهو كره لكم، وعسى أن تكرهوا شيئاً وهو خير لكم، وعسى أن تحبوا شيئاً وهو شر لكم، والله يعلم وأنتم لا تعلمون}.

ويقول سبحانه ايضا
{وقاتلوا المشركين كافة كما يقاتلونكم كافة، واعلموا أن اللَّه مع المتقين}

يعنى ربنا سبحانه وتعالى يعلم ان قتال الاعداء امر صعب ومش محبب
وسبحانه قال ان المشركين عايزين يحاربونا كافه وان كان الدور دلوقتى على فلسطين والدور هيجى علينا مكنش دلوقت يبقى بعدين
المشكله لو انت كمان من جواك مش عايز تجاهد


عن أبي هريرة رَضِيَ اللَّهُ عَنهُ قال، قال رَسُول اللَّهِ صَلَّى اللَّهُ عَلَيهِ وَسَلَّم:
{من مات ولم يغز ولم يحدث نفسه بغزو مات على شعبة من نفاق} رواه مُسلِمٌ

ويقول ايضا

{من سأل اللَّه تعالى الشهادة بصدق بلغه اللَّه منازل الشهداء وإن مات على فراشه} رواه مُسلِمٌ

يعنى مينفعش حتى ان امر الجهاد يبعد عن تفكيرك ده امر واقع لازم نفكر فيه ونعيشه

يعنى على الاقل اذا مكناش ناويين نحاب يبقى على الاقل يكون خيار مطروح نهدد بيه
ولا الخيار ده مبيطلعش عندنا

4-سمعت ناس بتقول طيب بعد الكلام ده كله اللى زى الفل تاعب نفسك ليه يعنى هتغير ايه مفيش حاجه هتتغير
احنا زعلانين بس هنعمل ايه يعنى؟؟؟

هقولك لا تحقر من فعل اخيك ولو كان صغيرا احيانا بيكون عمل صغير يغير من حياه امه باكملها

هقولكم مثال بسيط جدا لصحابى محدش يسمع عنه لكنه عملحاجه بسيطه انقذ بيها الامه الاسلاميه فى مرحله من مراحل ان الامه الاسلاميه كانت موجوده فى المدينه بس ومفيش مسلمين خارجها

وجات امه الكفر مجتمعه للهجوم على المسلمين
سيدنا سلمان الفارسى اشار على الرسول بحفر الخندق وبكده المسلمين دافعوا عن ارضهم من ناحيه قريش والناحيه التانيه كان مفروض ان اليهود موجودين فيها وهما متفقين مع الرسول على حمايه الرسول من الناحيه دى
لكن اليهود كعادتهم خانوا العهد واتفقوا مع قريش على خيانه الرسول

هنا اللحظه الفارقه الاسلام فى خطر ويواجه قريش من الامام وخيانه اليهود من الخلف

هنا جاء دور الصحابى الجليل نعيم بن مسعود الاشجعى
قام بدور بسيط جدا ولكن كان له فعل السحر
الصحابى هذا حديث عهد بالاسلام ولم يعلم المشركون بعد باسلامه
فذهب الى اليهود واطمانوا اليه وقال لهم ان قريش لو انتهزت اى فرصه او اى غنيمه اخذتها وتركت محمد لينتقم منكم فسالوه عن الحل اخبرهم ان الحل فى ان تاخذوا من المشركين عشر افراد رهينه
فاقتنعوا بالحل
وذهب الصحابى الى قريش واطمانوا اليه فاخبرهم ان اليهود اهل غدر وخيانه وانهم كما خانوا محمد سيخونوكم والدليل انهم سيطلبون منك عشر افراد رهينه

وبالفعل طلب اليهود من المشركين الرهينه واقتنع الجميع بكلام نعيم
واصبحت كل فرقه متخوفه من الاخرى الى ان ارسل الله عليهم الرياح التى اطفأت نيرانهم وخافوا من غدر الفرق الاخرى
فرحلوا خائبين
المهم انا مش بسرد احداث لغزه الاحزاب
لكن بوضح دور الفرد انه ممكن لفرد واحد يعمل كتير اوى
وممكن برضه للفرقه والخلاف تعمل كتير اوى ومش عايزين نختلف مثل قوم الاحزاب
عايزين نوحد كلمتنا ونوحد هدفنا علشان نقدر نواجه اعدائنا

خلاص طيب عايز مننا نعمل ايه دلوقت
خلاص تبقوا تستنوا الموضوع اللى جى علشان اكلمكم فى الموضوع ده


ولو حد فيكم سمع حاجه بتتردد كده ومش عجباه يريت يقولى ويعلق على الموضوع

ملحوظه بسيطه كده فى الاخر

الصور اللى انا حاططها دى من زمان اوى لقيتها عندى بالصدفه
يعنى الزمن بيتكرر وان اليهود زى مهما حتى من ايام الرسول صلى الله عليه وسلم










ابحث عن الاجابات مع كرومبو

المفتش كرومبو دايما بيدور على اجابات لاسئله مش عارفلها اجابه

بس المره دى مش سؤال واحد دول كذا سؤال ومستنى منكم تدوروا معاه عن الاجابات


1-يا ترى بعد 19 يوم من الحرب فى غزه
ماذا حدث لك من تغير؟؟؟؟؟؟؟؟


1-لا يوجد اى تغير انا زى ما انا
2-انا فعلا اتاثرت بالحرب واتفاعلت معاها بقلبى بس
3-لا فعلا فى امور انا غيرتها فى حياتى للاحسن وكانت للحرب دى اثر ايجابى عليا





2-يا ترى انت سمعت عن اصابه ضابطين من الامن المركزى واصابه طفلتين على حدود مصر من القصف الاسرائيلى وان الطائرات الاسرائيليه اخترقت مجالنا الجوى اكتر من مره؟؟؟؟؟؟
نعم ام لا
اذا كانت اجابتك بلا يعنى دى اول مره تسمع يا ترى مسمعتش قبل كده ليه؟؟؟؟


1-هل لانك مش مهتم ومش متابع الاخبار؟؟؟
2-ولا لان التغطيه الاعلاميه للخبر كانت ضعيفه جدا لدرجه انك مسمعتش الخبر





واذا كانت اجابتك بنعم يعنى سمعت الخبر ده قبل كده


انت شايف ان التغطيه للخبر ده كانت متساويه مع التغطيه الخباريه للظابط اللى اتقتل قبل كده من المسلحين الفلسطنين اللى على الحدود
ولا التغطيه كانت مختلف جدا؟؟؟؟
ويا ترى ليه؟؟؟؟؟؟؟؟





فى رايك ايه سبب ضعف الموقف المصرى تجاه ما يحدث بغزه؟؟؟؟


1-لان مقاتلى غزه من حماس وحكومتنا بتكره حماس ومتعقده منهم
2-لان مصر عليها ضغوط من اسرائيل ومصر مفروض عليها التزامات معينه مصر متقدرش تخالفها
3-لا انا ملاحظ ان ده هو رد فعل مصر اللى بيحصل على طول يعنى الموقف الضعيف ده متعودين عليه قبل كده
4- كل ما سبق
5-ولا اجابه عجبانى






السؤال الاخير/ سؤال المتفوقين

يا ترى ايه سبب كراهيه الانظمه العربيه لايران وخلافتهم مع حزب الله
وعدم تعاطفهم مع حماس وعدائهم للاخوان؟؟؟؟؟
سؤال مفتوح


معلش يا جماعه يظهر ان كرومبو تقل عليكوا المره دى علشان كده
اى حد يعرف اجابه اى سؤال يا ريت يعرفنى
ويتصل طبعا على الرقم اللى انتوا عارفينه او يسيب اجابته تحت وانا هدخله السحب



مصر من غير هدوم


اثناء حواراتى مع اصحابى
طرحت عليهم سؤال معين
تخيل لو انت ماشى فى منطقه مقطوعه وطلع عليك حرامى هددك
الاجابات كلها فى انهم ناويين فى الاستغناء عن اى شىء للحرامى ده
للاسف دى كانت اراء شبابنا بس اللى زاد الطين بله ان مش بس شبابنا
ده هو ده المنهج اللى ماشيه عليه مصر مبدا خد اللى انت عايزه وسيبنى فى حالى
نرجع تانى للحرامى نتخيل ايه اللى ممكن يحصل بعد كده
هل الحرامى ده هيبطل تعرض للناس ؟؟؟؟؟؟؟
طيب لو الحرامى ده شافك بعد كده هل ممكن يسيبك فى حالك؟؟؟؟؟؟؟؟
طيب لو انت بتمشى من الطريق ده كل يوم هتمشى فيه بعد كده؟؟؟؟؟؟
طيب لو الحرامى بعد كده ملقاش معاك حاجه خالص هيسيبك؟؟؟؟؟؟؟
هو ده بالظبط اللى بيحصل مع مصر احنا مش بنواجه المشكله ولا حتى بنهرب منها
مش المره دى بس ده من زمان.........
لغايه لما وصلنا للمرحله دى
مصر فقدت هيبتها وسط العالم
مصر اللى هى ام الدنيا علمها بيتحرق فى كل انحاء العالم
مصر مش قادره تتحكم فى قرارها
مصر مش قادره حتى تمنع البترول عن عدوهابلاش تمنعه طب تبيعه حتى بسعره الطبيعى
مصر مش قادره حتى تتحكم فى المعبر اللى هو على ارضها
طيب الحرامى هيفضل ياخد من مصر ايه تانى؟؟؟؟؟؟؟؟؟؟
والله انا خايف اصحى الاقى مصر من غير هدوم.................