ابحث عن الاجابات مع كرومبو

المفتش كرومبو دايما بيدور على اجابات لاسئله مش عارفلها اجابه

بس المره دى مش سؤال واحد دول كذا سؤال ومستنى منكم تدوروا معاه عن الاجابات


1-يا ترى بعد 19 يوم من الحرب فى غزه
ماذا حدث لك من تغير؟؟؟؟؟؟؟؟


1-لا يوجد اى تغير انا زى ما انا
2-انا فعلا اتاثرت بالحرب واتفاعلت معاها بقلبى بس
3-لا فعلا فى امور انا غيرتها فى حياتى للاحسن وكانت للحرب دى اثر ايجابى عليا





2-يا ترى انت سمعت عن اصابه ضابطين من الامن المركزى واصابه طفلتين على حدود مصر من القصف الاسرائيلى وان الطائرات الاسرائيليه اخترقت مجالنا الجوى اكتر من مره؟؟؟؟؟؟
نعم ام لا
اذا كانت اجابتك بلا يعنى دى اول مره تسمع يا ترى مسمعتش قبل كده ليه؟؟؟؟


1-هل لانك مش مهتم ومش متابع الاخبار؟؟؟
2-ولا لان التغطيه الاعلاميه للخبر كانت ضعيفه جدا لدرجه انك مسمعتش الخبر





واذا كانت اجابتك بنعم يعنى سمعت الخبر ده قبل كده


انت شايف ان التغطيه للخبر ده كانت متساويه مع التغطيه الخباريه للظابط اللى اتقتل قبل كده من المسلحين الفلسطنين اللى على الحدود
ولا التغطيه كانت مختلف جدا؟؟؟؟
ويا ترى ليه؟؟؟؟؟؟؟؟





فى رايك ايه سبب ضعف الموقف المصرى تجاه ما يحدث بغزه؟؟؟؟


1-لان مقاتلى غزه من حماس وحكومتنا بتكره حماس ومتعقده منهم
2-لان مصر عليها ضغوط من اسرائيل ومصر مفروض عليها التزامات معينه مصر متقدرش تخالفها
3-لا انا ملاحظ ان ده هو رد فعل مصر اللى بيحصل على طول يعنى الموقف الضعيف ده متعودين عليه قبل كده
4- كل ما سبق
5-ولا اجابه عجبانى






السؤال الاخير/ سؤال المتفوقين

يا ترى ايه سبب كراهيه الانظمه العربيه لايران وخلافتهم مع حزب الله
وعدم تعاطفهم مع حماس وعدائهم للاخوان؟؟؟؟؟
سؤال مفتوح


معلش يا جماعه يظهر ان كرومبو تقل عليكوا المره دى علشان كده
اى حد يعرف اجابه اى سؤال يا ريت يعرفنى
ويتصل طبعا على الرقم اللى انتوا عارفينه او يسيب اجابته تحت وانا هدخله السحب



13 رأيك يهمنا:

مذكرات مشاغب 14 يناير 2009 10:07 م  

فكرة المفتش كرومبو دي مش حلوه خالص
دي روووووووووووعه جدا
يخربيت عقلك
ازاي دي مجتش في بالي

قبل ما اجاوب على اسالتك ليه راي بس
انا بتهيالي الاسئله المفتوحه بتباه احسن من الاسئله المغلقه
يعني على الرغم ان اختياراتك بتعبر عن اراء مختلفه
لكن لو كنت سيبتها مفتوحه زي سؤال المتفوقين كان هيبقى افضل
ده راي ووجهة نظر شخصيه مش تعديل ولا حاجه

اما باه بالنسبه للاسئله:
1-لا فعلا فى امور انا غيرتها فى حياتى للاحسن وكانت للحرب دى اثر ايجابى عليا(يتمثل في فهم اعمق لابعاد الموضوع)
2-نعم... طبعا تغطية الخبر كانت غير متساويه...واسمحلي اني اوضحلك ليه بمثال.
لو انت ماشي في الشارع ولقيت واحد مبيحبكش وانت مبتحبهوش شتمك اكيد طبعا هتزعل.
لكن لو واحد صاحبك جدا او صديقك الصدوق يعني هو اللي شتمك بتهيالي انك هتزعل جدا جدا وممكن كمان تعدي مرحلة الزعل خاصة لما صاحبك ده ميعتذرش خالص بالعكس ده بيقولك انك تستاهل وتستاهل اكتر كمان.
3-بالنسبه للسؤال ده فانا معلش هوضح حاجه
ليس من حق جماعه او فصيل او تيار او جناح او منظمه ان يفرض علينا منفردا توقيت الحرب وظروفهاثم ننصاع له جميعا مكرهين حتى لا نتهم بالخيانه او الجبن او خسارة الدين.فالحروب تحدد مصائر شعوب ومستقبلها .ولا يجوز ان تكون لعبه او مقامره او وسيله ابتزاز.
اكيد هترد عليه وتقولي بس حماس مبداتش الحرب وان اسرائيل هي اللي بداتها
فهرد عليك ان حماس كانت بتوصل الموضوع للحرب بالصواريخ الغير فعاله
4-هقولك حاجه ..مفيش دوله في العالم مبيكونش ليها اعداء(من وجهة نظرها)
الوحش بيباه ليه اعداء من اللي عايزين يصلحو والحلو بيباه ليه اعداء من اللي عايزين يبوظو
والمعتدل بيباه ليه اعداء من الناحيتين.
ده مش معناه ان ايران ليها حق او حزب الله او مصر
انا بشوف ان كل واحد فيهم ليه جزء هو فيه صح وجزء تاني غلط
معدش فيه حد ابيض دلوقتي خالص

معلش طولت عليك شويه

تحياتي

sandy bel 14 يناير 2009 11:22 م  

حلوة الفكرة اوى يا دوك ....
هكتبلك الباختصار عشان بزهق بسرعة و في الامتحانات مبكتبش الاجابات كاملة باكتب المختصرالمفيد...
ههههههههههههه
س1 : ج:مش 2 و مش 3 و طبعا مش 1
يعنى non of above هو انا اتأثرت اكيد و دعيت و جاهت يالمال ذى مابيقولو و استمريت في المقاطعة اللى بدأها من زمان و جالى شوية احباط و اكتئاب لكن حياتى متغيرتش للأحسن و لا حاجه

س2 : ج:نعم سمعت التغطيه ضعيفه طبعا و لا تقارن بالتغطيه للضابط المصري الشهيد اللي بيقولو عليه و يا رب يبقي فعلا ضابط مصري شهيد



س3 : ج:2

سؤال المتفوقين مش هجاوبه لإنى عليزة انجح بس

salma mohamed 15 يناير 2009 1:30 ص  
أزال المؤلف هذا التعليق.
salma mohamed 15 يناير 2009 2:01 ص  

السلام عليكم
اول زيارة الاقي امتحان ):
انا اتخرجت ونسيت المذاكرة والامتحانات,حاولت اجاوب وجاوبت فعلا بس,بعد ما ارسلت الاجابات خفت ان اجابتي تنال اعتراض من احد الجهات العليا (:
فحذفته واقتصرت على ان انقل لكم الخبر ده وهو نص مقال فهمي هويدي,واعذرني على طوله


."نيران صديقة"

بكل احتشام وأدب مهني جم نشرت «الأهرام» على صفحتها الأولى أن ضابطين من قوات الأمن المركزي المصرية المرابطة على الحدود مع قطاع غزة أصابتهما شظايا القصف الصاروخي المكثف الذي استهدف الشريط الحدودي، كما أن القصف أصاب طفلين مصريين أحدهما عمره سنتان والأخر خمس سنوات، وأدى إلى تصدع وتهديم بعض المنازل في رفح المصرية، وذكر الخبر المنشور إن الضربات استهدفت أنفاقاً على بعد 400 متر على الحدود المصرية.

المعلومات التي أوردها خبر «الأهرام» تجاهلت تفاصيل أخرى، منها مثلاً أن الشظايا الإسرائيلية أصابت الضابطين المصريين إصابات خطيرة في الرأس والظهر، وأن الطائرات الإسرائيلية في غاراتها اخترقت المجال الجوي المصري مرات عديدة.

كما ذكرت وكالة "رويترز" ومحطة "سي.ان.ان" ، وأن المتحدث باسم وزارة الحربية الإسرائيلية رفض التعليق على هذه المعلومات.

لا أعرف إن كان تجاهل تلك المعلومات تم بسبب السهو أو العمد، لكن الشاهد أن صياغة «الأهرام» وكذلك بقية الصحف القومية بدت شديدة الهدوء، وكان واضحاً فيها إنها حرصت على الإيحاء بأن إصابة الضابطين والطفلين كانت على سبيل الخطأ وليس العمد، وذهبت إلى أبعد حيث حاولت تغطية ما جرى وتبريره، حيث ذكرت أن عملية القصف الإسرائيلي استهدفت أنفاقا على بعد 400 متر من الحدود المصرية.

وهو ما يعطي انطباعاً بأن الطائرات الإسرائيلية لم تخترق المجال الجوي ولم تعتد على السيادة المصرية، رغم أن وكالة «رويترز» نقلت عن شهود في رفح المصرية أنهم شاهدوا بأعينهم الطائرات الإسرائيلية التي كانت تطير فوق بيوتهم على ارتفاع منخفض، وذكرت أن هؤلاء الأشخاص طلبوا عدم ذكر أسمائهم حتى لا يتعرضون لبطش أجهزة الأمن المصرية.

إذا قارنت الكيفية التي عولج بها الحدث في الإعلام المصري بالطريقة التي قدم بها خبر مقتل ضابط الشرطة الشهيد الرائد ياسر فريج أثناء محاولة بعض الفلسطينيين عبور الحدود المصرية، فسوف ترى عجباً، إذ ستلاحظ على الفور إن التوجيه الإعلامي حرص على تهدئة المشاعر للغاية في حالة القصف الإسرائيلي الذي أدى إلى إصابة الضابطين والطفلين المصريين، في حين عمد إلى الإثارة والتحريض في حادث مقتل الضابط المصري، إذ ربما تذكر أن قتل الضابط تم على سبيل الخطأ، أثناء عبور بعض الفلسطينيين للحدود وتبادل بعضهم إطلاق النار مع عناصر الشرطة المصرية، ما أدى إلى قتل واحد منهم وإصابة عشرة.

وهي التفاصيل التي أثبت ورودها في أول نشر للخبر، كما أثبت الكيفية التي تدخل بها التوجيه الأمني بسرعة، بحيث عمم على وسائل الإعلام المصرية صياغة مختلفة تماما سممت الخبر، وكان واضحا فيها الحرص على إثارة الرأي العام وتأجيج مشاعر المصريين ضد حركة حماس تحديداً.

فالفلسطينيون الذين تبادلوا إطلاق النار مع الشرطة المصرية لم يعودوا فلسطينيين عاديين، ولكنهم تحولوا في الصياغة المستجدة إلى كوادر من حماس، جاؤوا ملثمين، بتعليمات من قيادة حماس، وترصدوا الضابط وقتلوه عمدا بدم بارد، وأرادوا بذلك إثارة الفوضى على الحدود، ولم تشر الصياغة الأمنية إلى قتل الشاب الفلسطيني ولا إلى إصابة زملائه العشرة، أثناء الاشتباك الذي حدث، لكي لا يُفهم أن قتل الضابط تم أثناء تبادل لإطلاق النيران بين الجانبين.

لا يحتاج المرء إلى جهد لكي يدرك ان الرفق الشديد مقصود في عرض خبر القصف الإسرائيلي، على نحو أدى إلى حد غض الطرف عن الاعتداء على السيادة المصرية، والتأكيد على الخطأ في الموضوع مع تبريره واغتفاره، بالقدر ذاته فإن تعمد الدس والكيد والإثارة ضد حماس كان واضحا في تلويث خبر اشتباك مجموعة الفلسطينيين مع شرطة الحدود المصرية.

ولا تفسير لذلك سوى أن القائمين على اللعب في الأخبار اعتبروا أن ما صدر عن إسرائيل كان قصفا لنيران صديقة، إما الفلسطينيون وحماس بالذات فلهم شأن آخر، اترك لك أن تختار الوصف المناسب له، بحريتك وعلى مسؤوليتك!

wesoooooooooo 15 يناير 2009 9:03 م  

السلام عليكم
حلوه فكرة المفتش كرومبو بجد
وطبعا اتأثرت جدا وفى حاجات كتير أتغيرت فيا
واكيد سمعت عن عن اصابه ضابطين من الامن المركزى واصابه طفلتين كمان
التغطيه الاعلاميه للخبر كانت ضعيفه جدا كالعاده ايه الجديد يعنى
اما بالنسبه للسؤالين الاخيرين فأمن الدوله فى بيتنا كل يومين مش عاوزين مشاكل مع حد
وطبعا الجهود المصريه معروفه وواضحه زى عين الشمس كفاكم الله وكفانا شر الناس دى يأخى

kalamfady 15 يناير 2009 10:36 م  

جميله يا ريس الفكرة


-يا ترى بعد 19 يوم من الحرب فى غزه
ماذا حدث لك من تغير؟؟؟؟؟؟؟؟والاجابة-لا فعلا فى امور انا غيرتها فى حياتى للاحسن وكانت للحرب دى اثر ايجابى عليا
2-يا ترى انت سمعت عن اصابه ضابطين من الامن المركزى واصابه طفلتين على حدود مصر من القصف الاسرائيلى وان الطائرات الاسرائيليه اخترقت مجالنا الجوى اكتر من مره؟؟؟؟؟؟....لا اصلى ساكن فى المدينة مفيش هناك غير القناة الاولى اللى سماعها تقيل ان كانت بتسمع اصلا
...فى رايك ايه سبب ضعف الموقف المصرى تجاه ما يحدث بغزه؟؟؟؟5-ولا اجابه عجبتنى الموقف بتاعنا مش ضعيف احنا ما عندناش موقف اصلا
......يا ترى ايه سبب كراهيه الانظمه العربيه لايران وخلافتهم مع حزب الله
وعدم تعاطفهم مع حماس وعدائهم للاخوان؟؟؟؟؟ الحكومات بتاعتنا عايزه تعيشنا مش جنب الحيط لأ جواها واللى يقول كلمه مش على هواها او يزعل ماما امريكا يبقا عدو ليها

غير معرف 15 يناير 2009 11:24 م  

بسم الله الرحمن الرحيم
فعلا اتاثرت وبحاول اغير حاجات
سمعت فعلا بس الاصلح قريت بالصدفه وحاسه ان الموضوع مدارى حبتين
ضعف موقف مصر مش عارفه
سبب الكراهيه بردو مش عارفه

عجبتنى فكره المفتش كرومبو بجد
بس لان معظم اجابتى مش عارفه اعتقد مش هكسب
بس مش مشكله يارب المكسب يبقى على الكل

اخيرا
نفسى اعرف ايه فايده استطلاعات الراى دى؟؟
dina

غير معرف 16 يناير 2009 3:04 ص  

بسم الله الرحمن الرحيم
اخي وزميلي العزيز د\ محمد
بعد التحية
الفكرة بجد جميلة بس فيها جزء من الخوف بدون زعل ....عااارف لية؟
لان انت المفروض كنت تقول موقف عربي ضعيف
اولا نسأل نفسنا سؤال لية جميع الدول العربية مش متفقة لية؟؟؟
لان البحرين وسوريا وليبيا والاردن حكامهم بيكرهوا شعوبهم ....حاجة غريبة ....صح
لية مااتفقوش الا في المؤتمر العربي ةالعشر ساعات المشهورة
لان كلة عايز يحافظ على نفسة وبس ....ما بيفكرش في غيرة ....
المفروض ان المسلمون اخوة
فين احنا من الكلام دة
ياراااااجل دة في كل حتة الشعوب عايزة تساعد ...كلة بيهتف ...امام مقر رئيس وزراء الخارجية الايطالى تعلو الهتافات ..ومعناها
اخرج خد جذمتك ...ياسلااااااااااام .هي دي الشعوب
لكن مصر اية من دة كلة ...حدودنا بيموت عليها اهلنا ودي مش حاجة جديدة ....لية؟ لان للموافقة على مرور المعونات لازم كاميرات مراقبة ويتحكم في المعبر الاوروبيون _اسرائيل من بعيد لبعيد)
النهاردة اليوم ال20 من الحرب على غزة ولكن قامت جميع الشعوب بالمساندة بالهتافات والاموال ...حتى اوروبا فعيب عليكم يا عرب عيب!!!!!!!
ويمكن اكون اطلت لكن كرومبو سأل سؤالين كويسين وسؤال لا...لية؟
لان الاطفال والرجال والنساء والشيوخ متأثر بالموقف وكلة يستشيط غيظا
اما التغطية الاعلامية على القنوات المصرية المحلية تعتبر...غير موجودة.....
اما الفضائيات فهي موجودة بحذافيرها .
شعب مصر بيحب غزة .....لكن ....رئيس شعب مصر......عايز يفضل في مكانة وخلاص يحافظ على الموقع.
وبعديين...
ايران تعتبر الان اقوى الدول العربية لانها محافظة على قوتها ..دة الصح
كروومبو تمام......................................
فكرة لذيذة بجد
والسلام ختام
وندعو جميعا ان يغفر اللة لشهداء غزة ويدخلهم فسيح جناتة ...أمين
اخيك وصديقك المخلص
د\محمود\الفرقة السادسة طب بشري\جامعة طنط

د/عرفه 17 يناير 2009 6:23 م  

معلش اتاخرت فى الرد بس علشان النت كان فاصل
اولا احب اشكر حبيبى المشاغب
بس عندى تعليق بسيط
فى مثل شعبى عندنا بيقول
حبيبك يبلعلك الزلط وعدوك يتمنالك الغلط
وربنا سبحانه وتعالى بيقول
محمد رسول الله والذين معه اشداء على الكفار رحماء بينهم

والشاعر بيقول

من يهن يسهل الهوان عليه
ما لجرح بميت ايلام

وشكرا لمرورك حبى

د/عرفه 17 يناير 2009 6:37 م  

احب بس اشكر ساندى على تعليقها
بس درجه النجاح مش طموحك خليكى دايما من المتفوقين

واشكر برضه سلمى على مرورها
وفعلا انا قريت مقال فهمى هويدى قبل كتابه الموضوع
زشكرا انك نشرتيه
واشكر بقيه زمايلى اللى علقوا
محمود ووسام وصاحب مدونه كلام فاضى
ومستنى دايما رايهم

د/عرفه 17 يناير 2009 7:02 م  

بالنسبه للدكتوره دينا لازم اعلق بشكل خاص
علشان السؤال مهم




بالنسبه لسؤالها ايه لازمه استطلاعات الراى دى

طبعا انا مش قصدى اجمع اراء او اعمل بحث
مش ده قصدى خالص
انا بس بعرض شويه اسئله علشان تفكروا فيها
حتى مش منتظر اجابات لكن منتظر تساؤلات منكم

بالظبط زى الطالب اللى بيشوف اسئله الامتحان قبل ميدخل الامتحان مش لازم يجاوب على الاسئله بس يشوف نفسه هو بيفكر فيها ازاى
بس يعنى مش لازم يجاوب عليها
يعنى ممكن ادخلك السحب حتى لو مجاوبتيش
هههههههههههه

غير معرف 18 يناير 2009 4:27 ص  

أنا مهتم جدا للقضية الفلسطينية واحترق من داخلى لما يحدث فى غزة ولكن لماذا لا يهتم الاخوان الا بالقضية الفلسطينية أو بالأخص حماس لأنها ممثلة الاخوان فى فلسطين فهل لايهتم الاخوان الا بالاخوان ولم لم يكن موقفهم هكذا تجاه القضية العراقية فوالله كلنا وطن واحد اما بالنسبة لحزب الله فهم كلاب رافضة شيعة ووالله لو تمكنوا سيكون اهم أهدافهم القضاء على المصريين وغيرهم من أهل السنة فلاتتعاطفوا معهم ولاتتركوا الشيطان يزين لكم الباطل

غير معرف 5 سبتمبر 2013 8:49 ص  

هية الاجابات فين ياناس يا زبالة

إرسال تعليق