وماذا بعد...؟؟؟

على نفس نهج الموضوع السابق

واحد صاحبى طرح عليّا سؤال
قالى وماذا بعد أن كتب ودونت وطرحت أفكرك...؟؟؟
فعلا سؤال مهم أوى...؟؟؟
قولتله أولا موضوع الدعوة ومحاولة نشر الفكر السليم ده أمر واجب ربنا سبحانه وتعالى بيقول
(كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُو
فِ وَتَنْهَوْنَ عَنْ الْمُنكَرِ)
وهذه الصفة هى التى ميزت أمة الإسلام

وبعدين أنت مسئول عن الإجتهاد فى الدعوة ولكنك ل
ست مطالب بالنتائج وفى وصف مشاهد الآخرة
يأتى النبى ومعه الرجل ويأتى النبى ومعه الرجلان ويأتى النبى وليس معه أحد
يعنى هناك أنبياء أرسلوا إلى بنيهم ولم يستجب لهم أحد وبالطبع لسنا أفضل من الأنبياء

وممكن أى كلمة تقولها تقنع بيها إنسان أو تهديه لطريق الخير
تشفعلك يوم القيامة وتكون سبب فى دخولك الجنة بالطبع لا نعلم على أى حال سنكون


وبعدين ممكن تعتبره مجرد محاولة منى
لو ربنا سبحانه وتعالى سألنى يوم القيامة عن مدى سلبيتى
وطبعا عارفين قصة القرية اللى ربنا أمر بهدمها كلها فردت عليه الملائكة بأن فيها رجل صالح
فقال لهم المولى عزوجل به فبدأوا
هذا لأنه كان يرى ما يفعلون دون أن يتحرك
قلبه

أخر حاجة بقى سيبك من إنى أقدر أغير حاجة أو أعمل حاجة
بلاش أفضفض شوية بدل ما أنفجر تلقائى فى البيت
ضحك صديقى العزيز
وقالى طيب لن تجنى من كلامك هذا سوى التعرض للمضايقات والمواجهات فى حياتك ومتعملش فيها بطل يعنى علشان مش هتقدر تستحمل حاجة
ضحكت وقولتله
ربنا سبحانه وتعالى بيقول

{أحسب أناس أن يتركوا أن يقولوا آمنا وهم لا يفتنون}

يعنى لا يوجد إيمان بدون فتن
أين كانت نوع الفتن دى
وبعدين أنت مش ملاحظ أن الناس كلها دلوقتى ماشية جنب الحيط لأ قصدى جوة الحيط
لو أستمرينا كده مش هنلاقى الحيط اللى نمشى جواه
وبعدين صديقى العزيز لو قرأت فى سير الأنبياء والصحابة

ستجدهم جميعا تعرضوا للفتن والمواجهات بشكل كبير جدا
وتخيل مدى التعب الذى عانوه كى ينتشر الدين فى الأرض
وطوال ما حيينا هنحلم بالعالم المثالى ده

وطبعا صديقى فى الأخر ضحك وقالى مش هعرف أقنعك
قولتله

طيب بص هقولك كلمات نشيد بحبه جدا
هيلخص كتير أوى من الكلام اللى أن عايز أقوله وهيوفر عليا مجهود كبير

يا دعوتى سيرى سيرى سيرى
كل الوفاء ليكِ وكل تقديرى
مايوقفك ظالم أو غدر شريرِ
وأنتى يا دعوتن فى الشدّة سلوتنا
يا دعوتى سيرى سيرى سيرى

يادعوتى إنتى روحى ووجدانى
كل البشر يفنى وإنتى اللى شىء تانى
بالدم أفديك أنا وإخوانى
نفديك بالملايين باقية ليوم الدين
يا دعوتى سيرى سيرى سيرى

يا إخوتى هيا هيا بنا هيا
خلوا القلوب صاحية خلوا القلوب حيّة
النصرة دى جايّة لو نخلص النية
هنكون أمام الله اللى ينوله رضاه
يا دعوتى سيرى سيرى سيرى

من غيره مولانا ينصرنا عارفينه
قرآنا دستورنا فى قلوبنا شايلينه
هنعاهده يا إخوانا يفضل كده دينه
يارب ثبتنا بارك إخوتنا
يادعوتى سيرى سيرى سيرى


بتمنى تسمعوا النشيد كمان





66 رأيك يهمنا:

بنجاواتى 24 أبريل 2009 6:48 ص  

اول تعليق يا جميل

هقرا ومش عارف هرجع ولا لا

بنجاواتى 24 أبريل 2009 6:59 ص  

ايه ده ده انا رجعت تانى !!!!!!

طبعا رجعت علشان اقول ان احيانا انت بتتعلم حاجة وتغير من سلوكك بجملة اتقالت من واحد بيحكى عن نفسه

يعنى حتى لو المدونة شغلتها بس ان الواحد يؤررر وما يتكلمش فى فكرة مباشرة هتكون حاجة حلوة برضه

ثم اننا ما عرفناش ايه وسيلة صديقك فى نشر دعوته ..وهل بتوصل لقاعدة اكبر من اللى بتعمله المدونة؟!!!

والسؤال الاهم ..هل هو بيكلم ناس عارفهم ومتفقين معاه فى الفكر وبيسمى ده دعوة؟!! ولّا الاولى انك تخاطب ناس ما تعرفش عايشة ازاى؟؟؟؟

وتقبل تحيتى وفائق احتراماتى

Shams 24 أبريل 2009 7:23 ص  

يا دعوتى سيرى سيرى
حقيقه الواحد فعلا ممكن من غيير ما يقصد يكون سبب فى هداية شخص وهيا دى حياتنا احنا بنعيش لنعطى المسلم ما يعرفيش يعيش لنفسه عشان كده سبحان الله اى شخص بيأخد طريق الهدايه يتجه للدعوه ولو حد يفكر فيها لييه السبب
وهيا فى جمله لما ملئنى الفرح بحب ربى خفت ان الا يعلم احدا غيرى
رائع بجد ربنا يبارك فيك بس ايه حكاية صاحبك ده بسم الله ماشاء الله مليان احباط كده ليه ده اللى يقعد جنبه يجيله احباط وينتحر مش قصدى حاجه ليكون بيقرء ارووح فى داهيه بس لييه كده شوية تفاؤل

ايومي 24 أبريل 2009 8:52 ص  

كلام مهم وجميل جدا,
احنا فعلا مأمورين بالدعوة,
والدعوة حاجه اجباريه علينا ومهياش خيار نختاره او لأ,
احنا مأمورين حتى لو محدش استجاب,
موضوع الدعوة لو هنتكلم فيه مش هيكفينا ولا مليون صفحة,
لو كانت الدعوة واجبه لما الناس تكون بتستجيب بس,
كان فعلا الانبياء مدعوش حد,
الدعوة واجب علينا كلنا هي والامر بالمعروف والنهي عن المنكر,لكن نقطة الهداية دي مش تخصصنا,دي في ايد ربنا,
(انك لا تهدي من احببت ولكن الله يهدي من يشاء).
جزاك الله خيرا,
ونفع بك وتقبل منك يا دكتور بجد.

محمود جامع 24 أبريل 2009 12:15 م  

السلام عليكم ورحمه الله وبركاته
ازيك يا محمد
بجد واللهي الموضوع ده جميل جدا
أثر فيا جامد جداا
بس الصراحه اني حسيت بالندم ان مدونتي انا عاملها لمجرد اني اضحك انا وبعض زمايلي
مجرد اخراج للناس يخلينا ننبسط شويه
وأخر الكلام
ربنا يبارك فيك
وختام الكلام
اللهم صلي على سيدنا محمد عليه الصلاه والسلام
وتقبل فائق الاحترام

عاشقه الاقصى 24 أبريل 2009 2:10 م  

كنت حضرتك تقول لصاحبك وماذا بعد أنت؟

وتقلب السؤال عليه

.......

اما عن التدوين فقبل أن يكون رساله

هو شئ بيضيف ليك خبرات يوما عن يوم

تقبل تحياتى

محبة الرحمن 24 أبريل 2009 2:49 م  

مين قال ان الكلام ملوش لزمه

والله لو علم الدعاه كم يحبهم الناس لما نامت عيونهم عن الدعوة لحظه

والله بجد امتنا فيها خير كتير

وزى ما قال مصطفى حسنى

الحق خدلك مكان فى صحوة الامه

بجد والله الكلمه لو طالعه خالصه لوجه الله

ممكن تغير ناس كتير

حتى لو كان الواحد قراها تكتبوا فتاب ورجع تانى لحاله

فكفايه ان التوبه ديه جت على ايديكم

انا مش بحب ابدا الناس اللى بتثبط الهمه

ولو حصل كده مع حضرتكم فى مرة

وحسيتم بلا جدوى لعملكم

فقط فى الجامعه فكر فى كلمتين فى حب ربنا والتقرب اليه

واذهبوا لتخبروا به شخص ما

بنيه خالصه

لو لم تلقوا التفاعل وحب ربنا والايجابيه

ابقى احلق شنبى

مع انى معنديش شنب

على العموم حضرتكم مش محتاجين حد يثبتكم ماشاء الله

ولكنى اقول كلماتى هذه لكل من يغفل عن الدعوة

ربنا يهدينا

جزاكم الله خيرا على الانشودة

من زمان مش سمعتها

بارك الله فيكم وثبتكم

وكلماتكم لها صدى وتاثير ومثوبه باذن الله

اطمئنوا

ايوشة 24 أبريل 2009 3:20 م  

كلام صحيح بس ساعات بتحس ان مفيش فايدة من الكلام
النشيد ده بحبه جدا
بس بالنسبة ليا عالم التدوين انا مش عارفة بعمل ايه فيه لانى ساعات بحط بوستات مش مقتنعة بيها

موناليزا 24 أبريل 2009 3:52 م  

من يتوكل على الله فهو حسبه"
اللهم يامقلب القلوب ثبت قلوبنا على دينك
اللهم لاتجعل مصيبتنا فى ديننا
اللهم اذا اردت بقومى فتنة فاقبضنى اليك غير مفتون
اللهم اجعل حبك احب الاشياء الى قلوبنا وزين الايمان بداخلنا اللهم امين

ربنا يثبتك وبالتوفيق دائما
يكفيك فخرا اخى الكريم محاولتك للدعوة حتى لو لم يستجيب البعض
فعلينا الدعوة الى الله ولكن الهادى هو الله

د. ياسر عمر عبد الفتاح 24 أبريل 2009 3:56 م  

كلامك مظبوط
الناس فاكرة إنها بتدعو الناس علشان تهديهم
لأ الهداية دي بتاعة ربنا
إحنا بندعو الناس تنفيذاً لأمر الله
وكمان عسي إن ربنا يقيم بينا الدين فندخل الجنة
وكمان علشان نتعلق بركب الصالحين فملا ربنا ينظر غليهم يلاقينا معاهم يرحمنا بهم

المعتصم 24 أبريل 2009 4:00 م  

بسم الله الرحمن الرحيم
السلام عليكم ورحمة الله وبركاته
د/عرفه
تحياتى
واحشنى بجد يامحمد
عامل ايه؟ يارب تكون فى احسن الاحوال وفى احسن صحه
بص ياعمنا
زى مابيقولوا الواحد يعمل اللى عليه ويسعى ويحاول وبعد كده يسيب الباقى على ربنا
وان شاء الله ربنا هيوفقك ويكرمك
لانك بتحاول تعمل حاجه كبيرة وعظيمه
وهى التذكير بامور ديننا
ربنا يكرمك ويوفقك ويثبتك دايماً
تحياتى يادكترة
ودمت بكل خير وود
والسلام عليكم ورحمة الله وبركاته

Nour 24 أبريل 2009 4:07 م  

السلام عليكم ورحمة الله وبركاته..

فى البداية.. أحيك على ذلك الصديق الذى دوماً ما يتعهدك ويحرك الساكن للتفكير فاكثر ما يتعب فى ذلك الزمان ان يفكر الانسان لذلك نحاول الغوص فى بحر الضحكات لنطفو قليلاولكن سريعا ما نعود ..

ثانياً..انت لديك هدف .. اما ماذا بعد فليست عليك ..
فانت عليك الاجتهاد والعمل والاخلاص والنتائج لا تكون منك وان كانت فذلك خلل لم نتعهده من قبل حتى فى حياتنا العادية ..
بالنسبة للدعوة بمفهومها العام او الدينى شريطتها الاخلاص وتحديد الهدف..
فلربما كلمة تخرج على حين غفلة من شخص تكون سبب فى اعادة الصواب الى العديد والعكس..
وهنا يأتى دور ما نخطه من حق وحقيقة..
وان لم تكن المدونة تضم دعوة دينيه بحروفها ونصوصها..
فالاقل أن يتم صبغها بالصبعة الدينيه ...فالمسلم الحق حياتة لله وبالله ومع الله..
واذا اتخذنا مثالا تلك الدراسة الالزامية التى تفرض على اعناقنا وما بها من افتراء وابتعاد عن الدين الا فى القليل... ولكن اذا ولدت نيه صالحة من ذلك التعليم بغض النظر عنه فستختلف الامور..
وقد قيل " إنى لابغض الرجل أن أراه فارغاً فى شىء من عمل الدنيا ولا فى الاخر"
"أما بعد..ولكن السؤال الذى يجب أن يوجه خلاف ذلك..
قال ابن قدامه" فكن أحد الرجلين : أما مشغولاً بنفسك وإما لغيرك بعد الفراغ من نفسك ..وإياك أن تشغل بما تصلح غيرك قبل إصلاح نفسك"
***
وفى الاخير .. يجب ان يكون فى كل موضوع ثمرة تدعوا الله أن يوفقك فى انباتها فى عقول وقلوب من يطلعون على تلك السطور...فالسطور يجب ان تحوى معزى ومعنى .. وليس سرداً لاضاعة وقت الفراغ..
واعرف ان الكتابة فى حد ذاتها بعيداً عن الموهبه والاتقان او الممارسة .. هى والتحدث بصوت مسموع من وسائل التعبير عن مكنونات الانسان الداخلية باتزانها او بتناقضات سمائها..ومنهاكما قلت "أفضفض شوية بدل ما أنفجر تلقائى فى البيت"
ولكن لى ملاحظه هنا .. اوقات كتيره اجد فضفضه غريبة "
تنتطوى على العديد من المخالفات.. وبما تضر اكثر ما تفيد لمن يقرأها وخصوصا لو كان ذلك القارىء ممن ينتظرون كلمه ليتخذها حجه للاستناد عليها وتبرير افعاله وان هناك من يفعل مثلة وكله تحت مسمى " عادى"
فى الاول والاخير تبقى النيه هى الفيصل.. ومحاولة للزكاة عن علمك الذى تعلمته .. وربما تجد شخص سمع لك كلمة وسط تلك السطور دبت فى حياته الروح وتغيرت زاويتها ..
فنحن مكلفون بالتبليغ.أما الهداية فمن الله.." ولكن عليك الدعاء ان يفتح الله لك قلوب وعقول من يستمعون اليك وان يرزقك الاخلاص ذلك المفتاح لفبول الاعمال".
والدين منهج حياة كامل متكامل..فكما نحتاج تعلم فرائض ديننا فايضا نحتاج الى من يخبرنا بانماط حياتناوتصيحيح مسارها ولكن كله داخل الايطار العام" الدين"..


خلى بالك من صديقك ..فهو كالضمير
دمت بخير .. ومعذرة على الاطالة..

معتز شاهين - باحث تربوي 24 أبريل 2009 4:09 م  

الدعوة دي منهج حياة
ربنا يوفقك ويتقبل منك
ويبقى التواصل

احمد 24 أبريل 2009 6:59 م  

أخي د. عرفة
السلام عليكم ورحمة الله وبركاته

قل كلمتك .. بإذن الله تعالى ستجد
رجع صداها في نفسك .. والشرط الوحيد
المطلوب .. إخلاص النية وإتباع هدي النبي
صلى الله عليه وسلم

بارك الله فيك ووفقك لكل خير
أخوك / احمد

ghorBty 24 أبريل 2009 9:55 م  

السلام عليكم ..

جزاك الله خيرا علي نقل الحوار اللي دار بينكم بجد كنت محتاجه اكتب في الموضوع دا وعلطول الواحد بيسأل نفسه نفس السؤال بس بطريقه تانيه بلاش ماذا بعد ؟ لان الغيب لا يعلمه اٍلا الله والنتائج دائما بيد ربنا وهو الهادي سبحانه .. السؤال ليه بدون وهدفي ايه ؟ الوقت اللي بقضيه علي النت وفي المدونه يا ترا هلاقيه في صفحتي يوم الدين كله خير وفايده سوء استفدت او فدت والا هلاقيه وقت ضاع هباء منثورا واتندم عليه اشد الندم .. هي ديه المفروض الوقفه اللي اقفها واسأل نفسي عليها وعرفها اني مسئوله عن كل شئ بكتبه سوء تعليق او موضوع ... لما ارسم لنفسي منهج وخط امشي عليه وراجع نفسي كل فتره هل خرجت عن حدود الخط دا واٍِلا لا هل حققت اللي انا شايفه في مقدرتي تحقيقه .. لان النتايج في التدوين ممكن يكون شئ غير ملموس متقدرش تقول انا حققت كذا في الميه مثلا لان دا شئ بيدخل فيه كذا عامل اولا: النيه ثانيا: ممكن ناس تستفاد من اللي انت كتبته وما قلتش دا ولا تركت تعليق .. وممكن ناس تعلق وهي اصلا ما قرتش الموضوع .. وممكن ناس تعلق وتخرج الكلام اللي قريته من دماغها وعلقت لمجرد بس تعليق وممكن حاجات كتير جدا فالنتايج من عملك دا لا يعلم اجره اٍلا الله عز وجل ثم انت يوم الحساب لما تلاقيسه معروض في صفحتك ان شاء الله بكل خير ..

اهم شئ انك بتكتب اشياء لما تقابل ربك يوم الحساب ما تبقاش خجلان منها لان صفحة النت ديه معرض ان اي حد يدخل عليها وفي اي وقت وممكن تمتد لعمر اكبر من عمرنا بكتير زي عداد بالضبط بيعد اٍما خير لو اللي كاتبه خير او شر لو كان غير ذلك وربنا يعفينا ويجعل كل ما خطته يدانا خير ان شاء الله ....

ربنا يتقبل منك ومادام هدفك نبيل كل اللي بتكتبه خير يبقي لا تقلق وربنا كرررررريم بيقابل الاساءه بالاحسان فكيف بالمحسن اذا ربنا يجعلنا من المحسنين ....


في فيديو عندي كان بيتكلم قريب جدا من الموضوع دا للشيخ العريفي ان شاء بضيفه في مدونتي خواطر والكل يسمعه ...

ربنا يستخدمنا ولا يستبدلنا ويثبتنا ولا يفتنا ...

اعتذر للاطاله ..

السلام عليكم ..

مذكرات مشاغب 25 أبريل 2009 3:22 ص  

لا باه
انا متفق مع صاحبك
فعلا التغيير هنا مستحيل
انا كنت هكتب نوضوع عن التدوين بكل عام وده جزء من الموضوع اللي كنت هتكلم عنه

انا بالنسبالي يا فوزي مقتنع جدا جدا ان مفيش حد بيغير رايه خاااااااااااااالص في عالمنا العربي ده كله
وانا اؤكدلك اني لما بكتب موضوع سياسي بكون عارف كل واحد هيرد عليه وهيقول ايه
واحيانا بالنص
مش فهلوه ولا حاجه
لكن من قرايتي لمواضيعه وردوده بقدر اعرف فكره ايه
وعارف اني مهما انا او غير كتبنا محدش هيغير رايه
كله مقتنع برايه ومش مستعد انه يغيره
سواء باه لانه بيعتبره ضعف او لاننا متعصبين جدا لراينا
المهم ان مفيش حد بيغير رايه خاااااااااااااااااااااااااااااااااااااااااااااااالص

المهم بس مبروك يا زملكاوي
على الاداء مش على النتيجه
ولو حصل والزمالك فوت الماتش للاسماعيلي
هاجي هنا واهاجم مدونتك
مع ان انت ملكش ذنب خالص
هههههههههههههههههههههههههههههههه

تحياتي

norahaty 25 أبريل 2009 8:04 ص  

السلام عليكم ورحمة الله تعالى وبركاته
تعرف دكتور عرفة ان فعلا ممكن كلمة تغير
سلوك انسان مش لازم سلوك دينى لكن لو حتى
سلوك انسانى او معيشى !مثلا ومش حأكذب عليك
من سنين طويلة كنت ارمى (تفل الشاى)فى البالوعة
وبعدين قرأت عن حادثة وفاة غرق عمال (للمجارى)
اثناء عملهم الى هنا والخبر متكرر وقرأتة مائة مرة من قبل لكن اضاف الكاتب للخبر (وواحد من العمال له ثلاثة اطفال اكبرهم فى الخامسة واصغرهم رضيع)عندها ارتعشت والله يادكتور عرفة وبكيت والله
كما افعل الان حين ما تذكرت شعورى حينها
ومن حينها لم ارم شيئاًابدا (ما استطعت
الى ذلك سبيلا)واحاول ذلك بكل قوة دائما
ترى هذا ؟انه سلوك لىّ تغير بكلمه او كلمتين
فى جريدة .اكتب دكتور وسجل وفضفض بما يعن فى
قلبك فهذا امر ليس بالهين ابداً

تامر علي 25 أبريل 2009 9:20 ص  

أكيد مش لازم الانسان يشوف الثمرة الكاملة لكل ما يقوم به أو حتى يرى أي ثمرة المهم هو أن يتأكد من أن جميع أفعاله وأقواله تسير في اتجاه ما يؤمن به وتخدمه ثم إن حسابه بعد ذلك على الله

تحياتي وتقديري :)

د/عرفه 25 أبريل 2009 12:04 م  

بنجاواتى
منور حبيبى
معاك حق طبعا وياريت صاحبى ده يسمع كلامك
سعداء بزيارتك دوك

د/عرفه 25 أبريل 2009 12:07 م  

شمس
أهلا بيكِ وسعداء بزيارتك
وفعلا صاحبى ده محبط اوى
والواحد مش عارف ايه العمل اللى ممكن يدخله الجنة
فالواحد بيجتهد عسى ان العمل ده لم ياتى بعد
وربنا يعينا دايما

د/عرفه 25 أبريل 2009 12:09 م  

أيومى شاكر لزيارتك
واكيد اهتمامك بالمواضيع بيسعدنى كتير
وفعلا الواحد عليه العمل والنتيجة لا يعلمها إلا الله
ولأن الدعوة دى شىء واجب

د/عرفه 25 أبريل 2009 12:13 م  

دكتور محمود
منور دكتور
وتحية خاصة لاول تعليق ليك
هنا على المدونة
وربنا يكرمك محمود
وجزاكم الله خيرا

د/عرفه 25 أبريل 2009 12:18 م  

عاشقة الأقصى
أهلا بيك
وسعداء بزيارتك إن شاء الله هقوله ماذا بعد انت..؟؟
وبالفعل كل يوم الواحد بيستفيد كتير من التدوين
جزاكم الله خيرا دوك

بحـــر الدموع 25 أبريل 2009 2:00 م  

السلام عليكم

كيفك اخي د.عرفة..؟!
أن شاء الله تكون بأفضل حال واحسن صحـة

سبحان الله احيانا ً نتكلم مع بعضهم بكلمات كثيرة لكن ربما كلمة واحدة تعلق في ذهن من نتحدث معه فتكون سبباً في هدايته وصلاحه
وكن على يقين ان منهاج الاخوان المسلمين سيمضي رغم كل العقبات التي تحيط به، وسيعلم الذين ظلموا اي منقلب ينقلبون
اعمل وقل الحق .. ومن الله التوفيق

بارك الله فيك وجزاك الله خير الجزاء
دمت بخير

لا تنسوا اخوانكم في غـزة من دعائكم

||..بحــر الدموع..||

naglaa elgafary 25 أبريل 2009 2:15 م  

وفقك الله يا دكتور عرفة

د/عرفه 25 أبريل 2009 2:46 م  

محبة الرحمن
شاكر لوجودك معانا ومنورة على طول
ويارب نقدر ناخد مكان فى صحوة الامة ونشارك ولو بالقليل
جزاكم الله خيرا

د/عرفه 25 أبريل 2009 2:48 م  

أيوشة
اهلا بيك وسعيد بوجودك
جميل ان النشيد عجبك
بالنسبة للتدوين احيانا برضه الواحد بيحب يحط حاجات بسيطة كده للترفيه والفضفة
بس مهم ان احنا تكون عندنا كتابات معبرة وعايز نوصل من خلالها حاجة
شكرا لمرورك

د/عرفه 25 أبريل 2009 2:52 م  

موناليزا شكرا لمرورك
وسعيد بزيارتك
ويارب يتقبل
ويارب آآمين للدعاء الجميل ده
تحياتى ليك

د/عرفه 25 أبريل 2009 2:54 م  

دكتور ياسر
منورنا يا دكترة
فعلا الهداية دى بتاعة ربنا
ويارب يلحقنا بركب الصالحين
تحياتى ليك دكتور

د/عرفه 25 أبريل 2009 2:57 م  

المتعصم
يااااه فينك من زمان
انت اللى واحشنى والله
يارب يرزقنا الثبات
وجزاكم الله خيرا
تحياتى ليك

د/عرفه 25 أبريل 2009 3:00 م  

نور
أهلا اهلا
ما شاء الله على الرد الجميل ده
طيب انا هعلق عليه واقول ايه بقى
مش هقدر اقول غير جزاكم الله خيرا
ومنتظرين دايما تعليقات الرائعة دى

د/عرفه 25 أبريل 2009 3:02 م  

معتز شاهين
اهلا بيك استاذنا
وشاكر لزيارتك
وشكرا على التاج الجميل المهدة ليا فى بوستك السابق
بس بجد اعذرنى
منور ومنتظرينك دايما معانا

د/عرفه 25 أبريل 2009 3:13 م  

أخى أحمد يا مرحب بيك
سعيد بزيارتك
ويارب يرزقنا الاخلاص فى القول والعمل
تحياتى ليك

د/عرفه 25 أبريل 2009 3:19 م  

غربتى أهلا بيك
دايما بسعد بتعليقاتك الجميلة دى
انا شوفت الفديو
وفعلا جميل اوى
ويارب يكون ما نتكتبه دايما فى ميزان حسانتنا
والله المستعان
شكرا للمرور والتعليق الرائع

د/عرفه 25 أبريل 2009 3:23 م  

أحمد صقر
اهلا بيك يا احمد
دايما تدخل تعارض كده
ههههههههههه
اولا يا احمد انا مش قصدى الاراء السياسية وخلاص
انا قصدى ممكن تكون كلمة صغيرة ترشد واحد للصلاح دون ان تدرى تغيره من الناحية الدينية
وممكن زى ما الدكنورة نور قالت
تغير سلوك معين
اما الانسان اللى يقول انا ده اللى بعمله وده اللى مقتنع بيه وده اللى هستمر عليه ومش هتغير ابدا
اظن ان كده صعب اوى وقمة الغلط

والواحد لازم يغير رايه او سلوكه طالما اكتشف انه غلط
تحياتى ليك دكتور

د/عرفه 25 أبريل 2009 3:26 م  

دكتورة نور
اهلا بيك دكتور
ودايما بنتظر تعليقك فعلا
اظن ان ك ذكرتى مثال جميل ان مجرد خبر ممكن يغير سلوك
فعلا الواحد احيان بيكون محتاج انه يفضفض شوية كمان
شاكر لزيارتك دكتورة

د/عرفه 25 أبريل 2009 3:28 م  

تامر على
اهلا بيك تامر
ومنورنا بوجودك معانا
اكيد مش لازم الواحد يشوف ثمرة مجهوده
وكمان مش لازم يحقق نتايج
بس لازم يعمل اللى عليه
تحياتى ليك تامر

د/عرفه 25 أبريل 2009 3:32 م  

بحر الدموع
اهلا بيك اخى الكريم
دايما بنسعد بمرورك علينا
يارب دايما ينشر المنهج السليم
ويجعله السائد والمنتشر
دائما ما يتمنى الفرد نشر الاصلاح والخير فى الارض

د/عرفه 25 أبريل 2009 3:36 م  

نجلاء الجعفرى
شكرا لمرورك نجلاء وسعيد بزيارتك للمدونة
واتمنى الزيارة تتكرر على طول

د.آيه 25 أبريل 2009 5:57 م  

السلام عليكم و رحمة الله و بركاته

هو مين بقي صاحبك المحبط الوحش ده؟!!
و لا انت زى الشعراء القدامى اللي بيتخيلوا واحد ادامهم و يكلموه؟!!

كلامك حلو أوى يا محمد .. و طبعا كل واحد مننا داعية في مجاله .. و الوسط المحيط بيه .. و لازم يبذل كل ما في استطاعته .. و يتسلح بالمعلومات .. اللي بيها يقدر يرد و يدافع عن دينه .. و أنا اشهدلك إنك بتجتهد فعلا ... و ربنا يعينك .. و يتقبل منك..

بس مش يمكن صاحبك ده خايف عليك و بيقولك تحاذر بس شوية و تحكم عقلك قبل كل كلمة و توزنها من جميع الجهات ؟!! و مش يقصد إنك تمتنع تماما!!
و الله أعلى و أعلم ..

تخيل إن الكلام ده كنت كاتباه و النت فصل ؟؟!! شفت بقي المعاناه

fnoonh 26 أبريل 2009 12:39 ص  

اكتر حاجة عجبتني في اقناعك لصديقك انك بتجيب له ايات من القران الكريم
وده اجمل شئ ممكن الانسان يعمله انه يستدل على كل شئ في حياته بالقران الكريم
بس كمان طريقة اقناعك جميله والله
وكلامك مظبوط اما اننا ننشر دعوة ولو بسيطة او تكون فضفضة يعني مش هنخسر حاجة بل بالعكس ممكن نكسب
كلام جميل
تقبل خالص تحياتي وتقديري
ملاحظة/مش عارفه ليه مش عارفه اسمع الانشودة نفسي جدا اسمعها بس مش راضيه تيجي معايا

حازم النبراوي 26 أبريل 2009 1:04 ص  

انا معاك فى كل اللى قولتة قلبا وقالبا

اعمل اللى عليك وحاول تغير الوضع وربنا هو المستعان

مع خالص تقديري واحترامي لصديقي الذى لم التقيه حتى الان

د/عرفه 26 أبريل 2009 12:59 م  

فنونة أهلا بيكِ
سعيد بوجودك معانا
أكيد ممكن كلمة بسيطة يكون ليها تأثير كبير
بالنسبة للنشيد
اللينك اللى انا حاطه هو لينك تحميل للنشيد
انزلى تحت كده هتلاقى
save file
وبعدين
click here
واتمنى ان المواضيع كلها تعجبك
تحياتى

د/عرفه 26 أبريل 2009 1:01 م  

حازم
أهلا بيك حازم
وبسعد بتعليقك على طول
وان شاء الله نلتقى أخى الكريم
طيب خلاص ابعتلى دعوة وأجيلك الكويت
هههههههههههههههه
تحياتى ليك

وردة 26 أبريل 2009 1:22 م  

عندك حق يا دكتور طبعا الكلمة امانة
حتتسأل عنا يوم الدين
قال رسولنا الكريم"ص"
من رأي منكم منكرا فليغيره بيده فأن لن يستطع فبلسانه وان لن يستطع فبقلبه وهذا اضعف الايمان
ونحن في هذا الزمن احيانا لا نستطيع التغير باليد
والقلب اضعف الايمان
فلنجعل الكلمة الصادقة هي هدفنا
ربنا يكرمك بجد
كفايه مشي جوه الحيطة
الدنيا بقيت زحمة علي الاخر
موضوعك جميل اووووي
سلام

نبض الحياة 26 أبريل 2009 3:28 م  

السلام عليك ورحمة الله وبركاته
ردك اخى الفاضل على صديقك جميل جدا فربما تقول بكلمة واحدة او تذكرها فى مدونتك تكون هى السبب فى دخولك الجنة رزقك الله وايانا جنة الفردوس الاعلى .
وقد قال رسول الله صلوات الله وسلامه عليه ( لأن يهدى الله بك رجلا خير لك من الدنيا وما فيها )
وهذه سنة الله فى ارضه فلماذا خلقنا ان لم يكن لنا بصمة جميلة صالحة فى هذه الحياة فقد جعلنا الله خلفاؤه فى ارضه فبرضاه نحيا ونعيش وعلى خطى حبيبه المصطفى نسير .
دمت بخير اخى الفاضل .

حياتى نغم 26 أبريل 2009 4:20 م  

السلام عليكم / بوركت يا دكتور عرفه ورزقنا الله وإياك الصبر والصدق والثبات آمين ، بلغت وأبلغت .

أدهم 26 أبريل 2009 4:33 م  

أشكر لك مرورك الكريم وبعد اطلاعي على مدونتك أقول لك إني أعتز بهذا التعليق وفعلا هناك تقارب كبير في الأفكار أظنه ناتج عن وحدة المرجعية والتوجه

د/عرفه 27 أبريل 2009 12:48 ص  

اية صحيح نسيت اعلق عليكى
المهم صحيح جزاكم الله خيرا على الكلام ده
وبعدين بلاش مدح كتير فى اخوكى
عن جد مش بحب كده
وبعدين بلاش عن الحسد والناس اللى عنيها وحشة
هههههههههههههههه

د/عرفه 27 أبريل 2009 12:50 ص  

وردة أهلا بيكِ
دايما بسعد بوجودك فعلا
ويارب نقدر نحاول نغير هذا المنكر بكلمتنا وبقلوبنا
جزاكم الله خيرا

د/عرفه 27 أبريل 2009 12:53 ص  

نبض الحياة
شاكر لزيارتك فعلا
ويارب يسمع منك
وربنا يتقبل
وجزاكم الله خيرا

د/عرفه 27 أبريل 2009 12:55 ص  

حياتى نغم
جزاكم الله خيرا
شكرا لزيارتك الجميلة
ويارب يرزقنا الثبات على الحق

د/عرفه 27 أبريل 2009 12:56 ص  

أدهم أهلا بيك
وعن جد انا اللى بعتز بزيارتك
ومنتظرين ابداعاتك القادمة ان شاء لله
وربنا يديم التواصل

نور الاسلام 27 أبريل 2009 7:09 ص  

السلام عليكم
اولا: بجد احييك على اختيارك لهذه التدوينه

.وبالنسبه للدعوه فهى كما ذكرت فى قوله تعالى (كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنْ الْمُنكَرِ)فدين الاسلام هو دين الدعوه وكما قال رسول الله صلى الله عليه وسلم : "بلـّغوا عني ولو آية".

فالدعوه بكل الأساليب المتاحه الينا ..سواء كانت عبر الانترنت او غيره

ثم ليه احنا كمسلمين ملتزمين لا نطرق عالم التدوين؟!
اذا كان كثير من المدونين يكتبون فى اشياء غريبه واسميها انا ((بالهيفه))ده غير المدونات السيئه..
ايه المشكله لم يكون وسط هذه المدونات تدوين اسلامى هادف يوصل لشىء ..((ده بمجرد انى دخلت عالم التدوين يا اخى بنية زياده فى عدد المدونات الاسلاميه فهذا فى حد ذاته نيه طيبه))فما بالك انى اكتب كمان لأفيد غيرى ..واستفيد
ثم ان ممكن لم يعلق احد على مدونتك الا انها ممكن تفيد اخرين يمرون عبر البحث ويستفيدون ...الى انا عايزه اوصله ..ان المسلم الملتزم ..لازم يكون موجود فى كل ساحه سواء على الارض أو على النت ..ويحسن استخدام كل مايُجيده لمصلحة دينه ...

اما النشيد فهو من الاناشيد المفضله لدى ...

حضرتك عارف لو كل واحد فينا حقق كلمات النشيد ده وبقت الدعوه الى الله احب حاجه عند والله يا اخى ساعتها هيكون للاسلام شأن عظيم ..نسأل الله ان يعز الاسلام والمسلمين..

بارك الله فيك اخى ..وجزاكم الله خيراكثيرا..

نور الاسلام 27 أبريل 2009 7:10 ص  

معذرة التعليق طلع طويل اوووووى..

ندا 28 أبريل 2009 5:18 م  

جزاك الله كل الخير
واتشرف بدعوتك لزيارة مدونتى
http://nedaaty.blogspot.com

حتى تشرق الشمس 28 أبريل 2009 6:49 م  

السلام عليكم ورحمة الله وبركاتة
موضوع ممتاز
وفعلا كل منا لة دور يجب ان يقوم بة
ولنا دعوتنا يحب ان نؤديها ونهتم بها ونامر بالمعروف وننهى عن المنكر لاننا مسائلون عن ذلك
دمت بالف خير
وجزاك الله خير كثيراااااااا

زهرة الأمل 28 أبريل 2009 9:00 م  

ما شاء الله انشيد حلو جدا :)

حلو اوى ان الواحد يبقى عايش لهدف وخصوصا لما يكون هدف سامى زى الدعوه .. مش لازم نسمع آراء هدامه

او مثبطه المهم نمشى ع الطريق اللى اخترناه وشايفين انه صح

ربنا يوفقك ويسدد خطاك

koketa 29 أبريل 2009 8:07 ص  

فين البوست الجديد

د/عرفه 29 أبريل 2009 12:18 م  

نور الاسلام
شاكر لزيارتك
وجزاكم الله خيرا
ولا تطويل ولا حاجة انا بحب التعليقات الطويلة
والتى تشعرنى باهتمام صاحبها
تحياتى

د/عرفه 29 أبريل 2009 12:21 م  

ندا
شكرا لزيارتك الجميلة
انا زرت مدونتك
وانا حططها خلاص هناك
تحياتى ليك

د/عرفه 29 أبريل 2009 12:26 م  

حتى تشرق الشمس
تحياتى ليكِ
شاكر لزيارتك
ويارب كل واحد يعمل اللى عليه كما ينبغى
وجزاكم الله خيرا

د/عرفه 29 أبريل 2009 12:28 م  

زهرة الامل
انا فرحان ان النشيد عجبك
وفعلا مش لازم نسمع لاراء مثبطة
شاكر لزيارتك
وتحياتى ليكِ

د/عرفه 29 أبريل 2009 12:29 م  

كوكيتا
اهلا بيكِ
ان شاء الله كمان يوم او يومين كده
انا بكتب تقريبا كل اسبوع كده
شكرا لاهتمامك
ومنتظرينك على طول

محمد سعد القويري 29 أبريل 2009 7:44 م  

أخي الفاضل د.عرفة
حوار جميل وشيق
أعجبتني ردودك
"وماذا بعد أن كتب ودونت وطرحت أفكرك...؟؟؟"
عندي تساؤل على هذا التساؤل ..
لماذا هذا الكلمات لا نسمعها على الصعيد الترفيهي ، مثلا لدينا آلافًا من المسرحيات والأفلام وكذلك صدرت آلافا من ألبومات الأغاني هل كل هذا مدعاة لهم أن يتوقفوا ؟؟ لا أظن أحدهم توقف ..
وأظن أن الجادين عليهم أن يعملوا ولا يلتفتوا لهؤلاء المثبطين الأصفار اللي بيمشوا جوه الحيطة ..

وتحياتي إلك

د/عرفه 1 مايو 2009 4:59 ص  

اهلا بيك
محمد
منورنا وكل اهل السعودية
عندك حق
اذا كان اهل الباطل مفيش حد بيسكتهم
احنا نسكت ليه

إرسال تعليق