المجنون





كنت خارج من المعهد وقتها تقريبا كنت فى الإعدادى وكان معايا إصحابى ومروحين مع بعض
وإحنا فى الطريق قابلنا واحد مجنون (مختل عقليا) والظاهر إنه كان منفعل جدا كانت العيال الصغيرة بتضايقه جامد وكانوا قاعدين يشتموه من بعيد ويطلعوا يجروا

المهم وإحنا ماشيين لقيت إصحابى خدوا جنب كده ومشيوا بعيد شوية ولكن
أنا قولت فى نفسى وقتها أنا ما مش معاهم أنا معملتلهوش حاجة
ومشيت فى نص الطريق عادى جدا ولقيته بيتحرك قدامى يمين وشمال بعصبية ومفيش حد قدامه إلا أنا
المهم مسكنى ووقعتى على الأرض وقعد يخبطنى فى الأرض ويضرب
الحمد الله إنه ما طولش معايا لأنه كان فيه واحد كبير إبن حلال مسك الجنون ده وهداه شوية وبعده عنى قبل مايحصلى مشكلة

الحمد الله الموضوع إنتهى على خير من غير إصابات
الفكرة إنى مكنتش مستوعب الموقف بس لأنه مر بسرعة جدا المهم إنى إتعلمت شىء مهم أوى وحكمة فى دماغى على طول

{إنه مش معنى إنك برىء إن الجنون ممكن يسيبك فى حالك }
بس أنا إيه اللى خلانى أحكى المشهد ده اللى كان من أسوء مشاهد حياتى
إنه من أكتر من شهر كده لقيت عربية أمن مركزى عندنا فى الشارع إيه يا جماعة العربية دى ليه وبعدين دى واقفة قدام البيت اللى فيه فرح قولت يمكن مخالفة كهرباء أو مخالفة إزعاج جيران رغم إنه كان فرح هادى جدا
وبعدين أكتشف إنهم واقفين علشان يمسكوا الباشمهندس أحمد
الباشمهندس ده يا جماعة مثال للإحترام والأدب والعلم والثقافة والنجاح يعنى من الأخر كده قدوة حسنة لأى شاب طموح وأنا كنت بحبه جدا جدا الفكرة إنه كان لسه خارج من المعتقل ومكملش أسبوعين بره
وكنت أنا يومها كنت لسه مسلم عليه فى صلاة العشا وكنت فرحان جدا إنى قابلته لأنه بالإضافة لإنه كان فى المعتقل ومشفتهوش ن زمان إنه نقل مسكنه من الشارع عندنا وكان موجود بس علشان يحضر فرح بنت أخوه
وبعدين ألاقى الناس واقفة فى البلكونات بتفرج على عربية الأمن المركزى بدل ما كانت مفروض تتفرج على الفرح إيه يا جماعة العربية واقفة ليه الظاهر إنهم مش لاقيين الباشمهندس فى الفرح
طبعا إقتحموا البيت ودخلوا على العريس والعروسة وهما بيتعشوا وكان مشى من الفرح خلاص وفضلوا واقفين قدام البيت لغاية الساعة3 فجرا

وبعدين أسمع إنه لما حضر الفرح مشى هو وزوجته وأولاده للإسكندرية يقضوا فترة راحة كده شوية بس الظاهر إنه مش مكتوبله يرتاح -وإن شاء الله تكون راحته الحقيقية عند ربنا-ووقتها كان ماشى بعربيته على الكورنيش وبعدين يوقفوا الكورنيش كله والطريق كله من الناحيتين علشان يمسكوه وبعدين لما وقفوا عربيته خرجوه من العربية من وسط زوجته وولاده ومسكوه معاهم
ياااااااااااه كل ده بتهمة إيه كل الموضوع ده علشان هو إنسان ملتزم ومؤثر ومتيسر ماليا طيب إيه ذنب أطفاله الصغيرين -اللى نفسى أولادى يكونوا زيهم كده فى الأدب والثقافة - وإيه ذنب زوجته الدكتورة إنها تربى عيالها من غير زوجها ويقضوا رمضان والعيد من غيره
وللأسف أكيد اللى مسكوه مش عارفين هما ماسكينوه ليه وإن شاء الله لما يطلقوا سراحه برضه هيكونوا مش عارفين هما سابوه ليه
ساعتها إفتكرت المشهد السىء بتاعى وعرفت
{إنه مش معنى إنك برىء إن المجنون ممكن يسبك فى حالك }

33 رأيك يهمنا:

ghorBty 26 سبتمبر 2009 9:25 ص  

لا حول ولا قوة الا بالله

اقول ايه بعد الكلامـ دا غير كدا

ربنا يفك اسره ويبارك له في اولاده ويصبرهمـ

وعندك حق في كلامك وفي نفس الوقت عندي توضيح كدا كل حد كويس هيعيش خايف يتحرك وكانه متهمـ المواجهه عادة مطلوبه بس في نفس الوقت لازم اعرف اللي قدامي دا مين وممكن يتصرف ازاي يعني ( اقدام علي الفعل وحكمه في نفس الوقت ) تصرفك كان سليمـ لكن ما عملتيش حساب انك قدام حد فاقد السيطره علي نفسه الموقف كان عايز حكمه مش تراجع عن الفعل ..

فليعد للدين مجده 26 سبتمبر 2009 10:14 ص  

يبقي ان نعترف أن الوقاية من المجانين والاشرارليست مضمونة تماما في هذا العالم مهما اتخذنا من احتياطات

جهاد 26 سبتمبر 2009 11:05 ص  

حسبي الله ونعم الوكيل أعاده الله سالما لأهله عاجلاغيرآجل ... جزاكم الله خيراعلى طرح الموضوع المؤلم المحزن بهذا الأسلوب الواعي

أحمد فارس 26 سبتمبر 2009 12:50 م  

تدوينة جامدة جداً وتسلم على كلمة الحق وحكمتك اروع

حياتى نغم 26 سبتمبر 2009 2:02 م  

السلام عليكم ورحمة الله وبركاته

جزاك الله خيراً يا دكتور .
لكنى لا أراه جنوناً إنما ظلماً وفساداً وعدواناً حسبنا الله ونعم الوكيل .
وربنا يفك أسره وأمثاله أجمعين آمين .

حلم بيعافر 26 سبتمبر 2009 2:41 م  

ربنا ع الظالم والغبى
ده غباء يادكتور مش جنون
المجنون اللى انت اتكلمت عنه فى المشهد الخاص بك مش ممكن تشبهه بحد غبى او هيئة غبية او نظام غبى
كل سنة وانت طيب

اللؤلؤة 26 سبتمبر 2009 3:07 م  

د/ عرفة
السلام عليكم
أشكر حضرتك على الزيارة وعلى إثارة هذا الموضوع الهام والذى يعانى منه الكثير من الشباب الملتزميين
اللهم فك فك كربهم جميعاً
تقبل مرورى

ايومي 26 سبتمبر 2009 5:55 م  

حسبي الله ونعم الوكيل,
ياليتهم كانوا مجانين مختلين عقليا,
المجانين غير محاسبين,
أما هم فنسأل الله العافية مما سيذوقوا وبال أمرهم,
وأما الآخرين فقد خصهم الله بالمحنة ليمتحن ايمانهم وصدقهم ويجزيهم إذا صبروا جزاء وفيرا.
نسألكم دوام الدعاء.

موناليزا 26 سبتمبر 2009 7:06 م  

بجد مش عارفة أقول ايه

بحر الإبداع 26 سبتمبر 2009 9:04 م  

السلام عليكمـ

أخي الحبيب د.عرفة..

ما أكثرهم المجانين الذين يمشون في شوارعنا وطرقاتنا ، صدقاً أقول لك أحياناً أجد هؤلاء المجانين أعقل منا جميعاً ، كفى أنهم يعيشون ولا يدركون ماذا يحصل حولهم وما الذي يجري بجوارهم.؟!

عفانا الله واياك من شر الجنون..

دمت بخير

NilE_QueeN 26 سبتمبر 2009 9:22 م  

حقيقي حسيت بصعوبة الموقف سواء اللى انت اتعرضت ليه او اللى اتعرض ليه الشخص اللى اتكلمت عنه

التدين بقي خطيئه ف البلد دى

القدر و انا 26 سبتمبر 2009 9:23 م  

د.عرفة
كل سنة وانت والمصريين بخير
الحقيقة ده حال كتير من الملتزمين فى البلد دى
ولا ننسى د. توكل وما بتمتع به من سمعة طيبة
ولا نقول غير حسبنا الله ونعم الوكيل

حياتى نغم 26 سبتمبر 2009 11:23 م  

السلام عليكم ورحمة الله وبركاته

تم نشر تدوينة بمجموعه من اللوجوهات المخصصه لحملة ( عايز أعيش ) بمدونتى تفضل بإختيار ما يناسبك .

TIMMY !! 27 سبتمبر 2009 12:44 م  

السلام عليكم ,

مش عارف أقول لك إيه بصراحة يا محمد ,

إنا لله و إنا إليه راجعون ,

انقلب الزمان حتى صار البريء مجرما و المجرم بريئا !!

و لا حول و لا قوة إلا بالله ,

المعتصم 27 سبتمبر 2009 1:41 م  

السلام عليكم ورحمة الله وبركاته
د/عرفه حبيب قلبى
ازيك
يارب تكون بكل خير
مش هقول غير حسبنا الله ونعم الوكيل
وفعلا احلى تشبيه لهم هو المجنون لانه مش بيبقى عارف هو عاوز ايه او بيعمل كده ليه
زى الثور بتاع الساقيه اللى بيلف حوالين نفسه وهو مش عارف
ربنا يرحمنا برحمته ويفك اسر المظلومين
ســــــلام

iBRAHiM sAllAM 27 سبتمبر 2009 4:44 م  

لا حول و لا قوة إلا بالله ,

مش لاقي تعليق بصراحة يا محمد ,

ربنا ينصر من نصر الدين , و يهدي من خذل الدين

غير معرف 27 سبتمبر 2009 8:13 م  

ده مش جنان اللى بيحصل ده شئ مترتب ومدبر باحكام كمان المجنون ممكن نلتمس له العذر لما يرتكب جرم لكن الناس العاقلة لما تعمل تصرفات غريبة وعجيبة وشاذة فى اغلب الاوقات يبقى لازم تقف عند حدها ووتعاقب اللى بيحصل ده سميها ترتيب منظم بيقضوا بيه على الامل فى اصلاح البلد


ايووووشة

ريمان 27 سبتمبر 2009 10:33 م  

لا حول ولا قوه الا بالله


مش عارفه بجد اقول ايه

سبحان الله

karim 27 سبتمبر 2009 11:45 م  

السلام عليكم
إزيك يادكتور أخبارك إية
موضوع جميل كالعادة عن شخصية فريدة ومهما الواحد يتكلم على البشمهندس مش هيوفيلو حقة لأنة فعلا مثال للإحترام والعلم والصبر وربنا يباركله فى أولادة وزوجتة ويجمعهم ويجمعنا جميعا فى الفردوس الأعلى ..
بس أنا عايز أقول حاجة يعنى واحد زى دة لما يدعى ويقول اللهم إرزقنى الفردوس الأعلى رنا سبحانة وتعالى إن شاء يستجبلوه لأنة بنى لأخرتة فى الدنيا لكن لما واحد زى كدة يدعوا بالفردوس الأعلى ربنا كريم وهيستجبلوة بردة إن شاء بس هو عمل إية عشان الرحمن يستجسيب...........
وشكرا

well 28 سبتمبر 2009 4:36 م  

ربنا يصلح الحال ....

د.آيه 28 سبتمبر 2009 4:54 م  

كنت عايزة أقولك مكتبتش ليه بالمرة رقم موبايلك أسهل..
looooooooooool
بتخوفنى عليك دايما كده ..
و ايه الحكاية الغريبة اللي حكيتها في الأول دي معرفهاش أنا؟؟ في اسرار كتير كده معرفهاش و لا ايه؟؟



بس بغض النظر الموضوع عجبنى و حلو و عندك حق

mimi 29 سبتمبر 2009 2:40 ص  

يا خبر ... تجربة صعبة جدااااااااا

طيب انا مقدرش أحط نفسي مكانك خالص

مش متخيلاها أشاسا

كويس انها جت علي حد كده

هديـــل الـروح 29 سبتمبر 2009 1:37 م  

ربنا يفك كربه ويفرج همه هو وعائلته ،دايما كده أى إنسان يحب الخير فى بلدنا لازم يعتقل بحجة نشر الخير والحق !!!لا إله إلا الله

هداية 29 سبتمبر 2009 1:48 م  

السلام عليكم

فى البدايه انا اتخضيت اوى من الصوره الاولى
على العموم مش مهم

انتى عندك حق فى كل اللى قولته إنه مش معنى إنك برىء إن المجنون ممكن يسبك فى حالك

بس الموضوع ده بتكرر قدامنا كل يوم فالمفروض ان احنا منستغربشى
(لأن ليس على المجنون حرج)

والله المستعان

طالبه الفردوس 29 سبتمبر 2009 7:50 م  

وقالوا ربنا إنا أطعنا سادتنا وكبراءنا فأضلونا السبيل

للاسف الوقتى الدين والاحترام والايجابيه بقت تهمه
اللهم دمها تهمه واحفظها من الزوال

حسبى الله ونعم الوكيل فى كل ظالم
الظاهر الوقتى ان البرئ هو الوحيد المتضرر

THE illusionist 1 أكتوبر 2009 6:16 ص  

انا شدنى الموضوع وقريته
خصوصا ان قصه حضرتك حصلت معايا
سبحان الله
بجد الموضوع شدنى
معنديش رد كتير غير شكرا
الموضوع عجبنى

هكذا علمنى سيدنا محمد( صلى الله عليه وسلم) 1 أكتوبر 2009 7:18 ص  

السلام عليكم ورحمة الله وبركاته
حياكم الله وبياكم أخوانى وأخواتى وجعل الجنة مثواى ومثواكم .
أرجوا من حضرتك التكرم والإشتراك فى عمل الدليل المقترح عندى فى المدونة .
وجزاك الله خيرا على هذا الموضوع
دمت فى أمان الله

مجرد مدونة 1 أكتوبر 2009 2:16 م  

الله المستعان ربنا يفرج كرب كل مكروب يا رب .. وتشبيه فى الصميم فعلا :)

غير معرف 2 أكتوبر 2009 6:27 م  

أخى الفاضل ............. أختى الفاضلة
سلام الله عليكم ورحمته وبركاته
ندعوكم جميعا للمشاركة معنا فى حملة ( معا لوحدة الامة ) المنشورة على مدونة الايجابية والاصلاح , وموقع عودة ودعوة , وموقع دنيا الرائ , وموقع ينابيع تربوية , وذلك بنشرها فى كل مكان , ليعم الخير ونكون جميعا سببا فى لم شمل ابناء الامة ونبذ الفرقة والخلاف ,ونشر ثقافة الوحدة والاخوة والاعتصام .
ان امتكم اليوم فى اشد الحاجة الى جهادكم بالكلمة , فشاركونا الحملة بمواضيع هادفة ومقالات وقصائد واشعار ووسائل جديدة تكون سببا فى وحدتنا ووقف شلال الدم النازف فى بلادنا العربية والاسلامية .
ونحن نمد ايدينا الى كل العاملين فى سبيل الله , المخلصين للاسلام الذين يطمحون الى تحقيق وحدة الامة الاسلامية , بغض النظر عن انتماءتهم الطائفية او المذهبية او الحزبية او الحركية او الجغرافية أو العرقية , فالكل عندنا سوا , مادام يشهد أن لا اله الا الله محمد رسول الله .
وهذة محاولة نبتغى بها وجه الله عزوجل , عسى ان تكون سببا باذن الله فى توحيد صفوف الامة , ونشر ثقافة الوحدة والاخوة والاعتصام , فلا تبخلوا علينا بمساهمتكم البناءة , والله من وراء القصد وهو المستعان على ما يصفون .
( وان هذة امتكم امة واحدة وانا ربكم فاعبدون )
اخوكم / سعيدالشريف / مدونة الايجابية والاصلاح

Beram ElMasry 4 أكتوبر 2009 2:29 ص  

أخي الكريم د / عرفة
أشكر لك موافقتك علي وجهة نظر الجميع من أنه لا خلاص للقدس إلا بالجهاد فالغرب لن يسمح بإعادتها لنا وإلا فما معنى الحروب الصليبية الشرسة على مدار القرون السابقة مع خالص تحياتي والسلام ولا سلام مع قتلة الأنبياء والأطفال بني إسرائيل .

د/عرفه 5 أكتوبر 2009 6:18 ص  

فى البداية بشكر كل الناس اللى علقت على الموضوع وكل الناس اللى قريته ومعلقتش
وأكيد شكر خاص للمدونين أصدقائى اللى بيتبعونى دايما
وكمان المدونين اللى أول مرة ينورونى هنا وأتمنى إنهم ينورونى دايما

وأتمنى ان الفكرة تكون وصلتكم
ولكن إنتوا عارفين كل ما اخشاه انه يكون الجنون ده معدى لانه لو انسان بيعاملك دايما بجنون فصعب جدا انك تحافظ على هدوءك وعقلانيتك على طول
وهى دى المشكلة الكبرى

دعواتكم يا جماعة
تحياتى

riham attya 6 أكتوبر 2009 12:01 ص  

لا حول ولا قوة الا بالله

عندك حق يادكتور عرفة بجدإنه مش معنى إنك برىء إن المجنون ممكن يسبك فى حالك

لكن حضرتك عارف الارض الطيبة هى اللى بتطرح خير

لكن لما تكون الارض خبيثة والنظام ظالم

يبقى الغير الطبيعى انه يكون فى ناس صح فيها

وهى دى ام الدنيا تمشى صح تشوف الويل

شكرا ليك اتمنى تكون فاهم قصدى

محبة الرحمن 21 ديسمبر 2009 10:00 م  

موضيع حضرتك متميزة دايما ما شاء الله

ربنا يبارك فيكم ويجعل ايجابيتكم فى ميزان حسناتكم

إرسال تعليق