هنا المحلة







ده مشهد النهاية يعنى مثلما يقولون فى الأفلام بعمل _ فلاش باك_
ولم أكن أعلم أن الفيلم سيكون درامى بهذا المنظر
كنت قد صورته من بدايته
معذره لا يوجد عندى سوى مشهد النهاية ولكن تخيلوا معايا
نرجع للفيلم من بدايته

منذ حوالى خمسه أو ستة أشهر تقرر صرف مبلغ مالى للصرف على مدينتى الجميله المحلة
الجميع استبشر بالأمر
طبعا هتسألوا لماذا المحله بالذات؟ _مش محتاج أقولكم _
راجعوا الأحداث

وبالفعل بدأ العمل على قدم وساق وبدأوا فى تجميل مدخل المحلة
وبالفعل تم تغطيه جزء كبير من مدخل المحلة فغطوا الرصيف بالبلاط
ووضعوه شجر وزرع بجواره
ووضعوا كراسى للإستراحه على الرصيف
وكذلك أعمده إناره وعليها مصابيح خضراء مستديره غايه فى الجمال
وأعادوا طلاء سور السكه الحديد _خلفية الرصيف_
جميع سكان المنطقة استبشروا بما حدث وسعدوا بهذا التغيير حتى أن بعضهم كان يقضى أمسيته على تلك الإستراحات خصوصا فور الإنتهاء منها تقريبا فى نهايه الصيف الماضى ويجلسون عليها مثلما يجلسون على الكورنيش _ولكنهم بالطبع يجلسون على الطريق السريع_
فاصل إعلانى
طريق المحلة طنطا

منذ عام فائت
ألات الحفر لإزاله الطريق ................................. ألات الرصف لرصف الطريق
ألات حفر أخرى لإزاله ما تم رصفه.........................ألات رصف لإعاده رصف ماتم حفره
تعاود ألات الحفر عملها مره أخرى ..........................منتظرة قدوم ألات الرصف لتعيد رصفه
رأى الناس ربنا يعينهم ما شاء الله بيصلحوا الطريق
سؤال الحلقة
ما هو الجزء المتبقى من الطريق الذى لم يتم رصفه حتى الآن؟؟؟؟؟؟؟؟؟؟؟؟
اذا علمت الإجابه اتصل على
009001200

نعود للفيلم
الصوره حتى الآن فى غايه الروعه وهنا استوقفنى واحد من أصحابى المتشائمين جدا
وقال لى لن يستمر المشهد بهذا الجمال
استغربت لقوله وقلت له سيتمر إن شاء الله بالعند فيك هذا المكان ليس عليه ضغط والإستهلاك مش كتير ولن يستهلك مثلما حدث فى الشوارع الرئيسيه _الشون وشارع البحر_
وانتهى الحوار هنا
ولكن منذ شهرين تقريبا بدأوا فى إطفاء أعمده الإناره قلت فى نفسى مش مشكله يمكن توفير برضه ولكن مشهد النهايه جاء بصور دراميه جدا لم يتوقعها أحد بدأ المشهد بألات الحفر التى بدأت فى حفر الطريق لرصفه قولنا كويس شىء كويس ولكن العجيب أن الألات لم تحفر لتزيل الطريق فقط ولكنها جاءت على الأخضر واليابس فأزالت الرصيف بأكمله بما عليه من أعمده الإناره _التى كانت مطفئة للتوفير_
وبالطبع أزالوا البلاط المغطى للأرضية وإزالوا كراسى الإستراحه
وما كان بجواره من زرع
وللأمانه
أبقوا على طلاء سور السكه الحديد حتى الآن
لينتهى المشهد نهاية مأسوية مخرج الفيلم طبعا محترف يعشق النهايات المفتوحة فترك لنا حرية التخيل عن سبب هذا الهدم وحرية تخيل ما سيحدث بعد ذلك
قولت أساعدكم شويه فى التخيل ده
سألت نفسى عن سببب منطقى لما حدث
لم أجد سوى هذا
المثل الشعبى
{اللى معاه قرش ومحيره يشترى به حمام ويطيره}
فكرت كمان شويه قولت يمكن لأن 6 إبريل قرب فقالوا نوفر على الناس بدل ما السكان يكسروا نغنى عنهم هذه المهمه ونقوم نحن بها نيابة عنهم فكرت كمان شويه قولت يمكن ........................................................................................................................................... لأ قولوا إنتوا أحسن
لن أمنع ذهنكم من التخيل
تنويه بسيط شكرا خاص جدا جدا لمن ساعدنى فى إلتقاط هذه الصور فجزاه الله خيرا

71 رأيك يهمنا:

تلميذه سلمان الفارسى 19 مارس 2009 5:37 م  

السلام عليكم
حاجه غريبه جدا.. ايه هدفهم من كده مشفاهمه
بس خلاص الواحد مشعاد بيستغرب من اللى بيحصل ده.
المثل ده يبقى ازاى؟؟
"لو حد من الحكومه معاه قرش ومحيره يجيب بيه حمام ويطيره"

محمد عبد الباسط 19 مارس 2009 5:38 م  

فيلم معروف ومتعاد فى كل السينمات والقنوات قصدى المدن والشوراع
مش حلو فكرة الفيلم بس حلو العرض واللى نقد الفيلم

تقبل تحياتى اخى العزيز

حلم كبير

مهندس / على درويش 19 مارس 2009 5:40 م  

كأنك بتشوف فلم درامي على التلفزيون
علشان الناس تضحك
بس للأسف الفلم دا واقعي جدا جدا
والناس لا تملك شئ سوي أن تكمل الضحك


وزي ما قالوا زمان اللي معاه قرش يحيرة يجيب حفار وأسفلت وسفلته


تصدق ان دا فيه مصلحه لناس كتير جدا
أولا للمقاول اللي هيعيد الرصف دا لأنه لو قلل سمك الرصف 1 سم بس بطوول الطريق هيكسب دهب

وبالطبع دا هيعود بالنفع على اصحاب التفكير والتدبير


فيه حجات كتير فعلا هتعود على ناس كتير
وبعدين تلاقيهم غلابه مذنوقين في فلوس
فقالوا نشيل الرصف ونحفر ونرصف تاني أصل الرصف القديم أتهلك


تحياتي

أحمد سعيد بسيونى 19 مارس 2009 5:42 م  

بسم الله

بصراحة في البداية الصور مش واضحة

ولكن المعنى والفكرة واضحة جدا
ومعادة في كل الشوارع والزقاق
ومكررة في كل المدن والقرى

وغير معروفة الاسباب
وغير معروفة الدوافع
وغير مستساغة مطلقاً

ربنا ينتقم من الظلمة
المبذرين
الفاسدين

قول آميييييين

بحـــر الدموع 19 مارس 2009 5:48 م  

السلام عليكم

هي كده يا اخي حكوماتنا بتلعب فينا وبتضحك علينا
واحنا اللي ساكتين على كل اللي بيصير من حولنا
يعني كسروا او بنوا على حد سواء واحد واحنا مش حنتكلم ولا نقول حاجة
وانت قلتها في المثل " اللى معاه قرش ومحيره يشترى به حمام ويطيره"

بالله المستعان واليه الملجأ

لا تنسوا اخوانكم في غــزة من دعائكم

||..بحــر الدموع..||

د/عرفه 19 مارس 2009 6:20 م  

سلام عليكم
معذره للخلل اللى حصل يا جماعه
الناس اللى علقت فى الأول بس
مش معلقين بالبروفايل بتاعهم
الموضوع اللى كنت كاتبه اتكتب من المسوده
فاتكتب بتاريخ قديم اوى
ولما اعدت نشره كانت التعليقات هتتمسح
فاعدت كتابه التعليقات كوبى وباست
بس مش بالبروفايل بتاعكم
فمعذره مره أخرى
ثانيا لو الصور مش واضحه انا هحاول اعيد نشر الصور
مره اخرى
بوسيله تانيه
الله المستعان
وجزاكم الله خيرا

Ghreeb 19 مارس 2009 6:39 م  

بس دا مش في المحلة بس يا دكتور دا في مصر كلها كان اغرب شئ شوفتوه لما كنت عايش في مصر نفس ادارة الحي تعمل رصيف و تتعب و تجي عايزين يركبوا عمود و لا مواسير جديدة يهدوا و يكسروا الرصيف حتة حتة !!
و يفصل نفس الفلم كانت حاجة تضحك فعلا
ببس سيبك انتا المحلاوية اجدع من شوفت في مصر بدون مجاملة
هههه فكرتني مرة روحنا محلة ابو علي اكيد عارفها مع واحد صاحبنا و لعبنا كورة هناك و علي نهاية الماتش خصل شدة بسيطة مع الشباب هناك و انضربنا علقة موت ههههه
جزاك الله خير علي التدوينة
سلام عليكم

د/عرفه 19 مارس 2009 7:13 م  

تلميذه سلمان الفارسى
منوره المدونه
ويا مرحب بيكِ
وشكرا لزيارتك الأولى
وفعلا حاجه غريبه للى بيحصل ده وعمرك ما هتفهميه
..............................................
..............................................

محمد عبد الباسط
حبيبى
منور يا محمد
وبصراحه بقى شىء محزن
ان احنا نتعود على هذا الفيلم الملل
ومتحرمناش من تعليقاتك دكتره

د/عرفه 19 مارس 2009 7:18 م  

مهندس على
اهلا بيك هندسه
بتسعدنا دايما بتعليقك
فعلا الواحد اصبح بيضحك من كتر الأسى
تسلم هندسه
...............................................
...............................................
أحمد سعيد
ازيك ابو حميد حبيبى
منور يا احمد
انا هحاول ارفع صور تانيه ربنا يسهل
فعلا امر غير مقبول بالمره
وربنا يخلصنا من الظالمين

د/عرفه 19 مارس 2009 7:24 م  

بحر الدموع
شكرا لاهتمامك وبتنورنا على طول
فعلا حكوتنا بتضحك علينا وبتلعب بينا لعب
واهو احنا بنحاول نعمل حاجه
والله المستعان
وربنا يكشف عنا الظلم
.................................................
.................................................
استاذ غريب
منورنا فى أول زياره ليك
وفعلا ده شىء للأسف معتاد فى مصر
بس انا عارف ان المحلاويه ليهم سمعه مش كويسه
هما يمكن يكونوا اكثر عنف واكثر شغب
بس بجد جدعان اوى ويعجبوك
ومتحرمناش من زياراتك
استاذ غريب
وشكرا لزيارتك

norahaty 19 مارس 2009 7:29 م  

لا حول ولا قوة الا بالله العلىّ القدير
وكأن مصر بقت عليها لعنة الالهة
مثل سيزوف الذى حكمت عليه الالهة
برفع حجر الى اعلى جبل حتى إذا
وصل الى قمته تدحرج الحجر مرة
اخرى لعيد الكرة تلو الكرة
دون كلل ولا وصول الى هدف
محلك سر ..محلك سر..محلك سر

د/عرفه 19 مارس 2009 7:43 م  

ازيك دكتوره نور
مش عارف والله
هنتقدم أزاى والخلل ده موجود
ربنا يخلصنا من التهريج ده
وبنسعد كتير بنورك فى المدونه

norahaty 19 مارس 2009 8:08 م  

على العموم المحلة ليست الوحيدة فى هذا
ولا يجب ان (تدعّى )فضل السبق فى هذا
فللاسف هذا هو حالنا فى جميع
مشارعنا العامة وبخاصة
رصف الطرقات :(

dado 19 مارس 2009 8:18 م  

يا جماعه الموضوع مش موضوع هدم
هو مشروع اتعمل واتنفذ ف التجديد
و""المسؤل"" له تصور تاني
المناطق دي ليهاتصور جديد
ان شاء الله هيتم الايام الجايه
وفعلا هو الغلط كان التنفيذ ف الاول
بس هو ده اللي حصل
:d

د.آيه 19 مارس 2009 8:47 م  

بسم الله

دى بلاك كوميدي يا محمد..
و الله مش عارفه آخرة المواضسع دى ايه

ربما لي عوده

fnoonh 19 مارس 2009 8:53 م  

للاسف دا مش بس في المحلة دا في مصر كلها
اقولك يادكتور انا هخليني ساكته احسن اصل لو علقت
واتكلمت مش هسكت لحد بكرة وممكن الخبط في الكلام عن الحكومة وكده
يااااااااااااااااااااارب صبرنا
اه ه ه ياقلبي
نفسي تيجي تشوف الشرقية هتحمد ربنا
خلاص خلاص انا قولت مش هتكلم

تقبل خالص تحياتي

خديجة عبدالله 19 مارس 2009 11:33 م  

ابتسم فأنت فى مصر .. وعجبى
والله ساعات بحس إن دى حرب نفسية وامعانا فى القهر مثلا ربنا يصلح حالنا
أناعزفت عن التأمل والتخيل حتى لا أموت كمدا :(
من منظور وطنى آخر وهو منظومة عز وشركاه أو جيمى وشركاه فهذا لمصلحة مصر وتطييبا لخاطرها ولأجل شعب مصر ولمصلحة مصر وللل........ مصر وعند هذا الحد ينتهى الخطاب الوطنى جدا ولا عزاء للملل

من منظور ثالث هناك أمل مادام هنالك يد تعمل عليه فهل من مشمر جعلنا الله وإياكم من الأخيار المصلحين وعافانا من شرور الأشيار المفسدين

عذرا لطول التعليق ووفقك الله فى مذاكرتك ودمت بكل خير وذا بصيرة إن شاء الله

Hosam Yahia حسام يحى 20 مارس 2009 12:09 ص  

عندنا فى المنصوره
أسوأ من كده
:)
حاول ان تفعل شيئاً :)

د/عرفه 20 مارس 2009 12:24 ص  

دكتوره نور
انا عارف انه منتشر أوى
بس لما الموضوع يكون بيحصل قدامى كل يوم
وبشوفه
والله قلبى بيتقطع
هو مش سبق ولا حاجه
الناس كلها عندنا عارفه
بس المشكله انه اكيد فى ناس مباشره بتستفيد من كده

د/عرفه 20 مارس 2009 12:30 ص  

دودو أهلا بيكِ
ومنوره المدونه فى زيارتك الأولى
ويارب دايما نسعد بتعليقك معانا على طول
بالنسبه للموضوع
ممكن يكون تصور تانى للموضوع
طيب والتصور الاولانى راح فين
ونفترض بعد التصور التانى ده وجهزوه
لقينا واحد عنده تصور غير
هيكون ايه الوضع
المشكله ان مفيش حد بيحاسب حد
وزى ما بيقولوا
المال السايب بيعلم السرقه
وشكرا لزيارتك للمدونه ومنتظرينك على طول

د/عرفه 20 مارس 2009 12:36 ص  

آيه أهلا بيكِ
فعلا دى كوميديا سوداء
منتظر عودتك
...............................................
...............................................
أفنان
أهلا بيكِ دايما
ومتشكرين جدا لزياراتك للمدونه
يارب دايما كده منورانا
وبعدين كنا عايزينك تتكلمى وتحكى
يلا خير فرصه تانيه
تحياتى

د/عرفه 20 مارس 2009 12:48 ص  

خديجه عبد الله
اهلا بيكِ
ويا مرحب بيكِ دايما
بس ده مش امعان فى القهر ده امعان فى الفساد
وطبعا
احنا عايشين علشان خاطر الامل ده
ومفيش حياه من غير أمل
...................................................
...................................................

حسام يحيى
شكرا لتعليقك حسام
وياهلا بيك
تعليقاتك مقتضبه دايما
والله الواحد بيحاول يعمل اى حاجه
بس الفساد بيزيد كل يوم عن التانى
وربنا يخلصنا من الفساد والمفسدين

حياتى نغم 20 مارس 2009 12:55 ص  

السلام عليكم / حسبنا الله ونعم الوكيل للأسف بلادنا بها الكثيييييير من ملامح الفساد والسلب والنهب ولكل ظالم نهاية ، وللأسف شعب مصر صبوووور جدا جدا :)

د/عرفه 20 مارس 2009 12:59 ص  

وعليكم السلام
حياتى نغم
فعلا مصر فيها كتير من ملامح الفساد
بس لما يكون الموضوع بيحصل قدامك بيكون صعب
يارب يلهمنا الصبر
تحياتى ليكِ واسعدنا تعليقك
ومنتظرينك تكونِ معانا دايما

وردة 20 مارس 2009 1:32 ص  

السيناريو ده متكرر يوميا
طيب احنا في اسكندرية نعتبر مدينة سياحية
وه بيحصل عندنا في طريق الكورنيش
وبرضو بدون سبب
ابقي تعالي كمل الفيلم عندنا
سلام

salma mohamed 20 مارس 2009 2:12 ص  

اللي بيحصل ده فعلا فيلم زهقنا من تكراره,
هما عارفين اننا بنمل من الفرجه على الافلام المتكرره,
بس للاسف المخرج عاوز كده علشان مصلحته في الامر ده,
ده مش مدخل المحله ده كلها تعال اتفرج المحله من الجهة التانيه يعني مدخلها برضه بس من جهة المنصوره يعني من اول ما تدخل من عند سعد محمد سعد وامتدادا لمحب وشكري و....,
ربنا يرحمنا برحمته,قال كانوا بيقولوا هينتهوا من اعادة تنظيم وتجميل ورصف المحلة في سنة 2010 !!!

zidane 20 مارس 2009 8:20 ص  
أزال المؤلف هذا التعليق.
zidane 20 مارس 2009 8:20 ص  

يا دكتور في مشاهد أصعب من كدة بكتير

ربنا يرحمنا بقي من الناس اللي زي الفل اللي لهم يد في الهنا اللي احنا فيه

أنا بحب المحله والمحلاوية جدا وربنا يعدي 6 ابريل علي خير

نور الاسلام 20 مارس 2009 9:01 ص  

السلام عليكم

طبعا المشهد ده مش عندكوافى المحله فقط ده للاسف متكرر فى كل محافظات مصر ...حتى ارقى الاماكن فى القاهره لم يشفع لها ذلك ...

وانا مصريه اعيش خارج مصر وكل اجازه اقول يارب الاقيها احسن المره دى ولكن من سىء الى اسوء...
بجد ربنا يحفظ بلدنا الحبيب من كل سوء
ويفك أسرها يا رب !!!
وجزاكم الله خيرا

د/عرفه 20 مارس 2009 12:10 م  

ورده
يا مرحب بيك
انا سعيد إنك بقيت من زوارنا الدائمين
يارب دايما
خلاص الجزء التانى من الفيلم يكون عندكم إن شاء الله
جهزى location
تحياتى
..................................................
.................................................

سلمى محمد
عوده حميده
يارب تكونى احسن دلوقتى بعد الراحه
اهو انا عايز اعرف مين بقى مخرج الفيلم ده
وانا عارف ان الموضوع ده منتشر فى المحله ومش بس فى المحله دى فى مصر كلها
تحياتى ليكِ سلمى

د/عرفه 20 مارس 2009 12:13 م  

زيدان
يا أهلا بيك
وتحيه خاصه لزيارتك الاولى
ومدونتك جميله وان شاء الله تكون فى القائمه عندنا فى مدونه الدعايا
ونشوف كل اللى انت بتكتبه
ويارب تنورنا على طول
وكل المحلويه بيسلموا عليك
وتسلم

د/عرفه 20 مارس 2009 12:15 م  

نور الإسلام
إسعدنا تعليقك كتير
والحمد الله إنك خارج مصر
بعيده عن التهريج اللى بيحصل ده
ربنا يعافينا
تحياتى ليكِ نور الإسلام

ميرام 20 مارس 2009 10:06 م  

لما شفت الصور في الاول
مافهمتش أي حاجه
واستغربت ..
بس لما قريت لقيت الموضوع مش غريب ولا حاجه
(:

ولا محتاج تفسير ..
و...

(يبقى انت أكيد في مصر)
(:
تحيــــاتي ليك
بانتظار الجديد

حسام غانم 20 مارس 2009 10:23 م  

هي الفكرة هم كانوا عايزين يعملوا الشارع زي شوارع أوروبا

فكل أما يسفلتوه

يلاقوه مش حلو أوي

فيجربوا تاني

ربنا يعينهم

غير معرف 21 مارس 2009 2:07 ص  

يا دكتور لازم تقدر انه فى المرة الاولى التى تم فيها تجميل المدخل لم يكن المحافظ-ربنا يسدد خطاه ويرفع قدره ويوفقه فى عمله-يأتى الى المحلة ليقيم فيها كما هو الموقف الان
وبصراحة انا شايف ان الرصيف والانارة لم يكن شكلها لطيفا او شىء من هذا القبيل وكان من الاولى تنظيف الطريق كما يجرى الان وتوسعته واكيد فانهم لن يهملوا الجانب الجمالى فى الموضوع
وشكرا

د/عرفه 21 مارس 2009 10:38 ص  

ميرام
تحيه خاصه جدا لزيارتك الاول
مدونتك جميله فعلا
واكيد احنا فى مصر
بس ان شاء الله تتغير

د/عرفه 21 مارس 2009 10:39 ص  

حسام غانم
اهلا بيك دكتره
منورنا
يارب يكون الشكل الجديد مناسب زى اوربا

د/عرفه 21 مارس 2009 10:41 ص  

غير معرف
اهلا بيك كتير
وليش ما ذكرت اسمك
انا تقريبا عارفك
مش مشكله
المهم يارب يكون التصور الجديده مناسب لسعاده المحافظ
وطبعا احنا فلوسنا كتير نقعد نصمم ونكسر
وبعدين نصمم ونكسر
طبعا مش مشكله
مهو فلوسنا كتير ومفيش حد بيحاسب حد
تحياتى ليك غير معرف وشاكر لاهتمامك كتير

غير معرف 21 مارس 2009 12:02 م  

ههههههههههههههههه
الصور دى من عندنا مين اللى جه صور
البوابه الاولى والتانيه والتالته
انتهى برصيفهم الحال
لما كنت راحه اركب الاتوبيس وشفت اللى حصل اول مره افتكرت فيلم عادل امام
الكراسى راحت والخضره وعلامه الصلاه رررررررررراحت
وبقينا بنتردم تراب عقبال ما امشى شويه لحد مكان الاتوبيس
بس بصراحه انا مبسوطه شويه على الاقل معنتش هطلع اركب واتخض انى الاقى شباب شكلهم مريب قاعدين على الكراسى والله اعلم بيشربوا ايه
بس ارجع واقول ايه ذنبهم الناس اللى كانت بتاخد عيالها وتطلع تخرج لحد بره ويقعدوا على الكراسى جمب الخضره والنور كانهم على البحر

بس التفسير اللى سمعته
ان فى شركه جديده مسكت نظافه المحله وتجميلها وبتعمل بقى حاجات جديده بتصور جديد

بالنسبه للطريق
انا مخنوووووووووووووووووووووووووقه من المطبات الصغيره اللى عاملنها بتجيبلى صداع والاتوبيس زى الملاهى ممكن اتخبط فى السقف او
اعمل تاتاتاتاتاتا واسنانى تخبط فى بعضها

عاوزين يرصفوا ويهدوا ويرصفوا ويهدوا محدش منعهم
ربنا يهدى اللى اخترع المطبات دى كانت فكره سواد


معلش طولت بس كل اللى اقدر اقوله
وعجبى
دينا

سجود 21 مارس 2009 5:37 م  

ايه السر من ورا ده متعرفش فلوس بتطلع تسفلت وترجع تاني تهد وحاجات ملهاش لازمه بتحصل كتير
وجزاكم الله خير وانا اتذكر ان ده حصل عندنا في طنطا

رابطه مدونون من اجل فلسطين 21 مارس 2009 5:38 م  

جـــــــربت مــــــــره تــعمل حاجه للاقـصي

لو ما جربتش جرب تشـــــــارك معــــــــــنا

يمكن نقدم حاجه تكــــــــون مفـــــيده تنفعــنا

ويمكــــن بيها في الجنه ربنا يجــــمـعنـــــــا

خليــــــــــــــــــك جـــرئ وشــاركنـــــــــــا

بامكناك ان تشارك في نهضه امــــــــــــــتنا

لا تقل لا استطيع المشاركه في بناء عزتـــنا

ان عــــــزتنا تكمن في تــحرير غفلــــــــتنا

ندعوك ان تشترك معنا للنهوض بدولتــــنا

لا تتردد فانها فرصتك في مساعده اخواتنا

حمله :بايدينا ندفع الخطر عن الاقصي
رابطه مدونون من اجل فلسطين

د/عبدالمنعم 22 مارس 2009 12:00 ص  

على فكرة ياجماعه دا شغل المحافظ الجديد ولازم نصبر لان الحاجات دى بتاخد وقت ..الطرق الكبارى والمشروعات الكبيرة والحاجات دى بتتعمل كل كااااام سنة..والناس مش بايدها اي حاجة ..بس بجد الدنيا تراب وخراب ..هى دى قلعة الصناعة

إيمان 22 مارس 2009 1:26 ص  

حسبى الله ونعم الوكيل
العالم دى بتستهبل والله العظيم

د/عرفه 22 مارس 2009 8:27 ص  

دكتوره دينا
اه الصور دى من على ناصيه الشارع عندنا
مهو انا سمعت برضه التفسير ده
يعنى الشركه الجديده قضت على اللى قبلها عملته
وعملت بمبدأ انسف حمامك القديم
بس للاسف لسه مكنش قديم
تحياتى دكتوره
وبتسعدينا بتعليقاتك الطويله دايما

د/عرفه 22 مارس 2009 8:30 ص  

سجود
يا مرحب بيكِ
الموضوع مكنش رصغ وبس
لأده الرصيف كله كان اتجدد وبعدين هدوه بحاله
وطبعا ده شىء متوقع انه يحصل فى طنطا
وفى اى حته فى مصر
منتظرينك مشاركتك معانا على طول

د/عرفه 22 مارس 2009 8:31 ص  

بالنسبه للرابطه
انا رديت عندكم ورديت كمان فى الدونه التانيه
تحياتى ليكم

د/عرفه 22 مارس 2009 8:34 ص  

د /عبد المنعم
يا اهلا بيك دكتره
اسعتنا كتير بتعليقك
ويارب دايما معانا
بالنسبه للموضوع
انا عارف ان عمليه اصلاح الطريق بياخد وقت انا مش بتكلم على كده انا بتكلم على اللى كان اتعمل قبل كده
واظن انه مكنش شويه صغيرين
اظن انه شمل منطقه كبيره واتكلف كتير اوى
وبعدين اتنسف كله مره واحده
تحياتى ليك عبد المنعم ومتحرمناش من زيارتك بعد كده

د/عرفه 22 مارس 2009 8:36 ص  

ايمان
سعدنا بمرورك كتير
فعلا الاستهبال بقى شعارهم
تحياتى

ايوشة 22 مارس 2009 3:22 م  

ابدا اكيد كان فى مسئول مهم جاى عندكم لما الموضوع تم قالوا نشيل اللى عملناه علشان الناس مش تتعود على النظافة والجمال وتتطالب بحقوقها بعد كده والحاجات دى عهدة بتتبدل من مكان لمكان :)
الحمد لله التجديد فى بلدنا ثابته مش بتتغير يعنى مش هيقدروا يشيلوا النفق الجديد ونصحى الصبح مش نلاقيه

نبض الحياة 22 مارس 2009 11:41 م  

اخى الفاضل
لنا ان نتخيل الكثير والكثير ..
دة احنا عندنا وفى مكان المفروض انه منطقة راقية بيكسروا بقالهم اكتر من اسبوع عشان ايه مش عارفين المهم ان العمال من كتر حرسهم الزائد (...اوى ..) كسروا ماسورة مية فى الشارع وطبعا سابوها لحد تانى يوم من غير اصلاح وفضلت اكتر من 18 ساعة مفتوحة والمية خارجة منها زى البحر ولك ان تتخيل كمية المية بقت أد ايه واتصلات وشكاوى لحد منتصف الليل ... وطلع انهم مش عارفين المكان اللى يقفلو منه المية وبغض النظر عن غرق الشارع الا ان المية دى هنتحاسب عليها ....
ولك ان تتخيل ..... وحسبنا الله ونعم الوكيل

mohamed ghalia 23 مارس 2009 6:16 ص  

ربنا يصلح الحال

د/عرفه 23 مارس 2009 9:46 ص  

أيوشه يا مرحب
هو فعلا مسئول كبير اللى جاى وهو المحافظ
يظهر ان سعادته ناوى يقعد فى المحله 3 ايام وفى طنطا 3 ايام
المهم يظهر برضه ان التصميم الاولانى كان مضايق حضرته
وبعد ما اتعمل تمت ازالته عملا بالقول انسف حمامك القديم
ولكنه كان جديد
سعدنا بتعليقك كتير ايوشه
ونتمنى دوام التواصل دايما

د/عرفه 23 مارس 2009 9:50 ص  

نبض الحياه يا مرحب
عادى الحاجات اللى بتقولى عليها دى بتحصل كتير
لك ان تتخيلى ان الكهربا انقطعت على الشارع اللى جنبنا يومين ونص بأكملهم رغم ان احنا مفروض فى وسط المدينه ولسنا فى اطرافها او فى الارياف
وطبعا ان ساعتها كنت متضايق جدا علشان خاطر الراجل بتاع النت كانت الكهربا عنده مقطوعه
ومش عارف كنت هعمل ايه لو كان الانقطاع ده من عندنا
سعدنا بتعليقك كتير نبض الحياه
ونتمنى دوام التواصل دايما

د/عرفه 23 مارس 2009 9:52 ص  

محمد نورتنا فى اول زياره ليك
واهلا بيك دايما
ويارب يصلح الحال
تحياتى

ghorBty 23 مارس 2009 11:42 ص  

لا حول ولا قوة اٍلا بالله

يبقي انت اكيد اكيد في مصر

لو محصلش اللي انت بتقول عليه دا ساعتها كنت هحس نفسي مش في بلدنا

عقول مش عارفه نازله علينا منين

والله يعين

القلم السكندري 23 مارس 2009 2:42 م  

بصراحة يادكتور انت بتقلب علينا المواجع ف وقت هي مقلوبة اصلا ومرارتي مفقوعة اليومين دول بالذات فوق ما تتخيل

أشعر وكأننا في حظيرة ماشية..

شعب يتصرف بهمجية وعشوائية إلا من رحم الله

وحكومة تتفنن في الغباء وفي تعذيب المواطنين

قطيعٌ مستسلم جاثٍ علي الركب يمد أكف الضراعة للذئاب


العفن في كل جانب



يبدو أن صمتي الآن أفضل..



تقبل تحياتي

الحقيقه المصريه 24 مارس 2009 6:37 ص  

ياريت تيجي وتزور الحقيقه المصريه وتشوف احنا وصلنا لايه عمالين كماشه عليا يا باشا لكن ربنا معانا ان شاء الله http://elhakika.blogspot.com/

د/عرفه 24 مارس 2009 8:21 ص  

غربتى
اهلا بيكِ سعداء بزيارتك دايما
وللاسف بقى الجهل وعدم النظام شىء طبيعى فى مصر
تحياتى ليك
ومنتظرين دايما مشاركاتك

د/عرفه 24 مارس 2009 8:27 ص  

المهندس حسام _القلم السكندرى_
اهلا بيك ومنورنا على طول
واحنا هنعد ساكتين لغايه امتى
بس ما شاء الله عليك لا فوض فوك
منتظرين كتاباتك على طول هندسه

د/عرفه 24 مارس 2009 8:28 ص  

الحقيقه المصريه
اهلا بيك
ته انا طبعا متابع
الاخبار اول باول
وربنا مع كل مظلوم
منتظرين انفراداتك على طول

TIMMY !! 24 مارس 2009 9:14 ص  

يا راااااااااجل ,
أنا ما بقتش أزعل خلاص ,
أنا اتعودت .. حصل لي adaptation على رأي بتوع طب :)
أصل انت أكيد .. أكيد في مصر :)

رابط مدونون من اجل فلسطين 25 مارس 2009 1:37 ص  

المدونون والمدونات الاعزاء:

ان كنا لا نستطيع ان نشارك المقاومين باجسادنــا

فلا ننسي اننا نستطيع ان نشاركهم بايدينا والسنتنا

وذلـــك بنشـر القضيه الفلسطينيه فـــــي مدوناتنـا

ولذلـــــــك ندعــــو المــــدونين :-


لحضور اجتمـــــــاعاَ لمناقشة حملتنا بأيدينا ندفع الخطر

للدفاع عـــن المسجد الاقصـــــــي الشريف وقضية فلسطين


نشارك في عوده صلاح الدين فــــــي موقعه حطين

ونكون قد ساهمنا بنشر الوعي بيننا لمكر كــيد الغاصبين

وذلك في يوم الخميس الموافق 26 / 3 / 2009 م
فى تمام الساعة العاشرة مساءاً بتوقيت القاهرة

علي ايميل الرابطة :-


bloggersforpalestine@yahoo.com


وسننتظركم .......

لسماع ارائكم .......

ودعم جهودكم ........

نستمع الي كل ما هو جديد.

ونختــــــار كل ما هو مفيد.

ونحاول ان نحــــدث تجديد.

ولكم منا جزيل الشكر والتقدير.

الأمين العام للرابطة

الحقيقه المصريه 25 مارس 2009 7:18 ص  

بشرى ساره لجميع مدونين مصر وخبر هام وعاجل
انتصرناااااااااااااااا
وتحيا مصر وعاشت بورسعيد..وبيان عاجل
تابع الحقيقه المصريه
او من خلال هذا اللنك للاهميه وسمعيني زغروطه على المدونه

http://elhakika.blogspot.com/2009/03/blog-post_25.html

Beram ElMasry 25 مارس 2009 2:12 م  

اتمنى زيارتكم لمدونتى وابداء الراى فى الموضوع المطروح ، فلا تتاخروا ولا تبخلو ا بالمشاركة

iBRAHiM sAllAm 25 مارس 2009 5:34 م  

ياااااه , هي عدوى التكسير عندكم انتوا كمان ؟؟

عندنا برضه عمالين يكسروا و يحطوا سيراميك جديد

حاجة مستفزة يا راجل

اللي معاه قرش يحيره ... يجيب مدخل مدينة و يغيره !!

د/عرفه 25 مارس 2009 6:22 م  

TIMMY
اهلا بيك منورنا فى اول زياره
المشكله ان الناس فعلا بقيت زيك عندها adaptation
_شكلك عندك خبره بالطب_
بس بجد معتش ينفع انهم يستمروا ومفيش حد يتكلم حتى عنهم
اه
نسيت
مدونتك جميله جدا وخصوصا موضوعك الاخير
واللى بجد كنت اتمنى اعلن عنه فى مدونه الدعايا
عموما انا ضيفت مدونتك علشان نقدر نتابع موضوعاتك اول باول
تحياتى

د/عرفه 25 مارس 2009 6:28 م  

رابطه مدونون من أجل فلسطين
شكرا لاهتمامكم وانا اتكلمت عن الرابطه هناك
بس على ما اظن انى مش هقدر احضر اول اجتماع
تحياتى



الحقيقه المصريه
الف مبروك ليك
وانا اتكلمت عن موضوعك هناك وبتابع اخبارك اول باول
ياريت متحرمناش من زياراتك



استاذ بيرم
انا زرت مدونتك
وفعلا موضوع جميل
ياريت متحرمناش من زيارتك
وانا اتكلمت عن مدونتك كمان هناك
تحياتى

د/عرفه 25 مارس 2009 6:29 م  

ابراهيم
عوده حميده
منورنا دايما
يظهر ان المرض متفشى بشكل ضخم جدا
ربنا يصبرنا

د. ياسر عمر عبد الفتاح 25 مارس 2009 6:51 م  

ده مش هنا المحلة
ده هنا مصر

الإهمال سمة من سمات الشعب .. وهنا لما بقول الإهمل برحمهم من إتهامات تانية كبير أوى أوى

أنا مش عارف البلد دى هينصلح حالها امتى

رابطة مدونون من اجل فلسطين 26 مارس 2009 2:09 ص  

جزاكم الله خير د/عرفه ونتمني التواصل معنا باستمرار

د/عرفه 26 مارس 2009 1:00 م  

دكتور ياسر
سعدنا بتواجدك معانا كتير
وللاسف كلامك بقى واقعى على إن دى أصبحت السمه الاساسية فى مصر
نورتنا دكتره



رابطة مدونون من أجل فلسطين
الشكر لله
وياريت نقدر تعمل شىء بجد
تحياتى ليكم دايما

إرسال تعليق