هناك فرق

دائما ما نسمع المهتمين بالتنميه البشرية يقولون أنه على الفرد أن يرتب أولوياته

وإهتمامات الفرد تعكس أولوياته
................................
مفيش حد فاهم حاجة
طيب هحطرح عليك سؤال
ماهو الشىء الذى كان مستحوذ على تفكيرك اليومين السابقين؟؟؟؟
وما هو الشىء الذى انشغلت فيه فى تلك الفترة؟؟؟؟
إجابتك عن السؤال يعكس بشكل مباشر عن أولوياتك وابرز اهتماماتك....
فكر فى إجابة السؤال
ولكن أثناء تفكيرك هذكر لك موقف بسيط
سيدنا مصعب بن عمير قبل إسلامه كان من أكثر شباب مكه تأنقا
يذكر أنه كانت له رائحه عطر مميزة يعرف بها من بعيد
ويقال أنه كان لا يرتدى الثوب مرتين _يرتديه وهو جديد فقط وبعد ذلك يتركه_
سيدنا مصعب بعد إسلامه
تغيرت وتحولت إهتماماته وأولوياته
فهو يعتبر بمثابه شعلة النور التى أنارت للمسلمين النور فى المدينة
والبذره التى نشأ بعدها المجتمع الإسلامى فى المدينة
فهو أول سفير للإسلام
أرسله الرسول مع المدينه ليدعو الناس إلى الإيمان وإلى الخير ويمهد لهجرة الرسول صلى الله عليه وسلم
عند وفاه سيدنا مصعب شهيدا فى المعركة
جاءوا ليغطوا جثمانه
لم يجدوا ما يكفى ليغطى جسده بالكامل فكان الثوب اذا غطى وجهه برزت رجليه
واذا غطى الثوب رجليه انكشف وجهه
فأمرهم الرسول بتغطيه وجهه وما برز من رجليه غطوه بورق إحدى النباتات

فرحمه الله عليك يا مصعب الخير
هل لاحظتم الفرق فى اهتمامات والأولويات عند سيدنا مصعب؟؟!!

تخيلوا معايا كده
لو انا قولت إنى نفسى أتزوج من فتاه لديها نفس أولويات سيدنا مصعب
طبعا لن اتزوج فى حياتى...........
كل بنت حاليا عندما تفكر فى الزواج
لازم هتقولك
انا عايزه شبكه زى فلانه صاحبتى


وعايزه أعيش فى شقه زى فلانه قريبتى
ومتنساش الأثاث لازم تجيبه من من دمياط زى بنت أم حسن
احنا مش أقل منهم

ده هو التفكير الغالب عند بناتنا
بس بينى وبنكم برضه
مش بس البنات اللى بيفكروا كده
ده الناس كلها كل تفكيرها أصبح مادى وبس
فعلا
هناك فرق

62 رأيك يهمنا:

fnoonh 13 مارس 2009 10:15 ص  

دكتور عرفة
موضوعك غاية في الجمال فعلا عندك حق وجميلةجدا قصة مصعب بن عمير الانت ذكرتها
حقيقي جميلة سبحان الله بقت اولوياته الاسلام وتطبيق الدين وزهد في حجات الدنيا الفانية

الصراحة فعلا بشوف الحكاية بتاعة الشبكة والمهر والحجات دي لما حد من بنات قاريبي بيتجوز
زي مايكون بتشتري حجات عشان تعيش بيها العمر كله للابد

هوه الرسول قال اقلهن مهور اكثرهن بركة وكمان قال علية السلام خذوهم فقراء يغنيهم الله

بس ياعالم مين يعمل بكده في الزمن ده

تقبل خالص تحياتي

القلم السكندري 13 مارس 2009 10:33 ص  

ايه يادكتور الصور اللي انت حاطتها دي

انت كدة بتشبطهم في اللي في الصور مش في اللي عند صحبتها وقريبتها

وبعدين دمياط مين

قول بقي فرنسا ولا بريطانيا


عموما وماله.. ممكن تنتظرك لحد ما ربنا يكرمك بغزوة بقي ترجع منها بالحاجات دي .. ومفيهاش حاجة اهو النبي قال: (جعل رزقي تحت ظل رمحي)

يا إما ربنا يصطفيك وساعتها ليك الحور العين..

ولا الـ


ولا بلاش


موضوع جميل يادكترة

تقبل تحياتي

حسام غانم 13 مارس 2009 11:07 ص  

موضوع جميل

فعلا مهم جدا الواحد يبقى عارف هو عايز ايه وبيعمل ايه

norahaty 13 مارس 2009 11:39 ص  

ترتيب الاولويات دائما لا يكون بيدك انت وحدك
لكن بيد الاخريين ايضا !بمعنى المثل بيقولك ايه:(كّل اللى يعجبك والبس اللى يعجب الناس)الله طب افرض ما بيجبنى اللى بيعجب الناس ده!لا برضه لازم يعجبك وترضى به :(وبالتالى لا تستطيع فتاة الان القبول بزواج من غير شقة (متأسسة كويس ) ومش حأقول فاخرة لكن على الاقل فيها ماهو ضرورى للحياة الكريمة(مش حتغسل على ايدها مثلا)وبالتالى ما يراه سين غير ذى اهمية تراه جيم فى منتهى الاهمية:)

norahaty 13 مارس 2009 11:40 ص  

تعليق لوحده تدوينة
خلى بالك يعنى :)

غير معرف 13 مارس 2009 1:08 م  

د عرفه
التوبيك بدا بدايه جميله جدا
وانتهى نهايه ضايقتنى شويه بصراحه
نتكلم الاول عن الاولويات فعلا لو دور كل واحد مننا عن اللى شغل باله فتره اللى فاتت مثلا هيلاقيها مش اهم شئ موجود فى حياته
فى ناس بتعرف تظبط تفكيرها كويس وفى ناس بتفكر فى كذا حاجه فى نفس الوقت
اعتقد احنا محتاجين بجد نشغل نفسنا فى الاهم فالمهم ونحدد اولوياتنا

لحد هنا والتوبيك جميل بجد وشكرا على التذكير

لكن جيت بعدها بصراحه لغبطت شويه
ليه كل البنات بتفكر فى كده؟؟ وكمان كتبت كلمه لازم
ليه بردو لازم؟؟
عن نفسى مش بحب كلام الافتراضات ده
معلش انت مش بنت ولا تعرف كل البنات ولا تفكيرهم كلهم
ف مش ينفع تتكلم بصفه عامه عليهم صح ولا ايه؟؟
ومش هقول ان مش معاك حق
لا فعلا لسه من كذا يوم جه عريس لواحده اعرفها ولقيتها بتقولى لا عليه لانه لسه متخرج وعقبال ما يلاقى شغل ويكون نفسه
مقدرتش اقولها حاجه بصراحه لان ده رايها وهى حره
لكن اللى جه فى بالى ساعتها هو ليه راح اتقدم لحد وهو لسه مش جاهز ماديا مثلا
وهل عشان هو لسه قدامه شويه خلاص بقت الناس بترفض

راح فين كلام الرسول صلى الله عليه وسلم من ترضونه دينه وخلقه

فعلا تفكير البنات وتفكير الاهل مادى شويه لكن الحمد لله مش الكل

اتمنى الاهل فعلا يرحمو شويه بناتهم وشبابهم

بس سؤال هما فين الابهات مش بيساعدوا ولادهم ليه؟؟
وليه تلاقى الشاب نفسه يرتبط ويقول لا مش دلوقت انا اكون نفسه ورافض تماما والده يساعده وكانها عيب ومش يصح يحصل كده؟؟

يعنى هو والدك وبيحبك وعاوز سعادتك لا وممكن يكون بيحب واحده فعلا ويضيعها مثلا من ايده

انا عارفه ان ده بيكون نصيب
لكن القرار فى ايد كل حد فينا ياريت نقرر صح
اسفه اذا كنت طولت
بس انا كمان مش طلعت كل اللى عندى :)

دينا

Ramy Seada 13 مارس 2009 2:14 م  

عرفة باشا
موضوع رائع كالعادة
وان كان لا يسعفنى الوقت للرد على كل موضوعاتك فأرجو تقبل اعتذارى
بالنسبة للموضوع
فأنا شايف إن الشبكة والأثاث الدمياطى عرف اجتماعى أكتر منه أولويات واهتمامات
عند عدد غير قليل من الفتيات
بمعنى إن لو دا مش اهتمامات فتاة فبرضو مضطرة تضعه ف اهتمامتها ولو ف الظاهر فقط
تقبل تحياتى

بحـــر الدموع 13 مارس 2009 2:19 م  

السلام عليكم

أخي د.عرفة
يوم أن فكرنا بالجانب المادي فقط في حياتنا يومها أذلنا الله..!!
أنظر الى صحابة رسول الله وتابعيهم همهم الأول الإسلام ولا شئ سوى دعوة الله
كانوا يدفعون الغالي والنفيس لهذه الدعوة
بينما انظر الى الحال السيئ لشبابنا وبناتنا هذه الأيام ستى العجب العجاب
حين ترى برامج الاثارة وستار اكاديمي التي يتلهف لها شبابنا وبناتنا بل وتعرض على قنواتنا أمام مرآى العين ..حينها سنكون نحن المخطئون .!!
اخي الفرق كبير والفجوة بين جيلنا وجيل الصحابة قد اتسعت بشكل كبير ومخيف
واليوم لابد أن يقف كل واحد منا على مسؤولياته ويحاسب نفسه عن كل صغيرة وكبيرة

جزاك الله خير الجزاء وأسال الله الصلاح لنا في ديننا ودنياناوبارك الله فيك

لا تنسوا اخوانكم في غــزة من دعائكم

||..بحــر الدموع..||

ِِAdem El-Mahdy 13 مارس 2009 2:25 م  

اللهم ارزقنا الهم بالدعوة
يارب

وبس

salma mohamed 13 مارس 2009 4:05 م  

جميل جدا,
الكلام اللي في الاول,
فعلا موضوع الاولويات ده حاجه مهمة,
واحنا لو كان همنا الاكبر اننا نتقي ربنا ونرضيه,
وقتها هنلاقي كل اولوياتنا بما حوت وبكل تفرعاتها اتغيرت وصبت في اتجاه واحد رضا ربنا,
اما بقى كلامك عن البنات فملكش حق فيه,صحيح في كتير تفكيرهم كده,
بس ده مش معناه انك تعمم ده على كل البنات,
ولا انت ماشي بموضوع السيئة تعم والحسنة تخص؟
عموما مش بس البنات حتى الاولاد فيه ناس بتفكر كده,
وفي ناس تانية سواء بنات او اولاد مش بيفكروا غير في الدين والاخلاق بس.
ربنا يهدي شبابنا وبناتنا.

د/عرفه 13 مارس 2009 5:26 م  

معذره يا جماعه
انا بس عايز اوضح شىء معين
مش عارف يظهر إن البنات زعلوا منى
أولا
فى شىء مهم مفيش حد علق عليه
ايه هو الشىء اللى كنت مشغول بيه وبتعمله اليومين اللى فاتوا؟؟؟؟
مفيش حد جاوب
وهو ده اللى هيعبر عن اولوياتك

وبعدين انا مش بعمم
بس هو ده الواقع بالنسبه للبنات
انا عارف جدا ان
ان مواضيع الشقه والشبكه والجهاز ده شىء ضرورى
ومهم جدا ومهم ولا غنى عنه
بس مينفعش ان ده يكون اكبر اهتمامتنا وشغلنا الشاغل
بالامور الماديه دى
وكمان انا قولت انه مش البنات بس
قولت ان النظره دى بقت نظره المجتمع كله انه بقى بيعتم بالامور الماديه اكتر من اى شىء اخر

د/عرفه 13 مارس 2009 5:33 م  

أولا أهلا بيكِ أفنان
وتحيه خاصه لأول تعليق على الموضوع
شاكرين اهتمامك
وياسلام على رايك الحميل وعلى قناعتك
ربنا يبارك فيكِ ويارب كل البنات كده

...................................................
...................................................

باش مهندس حسام الإسكندرانى
يا مرحب بيك هندسه
يا سلاااااااااااااااام
والله الواحد مش نفسه فى أكتر من كده
ربنا يبارك فيك
وربنا يعلى من حماستك دائما كالعاده

د/عرفه 13 مارس 2009 5:39 م  

دكتور حسام
منور دايما
فعلا لازم الواحد يكون مرتب أولوياته
شكرا لمرورك دكتره

...................................................
...................................................

دكتوره نور
يا مرحب يا مرحب
انا عارف ان الأمور الماديه دى مهمه اوى
بس اللى انا اقصده انا متكونش على قمه اولوياتنا ولا على قمه اهتمامتنا
وانا موضح اكتر فى اول رد ليا فى الموضوع
شكرا دكتور بيسعدنا اهتمامك بالمدونه دايما
وبنسعد بالتواصل معاكِ

د/عرفه 13 مارس 2009 5:40 م  

دكتوره نور
اهلا مره تانيه
ههههههههههههه
رد مرتين = تعليق مرتين

د/عرفه 13 مارس 2009 5:46 م  

دكتوره دينا
معذره على إنى عممت كلامى
بس ده مش القصد
انا عارف ان فى بنات كتير اوى كويسه
بس انا بتكلم فى الأغلب يعنى
وأظنك ذكرتى ما يثبت الكلام ده
ويارب فعلا إن الأهل يرحموا أولادهم شويه
وأظن انى وضحت اكتر فى اول تعليق
شكرا كتير لاهتمامك المدونه
ونتمنى نشوف رايك معانا على طول

...............................................
.................................................

دكتور رامى
أهلا بيك بتنورنا كتير
ويارب دايما نشوف تعليقك على المواضيع كلها
ممكن ده يكون فعلا عرف
بس فعلا لو تأملت هتلاقى الناس أغلب اهتمامتها بالماديات وما شابه
شكرا لاهتمامك دكتره

د/عرفه 13 مارس 2009 5:51 م  

بحر الدموع
أخى الكريم
ما شاء الله عليك
هذا هو ما قصدته تماما
أصبت كبد الحقيقه
ربنا يزيل عنك كل الاحزان والآلام
ويكتب لنا النصر الدائم
منورنا دايما بحر الدموع
..................................................
..................................................

آدم المهدى
منورنا يا باش مهندس أحمد
معرفش كل الغيبه دى كلها بعيد عننا ليه
بس مش مشكله
يارب آآآآآآآآآآآآآمين
وياريت متغبش عننا كتير بعد كده
وأبقى أعتبك بينى وبينك على أمر خاص بعدين
شكرا مره تانيه

د/عرفه 13 مارس 2009 5:53 م  

سلمى محمد
متشكريييييين كتير اوى
على متابعاتك دايما واهتمامك بالتواصل
وحرصك الدائم على باقى المدونين
يارب متحرمينا من التواصل معاكِ

المهم
معذره لو كان كلامى فى تعميم
بس مش ده المقصد بتكلم على ان ده الشائع فقط
واوضحت كلامى فى اول رد بشىء من التفصيل
تحياتى لكِ

salma mohamed 13 مارس 2009 6:59 م  

خلاص يادوك سماح المره دي (:,
ولو انك تحيزت شوية في بوستك لبني جنسك وجبت العيب اكتر على البنات لكن خلاص قبلنا عذرك,
والعفووووو انا برتاح جدا في مدونة حضرتك ولو مكنش كده مكنتش هبقى متابعة,
اما اهتمامي بباقي المدونين فانا اعتبرهم اخواني واخواتي في الله وما يحزنهم يحزني وما يفرحهم يفرحني وغيابهم بيقلقني وبيشغلني,
ربنا يصلح حال الجميع ويطمنا عليهم.

د.آيه 13 مارس 2009 7:01 م  

بسم الله الرحمن الرحيم
إيه البداية دي يا عم محمد!! ليه بس بتفترض الغباء هههههههههههه
أنا فهمت و الله الكلام اللي في الأول ده..
الموضوع جميل و مهم .. فعلا لازم نرتب أولوياتنا..
بس في حاجه غريبه فعلا أنا ملاحظاها .. و كنت بتكلم فيها توا مع صاحبتى.. ألا وهى إن الشباب اللي بيخطبوا دلوقت .. أقصد العرسان بلاش الشباب دى ..
لإن معظمهم مش شباب أوى.. ههههههه
بيكونوا بعربيات .. و مستوى عالي و شقق إيه بقي .. كأن الباقي مينفعش يتجوزوا..
بس أهالي كتير دلوقت بقت عقليتها متفتحه.. و بيطبقوا قول الرسول صلي الله عليه و سلم .."إن جائكم من ترضون دينه و خلقه فزوجوه"..
يعنى مش الكل زى مانت متخيل .. و البنات كمان مش كلهم بيبصوا للماديات..
و أنا مع رأيي الدائم اللي هفضل أكرره على طول ..
إن اللي عنده دين هيتصرف صح .. و هيعرف يرتب أولوياته .. و مش هيظلم حد..
جعلنا الله و إياكم .. في زمرة الصالحين .. و الصحابة و الصديقين..

موناليزا 13 مارس 2009 7:57 م  

مشكور جدا على ذكر موقف اول سفير فى الاسلام ومقتطفات من حياته
ويوجد من هم سائرين على درب الصحابة ولكنهم قليلين جدا ونادرا مايجدون من يشاركهم حياتهم لانها بالنسبة للجميع حياة غريبة

المعتصم 14 مارس 2009 2:41 ص  

بسم الله الرحمن الرحيم
السلام عليكم ورحمة الله وبركاته
د/عرفه
تحياتى
بالنسبة لتحديد الاولويات هو مهم ولازم جدا اننا نحدد اولوياتنا بس للاسف بنصطدم مع الفكر اللى سايد دلوقتى وهو فكر السبهلله واللى بقيت غالبه على كل حاجه
اما بقى موضوع الفرق فده انا زعلان منك فيه
لأنه ليس هناك فرق
واحد
انما هناك فرووووووووووووق كثيرة جداً
اما موضوع الجواز فمتفكرنيش ياعرفه ياخويا
عندنا بيطلبو شبكه بالعبيط لأ عبيط ايه دا انا كده ظلمت العبيط قول بالمجنون
اسكت ياعرفه اسكت وماتقلبش المواجع
تحياتى ودمت بكل خير وود
والسلام عليكم ورحمة الله وبركاته

د/عرفه 14 مارس 2009 8:36 ص  

سلمى محمد
هو والله مش مسأله تحيز بقدر ما هو مسأله
تخوف من الخطوه دى بس
وتوقع للى ممكن يحصل بس
وشرف ليا انك بترتاحى فى المدونه بتاعتى والله
وجزاكم الله خيرا

د/عرفه 14 مارس 2009 8:38 ص  

آيه أهلا بيكِ
المشكله ان البنات بقوا بيبصوا لبعض
ومعاك حق هو لازم الشاب يكون عنده عربيه و.........
على كده انا قدامى عشر سنين كمان على ما اتجوز
هههههههههههه
وربنا يتقبل دعائك

د/عرفه 14 مارس 2009 8:41 ص  

موناليزا
بتسعدينا دايما بتعليقاتك وحرصك على المواضيع عندنا
وجعلنا الله سائرين على نهج الصحابه دايما
نتمنى دوام التواصل

د/عرفه 14 مارس 2009 8:44 ص  

حبيبى المعتصم
اهلا بيكِ اخى
بنتظر تعليقك دايما
فعلا الواحد لازم يحدد اولوياته
وعند النظر الى الفروق هو فعلا هناك فروق كثيره بس الواحد لازم يسير على النهج وعلى الخطى
وبالنسبه للشبكه والجواز وكده
علشان خاطرى متخوفنيش
انا مش ناقص
انا عايز اتجوز بسرعه
ومتاخرش بكلامك كده هطول اوى
ادعيلى الله يكرمك
منتظرينك دايما حبيبى

د.توكل مسعود 14 مارس 2009 1:24 م  

السلام عليكم ورحمة الله.. وبعد

فأنت تقول:

"ده الناس كلها كل تفكيرها أصبح مادى وبس"

أعتقد أن أسلوب التعميم غير صحيح فى عرض أى فكرة وعند توجيه النقد أو عند التقويم.

لازال فينا خير كثير .... وسع دائرة معارفك وابحث عن نماذج أفضل.. تجد.

ولا تنس قول النبى صلى الله عليه وسلم " من قال إن الناس هلكى فهو أول الهالكين"

ألقاك على خير.... وعرس إن شاء الله.

kalamfady 14 مارس 2009 3:21 م  

موضوع جامد والله...بيطلبو حاجات غريبه غير الدهب والفرش وحاجات تانيه كتييييير وفى الاخر ولا بيحتاجوها

عاشقه الاقصى 14 مارس 2009 10:01 م  

اولا توبيك موفق

ثانيا اول مره بعلق هنا تقريبا

ثالثا


مش كل الفتيات والشباب اولوياتهم فى المظاهر اللى وجوده مش معناه رفاهيه ملهاش لازمه يعنى

فى لسه ناس تتمنى وبتسعى ان اولويتها تكون الدعوه وطريق الأسلام


وربنا يرزقنا الفهم وترتيب الاولويات

خديجة عبدالله 15 مارس 2009 12:33 ص  

:) شكرا يادكتور
ربنا يرزق حضرتك بالزوجة الصالحة إن شاء الله
صدقت مهم جدا الواحد يتابع نفسه ويعرف أولوياته وهو ماشى صح ولا لاه علشان الحياة تكون فى رضا الله تعالى ولله تعالى

عرض شيق لفكرتك ماشاء الله جزاك الله خيرا

ملحوظة : أنا أضفت تحديث لو حضرتك تحب تطلع عليه وعذرا للغموض وربنا يتقبل منك

د/عرفه 15 مارس 2009 8:49 ص  

دكتور توكل
أسعدنا مرورك على المدونه
ويشرفنا ذلك دائما
بالنسبه للتعميم انا لا أعنى أن هذا منطبق على الناس جميعا
ولكن ما أعنيه هو أن هذا هو الأشيع بين الناس حاليا
وجزاكم الله خيرا على الدعاء
ويارب آمين
تشكر يا دكتور نتمنى رؤيه تعليقك دائما

د/عرفه 15 مارس 2009 8:51 ص  

دكتور محمد _كلام فاضى_
فعلا يا محمد والله
بقى الغرض هو التقليد فقط
وهذا هو أكثر ما يثير غيظى
شكرا يا ابو حميد ومتغيبش علينا تانى

د/عرفه 15 مارس 2009 8:56 ص  

عاشقه الأقصى
أولا
الحمد الله إن الموضوع عجبك وده شىء يشرفنى
ثانيا
تحيه خاصه لزيارتك الأولى ونتمنى إنها تتكرر دايما
وإن شاء الله مدونتك هتكون معانا فى مدونه الدعايا
ولكن عند عودتى للمدونه هناك كمان يومين كده ولا حاجه
ونتمنى تواصلك معانا على طول
ثالثا
انا عارف طبعا
إن هناك لسه فى فتيات وشباب مرتبين أولوياتهم كما ينبغى

رابعا
جزاكم الله خيرا

د/عرفه 15 مارس 2009 9:00 ص  

خديجه عبد الله
يا مرحب بيكِ
ربنا يكرمك
ويارب يرزق كل شاب بالزوجه الصالحه
وهكذا كل فتاه بالزوج الصالح

ويارب دايما المواضيع تنال إعجابك
وان شاء الله هشوف التحديث
بتنورى المدونه دايما بتعليقك خديجه
وجزاكم الله خيرا

ايوشة 15 مارس 2009 12:40 م  

عندك حق يادكتور عرفة مش كل البنات بتفكر كده بس مش هننكر ان اغلبهم بيفكروا كده
بس مش ملاحظ حضرتك فى الزمن العجيب ده ان نسبة ارتفاع سن الجواز بئا ازمة وده خلى البنات تتنازل كتير عن حقوقها وصدقنى تعالى شوف عندنا فاى الصعيد مثلا الجوازات شكلها ايه كل بنت بتجوز بس علشان تخلص من كلام الناس عليها وسنة والتانية بترجع بعيل اتنين وبردو كلام الناس زى ماهوا بل بالعكس ازيد من الاول

نبض الحياة 15 مارس 2009 12:55 م  

جميل ما ذكرت
وجميل ان يرتب الانسان اولوياته فى الحياة .
بس اللى مش جميل ان الناس تنظر للمظاهر وان البنات لا لا تعمل بقول الرسول الكريم ( اذا جاءكم من ترضون دينه وخلقه فزوجوم الا تفعلو تكن فتنة فى الأرض وفساد كبير)
هذا قول رسولنا الكريم فكيف لا نعمل به وكيف ستكون حياتنا فى مخالفة ذلك .
تحياتى لك و ولعقلك وقلمك المبدعيْن .

نبض الحياة 15 مارس 2009 12:57 م  

اسفة للغلط الاملائى
فى كلمه( فزوجوه)

حياتى نغم 15 مارس 2009 1:15 م  

السلام عليكم / دكتور عرفه موضوع شيق وجميل فى ذكرك لسيدنا مصعب رضى الله عنه ولكنى لا أتفق معك فى فكرتك عن الزواج والفتيات أبداً هناك فئة قليلة هى التى كما ذكرت وذلك بسبب قلة دينهم أما أهل الدين والأخلاق ليسوا كذلك أبداً . رزقك الله الزوجة الصالحة آمين .

قبلاوى 16 مارس 2009 12:34 ص  
أزال المؤلف هذا التعليق.
قبلاوى 16 مارس 2009 12:35 ص  

كلام جميل جدا

فعلا اهتمامات الفرد تصنع أولوياته

د/عرفه 16 مارس 2009 10:14 م  

أيوشه
يا مرحب بيكِ
والحمد الله إن حالتك تحسنت
وعاوتِ الكتابه من جديد
ونتمنى رؤيه كتاباتك دايما
بالنسبه للموضوع طبعا موضوع التقليد والإهتمام بالماديات رفع سن الزواج
وربنا يقدم اللى فيه الخير ويصلح حال امتنا

د/عرفه 16 مارس 2009 10:18 م  

نبض الحياه
يا مرحب بيكِ
شكرا للتواصل والإهتمام
وهيكون شىء جيد جدا إن الناس تعمل بنص حديث الرسول
والأهم ان الناس ترتب أولوياتها فى حياتها صح
ويارب نرى تعليقك معانا على طول

norahaty 16 مارس 2009 10:22 م  

امسسسسسسسسسسسسسسسسسسك عندك :):):)
انت ايه اللى مقومك من على المذاكرة ياطبيب:(
انت مش واخد اجازة من المدونة الاخرى علشان المذاكرة!!!!عليك غرامة لاما تشوفنا
بحاجة كده يعنى :كيلو عسل نحل اصلى:)

د/عرفه 16 مارس 2009 10:23 م  

حياتى نغم
منوره المدونه
وشكرا لمرورك
وانا والله
اتمنى ان الناس كلها تكون رؤيتها للأولويات صح
شكرا لمرورك
وجزاكم الله خيرا

norahaty 16 مارس 2009 10:26 م  

الساعة بتاعة المدونةماشية بردون (بمزاجها)
الساعة الحين 10:24مساءا
كيف تسجل انى كتبت
التعليق الساعة مساء1:22

د/عرفه 16 مارس 2009 10:26 م  

دكتوره نور
ههههههههههههههه
مش بقدر ابعد عنكم بجد
بس اجازتى من البحث والتدوير فى المدونات الأخرى
حبيت بس اطمن عليكم وارد على الناس اللى بحبهم
و الحمد الله بدات اذلكر شويه
واعوض شويه من اللى فات
وان شاء الله هنرجع فى نتابع قريب جدا
ونكتب فى المدونه التانيه قريب جدا

وبعدين انا عندى استعداد للدفع انتى تؤمرى

د/عرفه 16 مارس 2009 10:29 م  

مش عارف
والله
هى الساعه دى ماشيه ازاى
طيب لو عارفه أصلح الموضوع ده ازاى ياريت تقوليلنا
وادعيلى علشان
عندى امتحان روند الأسبوع القادم
ربنا ييسر

د/عرفه 16 مارس 2009 10:32 م  

قبلاوى
يا مرحب بيكِ
وتحيه خاصه لزيارتك الأولى
ونتمنى التواصل دائما
وان شاء الله نتابع مدونتك باهتمام اكبر
وتكون معانا فى مدونه الدعايا حين عوده النشاط فيه كمان يومين تلاته كده
وجزاكم الله خيرا

norahaty 16 مارس 2009 10:34 م  

ربنا ينجح مقاصدك ويجبر بخاطرك
انت وجميع طلاب العالم اجمع يارب

norahaty 16 مارس 2009 10:35 م  

تصليح الساعة من الاعدادت الاولى
من اختيارك للمنطقة اللى بتكتب منها
على ما اعتقد حضرتك مختار منطقة هاواى :)

د/عرفه 16 مارس 2009 10:40 م  

شكرا دكتوره نور
ويارب دايما معانا
ومنتحرمش من تعليقك
وجزاكم الله خيرا

زهرة الأمل 17 مارس 2009 10:20 ص  

فكرة البوست حلوه وفعلاً هناك فرق

بس برضه مش دى أولويات كل البنات يمكن ظاهرياً دا الغالب .. لكن فى بنات تانيه بتدعى ربنا وتعيط بخشوع

لمجرد بس إن ربنا يرزقهم بالزوج الصالح أهو حاجه يكون على خلق دى دعواهم مش مهم الشبكه والماده ولا الشقه الفاخره :)

لكن دا ميمنعش إن حتى الآباء بقوا يفرحوا بالماديات

وكأن البنت هاتتجوز الفلوس مش الشخص اللى هاتعيش معاه ويكون هدفهم مع بعض انهم يوصولوا الجنه بإذن
الله ...

مصطفى أبوزيد 17 مارس 2009 1:57 م  

بوست جميل
بجد انت قلت اللي في نفسي كله
انا شخصيا بعاني من القصه دي رغم اني لسه في بكالريوس بس بأدور برضه ومش لاقي
:(

تقبل تحياتي ومروري

د/عرفه 17 مارس 2009 6:03 م  

زهره الأمل
يا مرحب بيكِ
تشرفنا بزيارتك ونتمنى تكونى معانا على طول
وان شاء الله مدونتك هتكون معانا فى مدونه الدعايا
ونشوف كتاباتك الجديده اول باول
ويارب تتواصلى معانا
حين عوده النشاط فقط فى المدونه الأخرى
بالنسبه للموضوع
والله اتمنى فعلا ان البنات تكون مرتبه اولوياته
وان اى شىء مادى انما هو كماليات وليس كل شىء
وجزاكم الله خيرا

د/عرفه 17 مارس 2009 6:05 م  

مصطفى أبو زيد
يا مرحب بيك يا مصطفى
تحيه خاصه لزيارتك الأولى
ويارب دايما تكون معانا
وشكرا لإطرائك على الموضوع
وجزاكم الله خيرا

د.توكل مسعود 18 مارس 2009 5:33 م  

السلام عليكم ورحمة الله ... وبعد

الحجاب الذى كنا نسميه "فرنسى"..طلع ..."يهودى..."

استمتع بالدخول على هذا الرابط وليكن حجة لك... لا عليك.


http://6azbeet.blogspot.com/2009/03/spanish_17.html

فتافيت 18 مارس 2009 5:49 م  

بوست حلو اووووووووووي
تخيل كان ما بيلبسش الثوب مرتين .. ويوم ما استشهد غطوه بورق النباتات

فيها عظة كبيرة بجد

بس عايزة اقولك .. العيب مش في بنات ولا ناس
العيب في مجتمع اختل كل حاجة فيه

بقى المهم الشكليات ومش مهم ابدا المضمون

عارف كدهالصيت ولا الغنى

ربنا يخرجنا منها على خير

ghorBty 18 مارس 2009 6:43 م  

كالعاده موضوع مميز وجميل

بس والله فيه ناس عارفه اولوياتها كويس جدا بس للاسف بدور علي اللي يعينها مش بتلاقي

ومش كل البنات تفكيرهم زي ما قلت

فيه ناس تفكيرهم واولوياتهم واضحه جدا وبدور علي اللي زي سيدنا مصعب ومش بتلاقي فطبيعي لما بتأخد واحد اولوياته عاديه جدا وفي اغلب الاحيان بتكون تافهه فبيكسر جواها حاجات كتير

الراجل سهل يطبع المرأه علي اولوياته لكن العكس صعب

وهنا نقول هناك فرق

نسال الله ان يمن علينا بواحد كأمثال الصحابه الكرام

جزاك الله خيرا

د/عرفه 18 مارس 2009 8:23 م  

دكتور توكل
منورنا على طول
انا فعلا قريت الموضوع ده وعجبنى
بس ياريت حضرتك
تبقى تقترح علينا فى المدونه الأخرى
انا عامل المدونه الأخرى لمثل هذه الأمور
وياريت متحرمناش من اقتراحاتك دايما
ومنور فى أى مكان

د/عرفه 18 مارس 2009 8:28 م  

فتافيت
شكرا لإطرائك على الموضوع
وهما دول قدوتنا اللى لازم نتعبر من أعمالهم على طول
ومنوره دايما فتافيت
وربنا يوفقك فى روايتك الجديده

د/عرفه 18 مارس 2009 8:31 م  

غربتى
ربنا يكرمك يا رب
ده من ذوقك بس
وطبعا مش كل البنات
ويظهر انى واجهت هجوم جامد فى الموضوع ده من البنات بالذات
طبعا انا كنت بتكلم فى الأغلب
انا عارف ان معظم زوار المدونه أناس محترمين جدا
ولا ينطبق كلامى على أغلبهم

بالنسبه للرجل هو فعلا أكثر تأثير من المرأه
ولكن للمرأه دور بالغ أيضا فكما يقولون
وراء كل رجل عظيم إمرأه
وجزاكم الله خيرا

dentist_mon3em 22 مارس 2009 12:36 ص  

يعني ايه اولويات؟هى الاولوية الوحيدة الزواج؟لو انت طالب يبقى النجاح واما تتخرج يبقى العمل وتوفير مصدر دخل ثم الجواز.. طبعا دى اكبر حاجة الواحد بيمر بيها ف حياته وتحول كبير فى مسار حياته لان الانسان هايختار ام ابنائه واللى هتعينه على كل حاجة بعد كدة ثم تربية الابناء..وبالنسبة للزواج مش اهم حاجة الفلوس لسسب بسيط : ( اذا جاءكم من ترضون دينه وخلقه فزوجوه الا تفعلوا تكن فتنة ف الارض وفساد كبير) حديث شريف..وزى ما البنت عايز الزوج الصالح الطيب الغنى..الشاب برضو عايز الانسانة الكويسة

هانى سعيد 4 أبريل 2009 4:35 ص  

والله فعلا للاسف معظم الناس بقى تفكيرها مادى وانا شوفت قصص حبب بجد والله عمرى ما تخيلت ان اى شىء ممكن يهدمها بس اتفاجات ان الفلوس زغللت عين احد الاطراف وخلته يسيب الطرف التانى عشان يحقق حلم الثروة او الجاه مش بنات وبس لكن ولاد كمان للاسف وانا اعرف من العينتين ناس من ايام الجامعة ودول ما افتكرش ممكن يتغيرو لانهم خلاص ضاعو وضيعو اجمل شىء ممكن الواحد يحس بيه

إرسال تعليق