أجااااااااااازة


بعد أى مرحلة فيها ضغط وشدّة عليك
لازم الإنسان بيحتاج بعدها لفترة راحة
الكلام منطبق على كل شىء حتى الجماد
إذا زاد الضغط بإستمرارعلى أى شىء ولم تترك له شىء من التهوية سينفجر لوحده تلقائى ده مبدأ كونى
حتى إن ربنا سبحانه مثلا بعد شهر رمضان -شهر الصيام والقيام والإجتهاد- جعل لنا بعده العيد للتهانى والتقابل وأخذ تلك الراحة المنشودة
حاليا أظن إن معظم الناس إنتهت من الإمتحانات وبدأت مرحلة الأجازة
طبعا كما أوضحت الراحة شىء مطلوب جدا لإمكانية الإستمرار بعد كده
ولكن للاسف قد تجد بعض الملتزمين رافضين لأى نوع من أنواع الترفيه حتى إنى قرأت فى إحدى المدونات إنه لا يجوز الترفيه إلا فى
تأديب الفرس وملاعبة الأهل ورمى القوس والنبل
وروي عن عائشة- رضي الله عنها- أنها كانت مع النبي- صلى الله عليه وسلم- في سفر قالت: فسابقته فسبقته على رجلي، فلما حملت اللحم، سابقته فسبقني فقال: "هذه بتلك"
وكذلك روى عن رسول الله
أنه قال لأبو بكر عندما اعترض على لعب بعض المسلمين"دعهم يا أبا بكر لتعلم يهود أن في ديننا فسحة
وكذلك روى عن الصحابة أنهم كانوا يتصارعون فى مسجد رسول الله كنوع من الترفيه- طبعا هما كانوا بيهزروا بالمصارعة طبعا مش تبعنا الكلام ده الناس عندنا بيغمى عليها لو شافت نقطين دم-
الأصل فى أى شىء عندنا هو الإباحة ما لم يذكر غير ذلك
حديث الرسول واضح فى المفهوم ده
(روحوا عن القلوب ساعة بعد ساعة فإن القلوب إذا كلت عميت)
بس برضه الحديث واضح انها ساعة بعد ساعة
لإن برضه للأسف أكبر وقت لإرتكاب المعاصى والمخالفات هى برضه فترة الأجازات والأعياد لإن الناس خرجت من مفهوم الترفيه المباح إلى غير ذلك
مش حابب إن الموضوع يقلب موضوع تعبير
لكن بجد عايز أقول شىء لكل إخوانى الشباب
قيمتك فى سوق العمل تقدر بقدر ما تكتسبه من مهارات وعلوم
ما تتحصل عليه من خلال دراسة ما هو إلا الجزء اليسير مما هو مطلوب منك فى الحياة العملية
قيمتك عند ربنا تقدر بقدر ما تتحصل عليه من عبادات وطاعات لربنا
فى واقع حياتنا لا شىء يسمى بالفراغ فكوب الماء الماء مثلا إذا فرغ من الماء إمتلأ تماما بالهواء
أنا مقتنع جدا بالمقولة القائلة
نفسك إن لم تشغلها بالحق شغلتك بالباطل
فقلبك إذا فرغ من كل ما هو نافع ومفيد يصبح مرتعا للأمراض والعلل من حقد وحسد ووساوس ومعاصى وآثام
ابن مسعود بيقول : (ما ندمت على شيء ندمي على يوم غربت شمسه، نقص فيه أجلي، ولم يزدد فيه علمى )
المشكلة بقى اللى بجد إنك تلاقى الناس ممكن تتحمس فى الأول ويكون فى دماغها ألف حاجة وأول ما تبدأ الأجازة كل شىء يطير ومفيش حاجة تتعمل
عموما عندما سئل الرسول عن أي الأعمال أحب إلى الله ؟ قال : ((أدومها وإن قل ))
يعنى أهم شىء الإستمرار ولو بالقليل من الأعمال
ولكن برضه للأسف الشيطان شاطر وبسهولة جدا العزيمة بتقل وتضعف
فكانت نصيحة رسول الله لنا :
((إن الشيطان ذئب الإنسان كذئب الغنم يأخذ الشاة القاصية والناحية فإياكم والشعاب وعليكم بالجماعة والعامة والمسجد ))
الموضوع مطروح للنقاش ومنتظر إضافتكم وإقتراحتكم للموضوع
آخر شىء
نفسى أشوف ترشيحات كويسة هناك قبل يوم الجمعة
ولكم جزيل الشكر



إضافة فيديو

19 رأيك يهمنا:

كلمات من نور 4 فبراير 2010 في 5:21 ص  

تعليق صغير و أقوم أصلي الفجر ....ربنا يبارك فيك في نصحيتك القيمة ...دايما الشاب بيكتسب مهارات وخبرات بعد الجامعه بتخليه فعلا يحس إن الجامعه شيء وتطبيق ما درسه في حياته العملية شيءآخر...أما بقى عند الطرق عن الحديث عن موضوع روحوا عن القلوب ساعه فصدقني يا بني القلوب راحتها في ذكر الله وطاعته يعني بالمختصر كده شوف معايا قول الحسن البصري رحمه الله : تفقدوا الحلاوة في الصلاة وفي القرآن وفي الذكر فإن وجدتموها فابشروا و آملوا ، و إن لم تجدوها فاعلموا أن الباب مغلق ...انتهى كلامه بس انا باقول للكل مش معنى إعلموا أن الباب مغلق دي إنكم تقولوا يلا مافيش فايدة وووو لا ارجعوا للباب وتوسلوا الله القرب و اعلموا أن راحتكم مع الله وبذكره دائما في كل وقت ..وعلشان أقربلكم الفكرة حاسالكم سؤال : كام واحد فيكم بيذكر الله طول اليوم؟ أو بعد الفجر وقبيل المغرب؟؟ رطبوا ألسنتكم بذكر الله والله ستجدوا هذه الحلاوة تييسر عليكم كل أمور حياتكم ومهما حدث لكم من ابتلاءات أو أحزان سترفعون رؤوسكم وتفوضون أمركم لله وتحتسبون الاجر عنده...الله أكبر ..حي على الصلاة

موناليزا 4 فبراير 2010 في 7:23 ص  

هو فعلا جميل الاجازة اللى الانسان بياخدها بعد مجهود وتعب بس مش جميل ابدا ان حياته كلها تكون اجازة او بعد مايعبد ربنا كويس جدا فى رمضان مثلا اول ماييجى العيد يعصى ويذنب
وهكذا فإن خير الامور الوسط يعنى لا اكون متزمت وشايف كل حاجة حولى حرام واكفر الناس
ولا برضه اكون عادى جدا وواخد الحياة بمزاجى وماشى بمبدا إن الله غفور رحيم

well 4 فبراير 2010 في 8:53 ص  

بالنسبة للعمل كان فى حوار سمعته بين واحدة وواحد
هى...مفيش ادامك محامى عاوز يشتغل
هو...كل الشباب عاوزة تشتغل
........**فعلا كل الشباب عاوزة تشتغل لكن قليل منهم اللى عارف يمشى الطريق ازاى علشان لقى حد يوجهه
الشباب محتاجة إيد توجهه تعرفها الطرق وتمى مهارتها بالعلم والتجربة والايمان
تحياتى

طارق سليم 4 فبراير 2010 في 9:46 ص  

بجد ربنا يبارك فيك يا دكتور ويعزك ، حقيقى فعلا نصائح يمكن نكون محتاجين كل شوية اننا نذكر بعض بيها ، بس حقيقى زى ما انت قولت ، المهم العمل مش الامانى ، فعلا الواحد ممكن يخطط كويس جدا لكن يجى وقت التنفيذ و (يخستك)ودى بصراحة مشكلة كبيرة محتاج اننا نسيطر عليها بالاستعانة بالله ،ومع التغييرات الحادثة هنا وهناك يجب على الشباب ان يعوا تماما انه لم يعد هناك مكان لمن لن يطور من نفسه .
شكرا جزيلا لك .

القدر و انا 4 فبراير 2010 في 3:21 م  

سلام عليكم ورحمته
اهم حاجة فعلا الاعتدال فى كل شيئ اولا
ثم الدوام عليه ثانيا
ودالاثنين ينقصوا الكثير من شعبنا
يمكن من اسلوب التربية
فى كل حاجة نبدا بحماس
رياضة مثلا تلاقى الشاب واظب وكون عضلات واهتم بالرياضة بشكل مبالغ فيه ثم يترك كل هذا وينام للظهر ويدخن ...
محتاجين تغيير يبدأ من الطفل
تحياتى يا دكتور

ايومي 4 فبراير 2010 في 8:27 م  

مبروك الاجازه ربنا يمتعك بيها
طبعا الترفيه والترويح عن النفس مطلوب لنستطيع ان نكمل المسير,
لكن زي ما قولت بالمباحات فقط,
بس الظاهر ان الشبابا فاهم الاجازه والترويح بمعنى السهر على الافلام والمسلسلات والخروج مع الاصدقاء في النوادي والنوم عن صلاة الفجر,
الترفيه اصبح يعني لهو وبعد عن كل ما هو مفيد,
باختصار الترفيه بما مرادف للمعاصي,
ربنا يحفظ شبابنا وبناتنا من غضب ربنا عليهم ويمتعهم باجازاتهم في الحلال.

حياتى نغم 5 فبراير 2010 في 12:15 ص  

السلام عليكم ورحمة الله وبركاته

اجازه سعيده ومفيده بإذن الله لا أجد إضافه .

بلغت وأبلغت .

أعجبتنى مقولتك قيمتك فى سوق العمل تقدر بما تكتسبه من مهارات وعلوم وأن الدراسه ماهى إلا بدايه .. لأنى أعايش هذا الأمر وعندما بحثت عن عمل وجدت شهادتى لا تساوى فى سوق العمل دعواتك .

بنجاواتى 5 فبراير 2010 في 7:40 ص  

السلام عليكم
الترفيه لازم يا دكتور ... وفكرة ان ينحصر الترفيه فى الخيل والنبال دى فكرة خاطئة لاننا نعرف كويس حاجات بنرفه بيها عن نفسنا وهى حلال مائة بالمائة

موضوع بقى اننا نركن ونفكر ان خلاص الامتحانات خلصت ومفيش غير الراحة فدى برضه ضعف فى العزيمة لان ربنا قال"فإذا فرغت فانصب"

تحياتى

TIMMY !! 5 فبراير 2010 في 10:07 ص  

يااااااااااه ,
أخيرا خلصتم يا عم محمد ؟
ده أنا من زمان قوي و أنا أسمع إن عندكم امتحانات ,

عموما كفارة يا محمد ,
و ما تتفاءلش قوي , بكرة تاخد تكليف و نيابة و ترجع للمذاكرة تاني ,
تعيشوا و تذاكروا يا دكاترة :)
الحمد لله الذي عافانا مما ابتلاكم به :)

غير معرف 5 فبراير 2010 في 4:26 م  

تدوينة جميلة جدا

كان نفسي استغل الاجازة في حاجة مفيدة بس اتفرض عليا اسبوعين تربية عسكرية

أسلوبك جميل ..

تحياتي

Dr. Ibrahim 6 فبراير 2010 في 4:46 ص  

"المشكلة بقى اللى بجد إنك تلاقى الناس ممكن تتحمس فى الأول ويكون فى دماغها ألف حاجة وأول ما تبدأ الأجازة كل شىء يطير ومفيش حاجة تتعمل"
فعلا يا دكتور
الواحد بيبقى حاطط خطط كتيرة فى الاجازة وعندما تأتى
النوم يأتى
وكرة القدم والتلفزيون (الغير مفيد منه) إلخ
من الاشياء التى تضيع الوقت
ولكن نسأل الله البركة فى الوقت وأن ينفعنا بما علمنا

المجاهد الصغير 6 فبراير 2010 في 6:54 م  

السلام عليكم
الاجاز شئ جميل ولكن الى يستفاد منها
وفقكم الله
اجازه سعيده

زهرة(جنى)الاسلام 6 فبراير 2010 في 8:05 م  

السلام عليكم
اولا الحمدلله خلصنا امتحانات
الاجازة شئ جميل لان بيجتمع جميع الاسرة
ومن يرفض مبدا الاجازة اكيد اخى فترة بسيطة ومش هايقدر يستحمل
موضوع رائع وشيق للغاية

د.آيه 6 فبراير 2010 في 11:06 م  

بسم الله الرحمن الرحيم
لاء أنا الحمد لله مش بدأه متحمسه خالص .. لإنى لسه مش مصدقه إن أخدت الأجازة ..
و نصيحة لازم أى حد يبدأ الأجازة بشوية تهييس .. و تفاهة يعنى .. يتفرج على كرتون مثلا .. عشان أكيد دماغه وجاعه من كتر المذاكرة و الإمتحانات .. و طبعا أكيد الأجازة حق مكفول للجميع و لا إيه؟!!
بس الصورة تحفة على فكرة

غير معرف 6 فبراير 2010 في 11:28 م  

السلام عليكم
سعيدة بزيارة المدونة
أجازة سعيدة
(( دعهم يا أبا بكر لتعلم يهود أن في ديننا فسحة))

Unknown 7 فبراير 2010 في 1:34 م  

السلام عليكم ورحمة الله تعالى وبركاته
للأسف الاجازة لأما نوم لأما تلفزيون
وزاد عليها النت الأن .فى الماضى أكتسبت
كثيراً من المهارات اليدوية فى الأجازات أما
الان فالشباب محاط بكثير من الامور التافهة
والجذابة بنفس الوقت...كان الله بعونهم.

غير معرف 18 فبراير 2010 في 3:09 م  

فكرتنا باايام زمان
تحياتى

Beram ElMasry 20 فبراير 2010 في 7:56 م  

أخى د/ عرفة
لا عليك ياصديقى المهم أن تكون بخير وسلامة
وأن تكون موفقاً فى دراستك إن كنت تدرس
وتحية وسلام ولا سلام مع بنى إسرائيل

manar 23 نوفمبر 2020 في 11:48 م  

هاند ميد
اعمال الكهرباء في دبي
فني كهرباء بدبي

إرسال تعليق