وللحب أنواع




الساعة حوالى الثالثة فجرا يغالبنى النوم ولكنى رافض للذهاب الى السرير لان هذا معناه ضياع صلاة الفجر تأخذنى غفوة بين وقت لآخر
شغلت وقتى بالكاد حى آذان الفجر
بابا نازل شكله رايح يصلى فى المسجد
وهو نازل بينادى عليا
-محمد.......... محمد
- أيوة يا بابا 
- متنساش تجيب عيش بعد الصلاة
- أنا مش نازل يا بابا أصلى هصلى هنا
- واحنا عايزين عيش روح صلى وبعدها هات عيش
- وانا هصلى هنا يا بابا
- خلاص هات العيش ومتصليش 
وقتها كنت فى قمة خنقتى وكنت متعصب على آخرى وكان واضح على ملامحى جدا رغم انى ما إتكلمتش بعدها
طبعا روحت صليت وجبت العيش بابا حاول يكلمنى أول ما وصلت ويقولى كلام من نوع يثاب المرء رغم أنفه وكده
وأنا مشيت على طول ومعلقتش
الفكرة بقى إن إحنا قعدنا حوالى 3 أيام فى حرب باردة
أنا متضايق من الموقف اللى حصل  وبابا زعلان منى 
وقتها مكنتش فاهم هو زعل ليه........؟؟؟؟ 
رغم إنى كنت مقتنع إنى نفذت كلامه وعملت اللى هو عايزه حتى ما إتكلمتش بعدها
 ولكن بعد فترة فهمت هو كان زعلان ليه........؟؟؟
                                   .........................................................................................
لو عندنا  مدير شركة وعنده إتنين موظفين
واحد بيحب رئيسه جدا وبيحب الشغل وبيحاول يرضيه بأى طريقة وينفذ كل أوامره 
والتانى برضه بينفذ كل الأوامر لكنه مش بيحب الشغل خالص وبيكرهه 
ياترى لو فيه تقصير عند الإتنين موظفين .......؟؟
مين فيهم اللى ممكن المدير يسامحه ويقبل تصرفه.......؟؟؟
ياترى لو فيه ترقية أو منحة 
مين فيهم اللى هياخدها........؟؟؟
الكلام ده لو كان بينفذ الأوامر فما بالك للناس اللى مش بتنفذ من أساسه
                                 .......................................................................................
نفس الكلام ده فى علاقتك مع ربنا 
كل الناس بتقول أنا بحب ربنا وبحب الرسول عليه الصلاة والسلام 
ويعملوا أغانى وأناشيد وهكذا
ورغم كده مفيش ولا أمر من الأوامر بينفذوه 
ولو نفذوا بيكون على مضض
يعنى مثلا مواقف بتحصل لنا كلنا
قاعد بتتفرج على الماتش أو التمثلية والآدان يدن - وقت الصلاة-
رد الفعل يووووووووووووووووه 
يلا نقوم نخطف الصلاة على السريع كده علشان نلحق الباقى
أو 
إن شاء الله نقوم بين الشوطين أو بعد التمثلية 
ده لو كان بيصلى من الأساس
ومثلا لو فى رمضان 
يااااااه إمتى رمضان يخلص
أو على الأقل بيبقى كل الناس مستنية المغرب من أول ما يصحوا
وكل واحد بيحلم إن المغرب بيدن
 كانت أحاديث الرسول واضحة
فالرسول عندما تحدث عن السبعة الذين يظلهم الله فى ظله يوم لا ظل إلا ظله
قال ورجل قلبه معلق بالمساجد
أى فى كل مرة يذهب فيها إلى المسجد يكون مشتاق للعودة مرة أخرى
وكذلك قال الرسول عن الإيمان
( لا يُؤمن أحدكم حتى يكون هواه تبعا لما جئت به )
وهذا هو مفهوم الإيمان ان تكون أوامر الله والرسول هى ما تحب وما تفضل
وكذلك قال
(ثلاث من كن فيه وجد بهن حلاوة الإيمان وذكر منها - أن يكون الله ورسوله أحب إليه مما سواهما)
الحب اللى إتكلمت عليه ده من أسمى أنواع الحب
ومش أى حد يقدر يطبقه وأسمى أمانينا إن الحب ده يكون أساس حياتنا
فاللهم حبب إلينا الإيمان وزينه فى قلوبنا وكره إلينا الكفر والفسوق والعصيان
                          ....................................................................









28 رأيك يهمنا:

عمرو جويلى 26 مارس 2010 في 3:38 م  

السلام عليكم
اللهم إهدنا واعفو عنا
اللهم آمين
والله يا دكتور عرفة كلامك معقول
لقد تعلقت قلوب الكثير منا
بأشياء بعيدة عن الدين
خالص تقديرى

غير معرف 26 مارس 2010 في 3:42 م  

السلام عليكم
قرأت التدوينة
بارك الله فيك أخي

ايومي 26 مارس 2010 في 5:24 م  

( لا يُؤمن أحدكم حتى يكون هواه تبعا لما جئت به )
دي الخلاصة,الحديث ده هو اللي جه بالي قبل ما آجي لحد عنده في التدوينة,
جزاك الله خيرا,
اللهم اجعل حبك أحب الأشياء إلينا واجعل خشيتك أخوف الأشياء عندنا. واقطع عنا حاجات الدنيا بالشوق إلي لقائك.

حازم النبراوي 26 مارس 2010 في 7:34 م  

فعلا كلامك صح

ربنا يبارك لك

تحياتى

ريمان 26 مارس 2010 في 8:19 م  

جزاك الله خيرا

ربنا يباركلك يا رب


تحياتى ليك وبجد كلامك كله صح وجميل اوى وفعلا محتاجين كلنا للتذكره دى

Unknown 26 مارس 2010 في 9:39 م  

سلام عليكم يا دكتور
بجد الموضوع رائع جدا
وبداية الموضوع جعلتني اقرأه لآخر كلمة فيه
جزاك الله كل خير
فعلا محتاجين نفكر في "حب" العبادة وطاعة الله سبحانة وتعالي واتباع منهج الرسول صلى الله عليه وسلم
فاللهم حبب إلينا الإيمان وزينه فى قلوبنا وكره إلينا الكفر والفسوق والعصيان

كلمات من نور 27 مارس 2010 في 5:33 ص  
أزال المؤلف هذا التعليق.
كلمات من نور 28 مارس 2010 في 12:21 ص  

دكتوري جميل القلب

أسال الله أن ينور بصيرتك دائما و يجعلك ترى الحق حقا ويرزقك اتباعه وترى الباطل باطلا ويرزقنا اجتنابه ....ربي يجعلك من السبعة الذين يظلهم بظله يوم لا ظل إلا ظله ...

http://mhg1962.ba7r.org/

رحلتنا في الحياة 28 مارس 2010 في 4:00 ص  

فاللهم حبب إلينا الإيمان وزينه فى قلوبنا وكره إلينا الكفر والفسوق والعصيان

امين يارب العالمين
جميل البوست ده يادكتور
ساعات فعلا الانسان بيقول كلام لكن فعله غيره كده ربنا يرزقنا الاخلاص فى العمل والفعل

د.آيه 29 مارس 2010 في 10:51 ص  

امتى ده يا محمد بيتهيألى من زمان شوية عشان انت أصلا غايب من مدهالمهم عندك حق طبعا لازم الواحد يعمل الحاجة بحب مش عشان النفروض يعمبها و لا حتى عشان الثواب .. كان مصطفي حسنى اتكلم في الموضوع ده قبل كده .. لما تعمل معروف في حد تعزمه مثلا .. متقولوش يلا أكسب فيك ثواب هيكون تأثيرها وحش أوى عليه ..
و طبعا أنت أدري الناس بيا الفرق لما أعمل حاجة بحبها و بمزاجى و حاجة غصب عنى مش بعملها غالبا :D
و لله المثل الأعلى
بوست جميل يا محمد

TIMMY !! 29 مارس 2010 في 9:58 م  

" فاللهم حبب إلينا الإيمان وزينه فى قلوبنا وكره إلينا الكفر والفسوق والعصيان "

آآآآآمين , ربنا يستجيب يا محمد ,
بيني و بينك أنا نفسي ربنا يمن عليا و يرزقني حبه ,
كان فيه كتاب رائع جدا للدكتور مجدي هلالي اسمه كيف نحب الله و نشتاق إليه , قرأته لحد دلوقتي حوالي 4 مرات ,
المشكلة مش في المعرفة , المشكلة في التطبيق ,

و جزاك الله خيرا يا محمد ,





---------------
تنبيه بسيط :
حديث : " لا يؤمن أحدكم حتى يكون هواه تبعا لما جئت به " ضعيف , لكن معناه صحيح , إنما نسبته للرسول - صلى الله عليه و سلم - لا تصح ,

غير معرف 30 مارس 2010 في 4:44 م  

ياااااااااااااااه البوست ده جه على الجرح على الحاجة اللى مضيقانى اووى

ربنا يكرمنا بالحب ده ويهدينا للطريق الصح ويثبت ايماننا يااااااااارب

فتــافيت (رحاب الخضري) 31 مارس 2010 في 2:56 م  

واضح انت ماجتش هنا من زمان
المدونة شكلها اتغير تماما.. مبروك النيولوك
والله كلامك صح جدا.. وجزاك الله خيرا على التذكرة
وكلنا بنمتنى اننا نوصلك.. لاسمى درجات الحب ديه
عشان كده هاعيد دعاءك تاني
فاللهم حبب إلينا الإيمان وزينه فى قلوبنا وكره إلينا الكفر والفسوق والعصيان
اللهم اميييييييييين

محمد سعد القويري 2 أبريل 2010 في 4:28 م  

الأخ الفاضل :: د.عرفه ::
تحية عطرة طيبة
وبعد
موضوع جميل ومهم
مع الأسف .. مدعي الحب كثر .. ولكن القلة هي التي تدرك حقيقة الحب ..

اللهم إني أسألك حبك
وحب من يحبك
وحب العمل الذي يقربني إلى حبك

أحلى الأماني

دكـــــتور جدا 3 أبريل 2010 في 10:14 ص  

السلام عليكم
نرجو مشاركتنا في نشر الفن الهادف
بنشر (شبكة صوتنا للفن الهادف)
http://www.sawtona.blogspot.com/
ووضع البانر الخاص بالشبكة في مدونتكم الرائعة
http://img23.imageshack.us/img23/6886/91117988.jpg
جزاكم الله خيرا

كلمات من نور 4 أبريل 2010 في 11:19 م  

ازيك يا دكتوري العزيز

انا بخير بس ضغطي لازال يابى أن يرتفع لمعدله الطبيعي حتى مع كمية هائلة من الأدوية والمخللات ...دعواتك علشان الطبيب شاكك في أديسون ....إبراهيم عاد بغير ميداليات هذه البطولة بس التنافس كان قوي وهم لعبوا كويس و ربنا يعوضهم المرة الجاية بأمر الله تعالى ....تحياتي

norahaty 5 أبريل 2010 في 12:49 م  

اللهم حبب الينا الايمان
وزينه فى قلوبنا وكــــره
الينا الكفر والفسوق والعصيان.
ربنا يفتح عليك يادكتوروتطيع اوامر
الله سبحانه وتعالى وأوامر رسوله وتنفذ
كلام الوالد بلا نقض ولا أبرام.ربنا يهيئلك
الخير يارب دايماً ويوفقك فى عملك.

هدى التوابتي 10 أبريل 2010 في 9:24 م  

السلام عليكم...جزاك الله خيراً على الموضوع الرائع..كثير منا يدعون حب الله ورسوله ولكنهم أغفلوا أن هناك شواهد تدل على هذا الحب...عندما قرأت تدوينتك تذكرت قول القائل:
تعصي الاله وانت تظهر حبه هذا لعمري في القياس بديع
لو كان حبك صادقا لاطعته ان المحب لمن يحب مطيع

Dr. Ibrahim 12 أبريل 2010 في 5:02 م  

اللهم آمين..

سجود 15 أبريل 2010 في 7:23 م  

اللهم امييين
وابعدنا عن كل شر وابعد الشر عنا واللهم استعملنا ولا تستبدلنا

سجود 15 أبريل 2010 في 7:24 م  

صحيح نسيت اقول اسفه علي التأخير

z!zOoOo 15 أبريل 2010 في 9:39 م  

السلام عليكم

ازيك يا دكتور عرفه

يارب تكون بخير

معلش عارف إني مقصر ومش بزورك كتير

بس انا فعلا مقصر مع الكل

إن شاء الله هحاول اعوض التقصير

إنت اثرت نقطه مهمه فعلا

بس انا لفت نظري حاجه

كنت بتكلم مع واحد فهو بيقول

في المصالح الحكوميه تلاقي الموظف وقت الصلاه

يروح الجامع قبلها بربع او نص ساعه

وبعد الصلاه يصلي السنه او نوافل

ويفضل شوف قد إيه معطل مصالح الناس

فأنا قولتله إن الموظف لو مشي مصالح الناس

هياخد ثواب اكبر من النوافل الي هيصليها

لإنه فرج كربه مسلم

ومشي مصالح الناس

وزي الصحابي الي كان بيدلك رجلين أمه

النبي عيه الصلاه والسلام قاله

إنك كده كإنك بتجاهد

الي عايز اقوله إن طبعا الفروض الي عليك مهمه

لكن فيه أعمال تانيه بتبقي طاعات

وبتاخد عليها ثواب زي العبادات

وطبعا اسمي حب هو الحب في الله

بس يارب كل الناس تفهم معناه

وصدقني انا اتكلمت عن موضوع مشابهه قوي لموضوعك

وهبقي اعرضه

وقلت فيه إن مفيش حب إلا لله

ومفيش حب إلا بالله

ومفيش حب غير لما يكون خالص لوجهه الله

ومفيش حب غير وربنا الي بيوهبهولنا وهو الي بيزرعه في قلوبنا يبقي ازاي نحب والحب مش عن طريقه

لإن حب الله والحب في الله والحب بالله

اسمي انواع الحب

لإن فيه طرف منه إنت الي محتاج ليه

والطرف التاني مش محتاجلك وبيديك كل شيء

وبيزيل عن كل شيء

يبقي مين الي يستحق يتحب

وفعلا زي ما قال تيمي

المشكله مش في المعرفه المشكله اصعب في التطبيق

اللهم هبنا حبك وحب من يحبك وحب كل عمل يقربنا إلي حبك

واجعل حبك أحب إلي من نفسي ومالي واهلي وولدي

ومن الماء البارد علي الظمأ

اللهم أمين

تحياتي

العلم نور 17 أبريل 2010 في 12:26 م  

فعلا للحب أنواع وأجلها الحب في الله وحب كل شيء خلقه الله

Unknown 11 مايو 2010 في 2:50 ص  

السلام عليكم ورحمة الله تعالى وبركاته
ارجو ان تكون بخير يازميل المهنة وأن
لاتُحبط كثيراً فيما ستجد من عدم العدالة
فى دروب مهنتك ووظيفتك الحكومية إن شاء الله.

قلـمـــــى يعنــــى أنــــــا 29 مايو 2010 في 10:39 ص  

فعلا كلام حضرتك للاسف دا بيحصل

لكن استغربت من الشاب اللي بيقول امتى رمضان يخلص سبحان الله ! دنا من دلوئتى شامة ريحة روحانيات رمضان وملهوفة اوى عالشهر الجميل دا انه ييجى

كتير مننا وانا اولكم مقصرة ف حق ربنا ربنا يهدينا جميعا

ربنا يبارك ف حضرتك

انا اول زيارة ليا لكن باذن الله مش هتكون اخر زيارة

لو تسمح تشرفنى ف مدونتى المتواضعة

http://bancea.blogspot.com/

Beram ElMasry 15 أغسطس 2010 في 9:20 م  

اخي الكريم

أجمل التهانى بحلول شهر رمضان المبارك أعاده الله عليكم باليمن والخير والبركة وكل عام وأنتم بخير

seocom 20 مارس 2019 في 11:47 م  


شركات عزل الاسطح بالمدينة المنورة
وتستخدم شركة عزل اسطح بالمدينة المنورة أحدث و أبرز الأساليب المتميزة بعمالة متنوعة و مدربة على أعلى مستوى و بجدارة فنحن الشركة الوحيدة التى تخلصك من حرارة الشمس التى تؤثر بالسلب على الأسطح كما نعتمد الأٍساليب التى تخلصك من درجات الحرارة المرتفعة و الرطوبة العالية أيضاً من مميزات العزل أنه يقضي علي درجات الحرارة الشديدة و يخفض من استهلاك الكهرباء و هو من أنواع العزل التي تمنع تكاثر الحشرات و تعتبر شركتنا هي الأفضل بمجالات عزل الاسطح لاعتمادنا على مجموعه من أبرز الأساليب الحديثة و المطورة فنحن الشركة الوحيدة التى تخلصك من الحرارة التى تؤثر سلبيا على الأسطح

sham 7 ديسمبر 2020 في 10:06 م  

الامين للصيانة
تركيب نجارة الشارقة
تركيب كربستون فى الشارقة
فنى تركيب كربستون فى الشارقة

إرسال تعليق