وما الجديد فى ذلك ........؟؟؟

يجلس بتكاسل شديد أمام الجهاز لا شىء يريد ان يفعله 
ولكن لا شىء أمامه سوى  الكمبيوتر
يحاول أن يكتب أى شىء 
عقله لا يريد حتى التفكير 
يعلق بذهنه كلمة دكتور عكاشة أمس وهو
الإحساس بإنعدام العدالة يعتبر السبب الأول والرئيسى للأمراض النفسية فى مصر
يتذكر كم المواقف التى تنعدم فيها العدالة .........؟؟
ومن كثرتها يشعر بأنها لا تعد ولا تحصى
يتصفح مواقع النت 
الإعلان عدم عقوبة بركات
يقول فى نفسه ومنذ متى تتم معاقبة لاعبى الأهلى - بغض النظر إن كان بركات يستحق العقاب أو لا-
ينشر الموقع كم المواقف المشابهة للاعيبين سابقين وحجم العقوبات عليهم
ويقارن نفس المصدر بين ألفاظ عاشور وأفعاله مع الحكم وكذلك وائل جمعة فى مباريات سابقة وخروجهم دون أنى عقاب
وما عوقب به عمرو ذكى سابقا وكذلك لاعبى الزمالك فى مباراة الشرطة
حجم عقوبات لم نراها من قبل
يعاود الحديث لنفسه
وما الجديد فى ذلك............؟؟؟؟
إنها الحكومة الحمراء



يستمر فى التصفح
المطالبة بإطلاق النار على المتظاهريين 
هذا المطلب كان لأحد أعضاء مجلس الشعب المصرى
يعتبر نشطاء 6 إبريل مثل اليهود يجب قتالهم بالرصاص الحى
عفوا لقد أخطأت فاليهود لهم كافة الحقوق فى ممارسة كل شىء- كل شىء على الإطلاق- هنا فى مصر
بالفعل لقد ظلمت اليهود فها هو المبارك يقدم برقية تهنئة بيوم إستقلالهم وإحتلال فلسطين 
وفى نفس مكان هذا الخبر 
إختطاف النشط فلان الفلانى من محطة المترو بعد خروجه من بيت النشط فلان الفلانى
وجدير بالذكر إنه قد خرج لتوه من المعتقل أول أمس فقط
- شوفتوا الرحمة يومين بحالهم يشم نفسه هينهب صحيح-
عاوده التساؤل
وما الجديد فى ذلك...........؟؟؟؟




يتذكر مشهد هذا الصبى الصغير القادم إلى  الطوارىء قادم فى عربة الإسعاف بفقدان فى الوعى  من أول وهلة شك فى تعاطيه مواد مخدرة
خمس دقائق كانت كافية لإستعادة وعيه
بدا عليه علامات الضحك والإبتسام بسبب وبدون سبب 
وفى ساعده علامة إصابة مكان الحقن إياها
فلم يساوره الشك فى تعاطيه للمخدرات
ودار حديث قصير علم منه أنه فقد وعيه أثناء ذهابه للعمل الذى يأخذ منه حوالى 80 جنية فى الأسبوع يعنى حوالى 320 جنية فى الشهر يعنى أكثر من المبلغ الذى يأخذه هو الدكتور 230 جنية
تنهد تنهيدة عميقة
تذكر بعدها ذكرياته الماضية
يستشعر بمدى إستنزاف قلبه وعدم المقدرة أو حتى الرغبة فى البدء من جديد
يتذكر كلمة دكتور عكاشة
يسجد لله شكرا على إنه مازال قادرا على الضحك والإبتسام
ولم يجن حتى الآن

20 رأيك يهمنا:

كلمات من نور 21 أبريل 2010 في 5:55 ص  

أنا مش حاعلق إلا على رقم في البوست

230 جنيه ..........يا لهفي عليكم يا أولادي ...ولا تعليق آخر ألا أنا تعبت من حاجات كتير و يئست من حاجات كتير و أنا التي كنت لا أعرف لليئس كلمة ...بس لما تروح لاساتذه في الطب كبار وتدفع دم قلبك وتلاقي نفسك بتكشف وفي نفس الغرفه ناس بتوري الدكتور التحاليل وناس حتسأله عن حاجه و تطلع من عنده تلاقي نفسك مش عارف انت عندك إيه وبعد ما تعمل التحاليل وتروح تلاقي الدكتور ياخد التحاليل يشوفها جوا وانت تدخل ومعاك طبعا كشف يبص الدكتور ويقولي : انتي ماشيه على رجليكي ازاي يا بنتي؟ لسه حافتح بقي و اساسا مش عارفه أقوله على حاجات معينه علشان الكشف عبارة عن رجل وابنه ..راح قايل : انتي عندك أديسون واداني روشته بعلاج وقالي بعد شهر تعملي التحاليل اللي في الروشته وتجيلي ......طلعت من عنده لا أعرف مين أديسون ولا العلاج إيه اتاري العلاج نوعين من الكورتيزون والنوعين عالانترنت بيجيبوا أعراض جانبيه ولا أجدع أمراض و أخذت الدوا ويوم ولقيتني في المستشفى .....بصلي دكتور المستشفى وقالي دي أعراض الدوا بس أنا دكتور عناية ومفهمش قوي في المرض بتاع حضرتك بس أنا متأكد إن دي أعراض الهيدروكورتيزون ...........أنا حاخد عيالي و أهاجر خلاص .......ومحدش يسأل حاروح فين حاعملهالكم مفاجأة .............حاقوم اودي العيال مدارس خاصة بيرجعوا منها عايزين دروس خصوصية وعجبي

Unknown 21 أبريل 2010 في 6:21 ص  

ارى الدنيا الحقيقية
تصدمك بواقعيــاتها فى
كل يوم :قلبى معك ومع
كل ذى قلب وروح وأمل
فى مستقبل عادل فى بلدنا
ولكن اقولك(ان الله لا يضيع
أجر من أحسن عملاً)جايز أنت
أقل فى المادة لكن أسعد فى الروح
باذن الله.لاتدع أمثال هذه(الخبطات)
الصغيرة تؤثر بك)فقد عهدتك من الشباب
الطموح المكافح المتدين والمتعلم ايضاً.

Unknown 21 أبريل 2010 في 6:22 ص  

أحنا بناخد منك ومن زملائك
الامل لغد أفضل بأذن الله.

مجرد مدونة 21 أبريل 2010 في 9:41 ص  

هى دى مشكلة اللى بيدور على العدالة :)
هتعقد نفسك ليه بقى اقفل الكمبيوتر أحسن :)

نقطة في بحر 21 أبريل 2010 في 1:19 م  

بداية وكتعليق عام على الأحوال السيئة التي نعيش فيها،أود أن أذكّر نفسي وإياكم بعدة نقاط:
*قوله تعالى:( ظهر الفساد في البر والبحر بما كسبت أيدي الناس ليذيقهم بعض الذي عملوا لعلهم يرجعون )،
وعن النبي صلى الله عليه وسلم قال : ( يا معشر المهاجرين خمس خصال إذا ابتليتم بهن وأعوذ بالله أن تدركوهن ما ظهرت الفاحشة في قوم قط حتى يعلنوا بها إلا ابتلوا بالطاعون والأوجاع التي لم تكن مضت في أسلافهم الذين مضوا ولا نقص قوم المكيال والميزان إلا ابتلوا بالسنين وشدة المؤونة وجور السلطان عليهم وما منع قوم زكاة أموالهم إلا منعوا القطر من السماء ولولا البهائم لم يمطروا ولم ينقضوا عهد الله وعهد رسوله إلا سلط الله عليهم عدواً من غيرهم فأخذوا بعض ما في أيديهم وما لم تحكم أئمتهم بكتاب الله إلا جعل الله بأسهم بينهم )،
*نتساءل ما الجديد في كل ما نمر به،نعم ليس هناك جديد ولن يكون هناك جديد أبدا ما لم يغير الناس أنفسهم،
( إن الله لا يغير ما بقوم حتى يغيروا ما بأنفسهم ).

*قد نتساءل ويتساءل بعضنا وما ذنب الصالحين منا، ما ذنبنا ونحن نطيع الله ونتقيه؟
إن ما يصيب الله به عباده العصاة هو عقاب لهم،وما يصيب به الصالحون منهم هو ابتلاء لهم ليمحصهم ويرفع به درجاتهم ويكفر به عن ذنوبهم إن هم صبروا على بلائه.

وأخيرا أسأل الله ألا يؤاخذنا بما يفعل السفهاء منا،
وأن يرزقك وإيانا الصبر على البلاء،
ويرحم ضعفنا وذلنا،ويمدنا بالعون والقوة لمواجهة فساد مجتمعاتنا ومحاولة التغيير فيها.

Dr. Ibrahim 21 أبريل 2010 في 2:03 م  

ببساطة لاجديد فى ذلك..
فأصبح لدينا التعود على عدم العدالة فى كل شىء
قد يكون لدينا ظلم فى الحكم على أنفسنا نحن..
نسأل لنا ولكم ولكل المسلمين الصلاح والتوفيق والهداية..
بارك الله فيك

المجاهد الصغير 21 أبريل 2010 في 7:59 م  

السلام عليكم
الامل لابد منه
بدون امل تستحيل الحياه فى ظروفنا المحيطه
فالامل فى التغير ولا يكون تغير فقط ولكن تغير الى الافضل
والامل بينا وب اولادنا
جزاكم الله خيرا
وفقكم الله

غير معرف 21 أبريل 2010 في 8:27 م  

لا حول ولا قوة إلا بالله
ثاني مرة ادخل و اقرا التدوينة
الله يوفقك يا أخي

عالم ماريونت 22 أبريل 2010 في 8:19 م  

عزيزي
انا بقالي فترة بسمع شكاوي من الدكاترة الخريجين الي دفعو دم قلبهم دروس في ثانوي و جابو تقريبا الدرجات النهائية و مع ذلك اتخرجو واشتغلو ب 150 ولا 200 جنيه ودي كارثة ومصيبة بجد
يا نهار ابيض؟
احنا مشكلتنا اننا معندناش في المجتمع اي توازن
يعني في ناس بتشتغل في البورصة مرتباتها بتوصل ل20 الف في الشهر
عموما صبر جميل و الله المستعان
اول مرة اجي مدونتك بس بجد اعجبت بيها جدا
ربنا يوفقك
رنا

TIMMY !! 23 أبريل 2010 في 11:24 ص  

مش عارف أقول لك إيه يا محمد ,

متهيأ لي إن الواحد مجرد علشان يظل على قد الحياة في بلدنا المصون محتاج قدرات خاصة جدا ,

تفاءل يا محمد , مش علشان الوضع يبعث على التفاؤل , لكن لأن هيجيلك يوم و تكتئب , فكلما حاولت أن تؤخر هذا اليوم كلما كان أفضل !!

تحيا مصر

محمد سعد القويري 25 أبريل 2010 في 6:18 ص  

الأخ الفاضل :: د/عرفه ::
تحية صباحية عطرة معطرة

ثم

لعلي لا أجد تعليقًا إلا ..

وما الجديد في ذلك ؟؟

دمت بود

كلمات من نور 26 أبريل 2010 في 2:33 ص  

الطب في نجع الإسكندرية حدث ولا حرج سيادتك أنا مش بقالي شهور بتعالج مع أحسن دكاترة؟ كلهم عالجوا أجزاء وسابوا المهم ولولا فضل ربنا إنه جعل أم البنات سبب تكون تعرف أخت في الله أخوها طبيب غدد ماهر كان زماني معرفش حصلي ايه............كنت عنده امبارح بس و اكتشف ان كل مشاكلي من الغدة النخامية في المخ وحابتدي سلسلة علاج جرعات كورتيزون .مافيش غيره يعدل الغدة داه لو أساسا هي مستعدة للعمل .وبعدين حاروح إن شاء الله أعمل تحليل و اشعه عالغدة بالصبغه علشان أعرف سبب ضعفها وقلة فرزها لهرمونات الجسم الرئيسية .....إحنا عايشين في نجع مش في بلد ..........واللهم لا اعتراض على مشيئته ولكنها صرخات غضب على ما يحدث لنا من ظلم .......

جارة القمر 2 مايو 2010 في 12:35 ص  

لو بحثنا كثيرا سيرهقنا التعب

فلذلك لا تبحث عن عيوب زمننا فلقد اختفت المميزات واصبحت الحياة كتلة من السلبيات


كن بخير

تحياتي

حياتى نغم 5 مايو 2010 في 9:58 ص  

السلام عليكم ورحمة الله وبركاته

وما الجديد فى ذلك .. كلمة كالرصاصة فى القلب ولكنها الواقع الحى .
اعتدنا الظلم وسكتنا عليه وأصبحنا نعيش فقط لنرفع عنا الظلم من هنا ومن هناك والبطل هو من يفلح فى العيش ليس مظلوماً
جزيت خيراً يا دكتور .

حلم بيعافر 7 مايو 2010 في 7:38 م  

بص يا دكتور
كلمة الحق صعبة وبتزعل
لو اتكلمت عن الزمالك وطالبت بحق واضح وجلى للكل فانت متعصب ولو اتكلمت عن شباب 6 ابريل والوقفات والمظاهرات فانت حد فاضى ومعندوش حاجة شاغلاه
لذلك
المفروض تبقى كالتالى
اهلاوى
حزب وطنى
بتتفرج بالليل على محمد حسين يعقوب وحازم شومان والدين عندك عبارة عن خطبتين عن عذاب القبر وعن ضرورة اطلاق اللحية وارتداء النقاب
ولازم تعرف ان الشيعة دول ولاد ستين فى سبعين واسرائيل دولة صديقة وحليفة.....................

أحلى حياة 8 مايو 2010 في 3:52 م  

فعلا .. لا جديد تحت الشمس .. مفيش جديد في كدا :)
الكلمات دي وصف لحالة كتير مننا بيبقى قاعد قدام الجهاز فعلا في قمة الزهق والضيق كمان، كلنه قاعد القعدة دي قدام جهازه لان يمكن مفيش بديل ليها
وحتى لو ليها بديل فممكن مايبقاش ليه نفس أو حماس انه يعمل البديل دا
ساعات بيقى الواحد حتى عايز يكتب وجواه حاجات كتير اوي عايز يقولها بس بيلاقي نفسه عاجز لأي سبب!! مش عارف يكتب وخلاص!!
أما بالنسبة للحاجات والعناوين اللي أخينا اتخبط فيها وهو قاعد زهقان كدا، فيحمد ربنا انه ماقراش خبر وصله لحالة من الضيق والاكتئاب لا توصف خلته حتى مش عارف ينام وخلته حتى يكره قراية الأخبار تاني زي ما حصل مع غيره :)

تحياتي لحضرتك

كلمات من نور 16 مايو 2010 في 3:02 ص  

عندكم تاج مهم يا جماعة الخير
ادخلوا هنا :

http://mamanooor.blogspot.com/2010/05/blog-post_15.html

Unknown 16 يونيو 2010 في 2:24 ص  

السلام عليكم ورحمة الله وبركاتة
كيف حالك اخى الكريك؟
سيبك من الكورة
ركز على اليهود
يا ريت ينفع اننا نضربهم
هوا حد يقدر يقول كدا
انت مش خايف ولا اية
ربنا يستر
دمت بالف خير

كلمات من نور 8 يوليو 2010 في 12:55 ص  

ترى أين أنت يا طبيبنا الواعد؟؟؟؟؟؟؟

Unknown 13 أغسطس 2010 في 1:44 م  

كل سنة وأنت طيب
يادكتور عرفة ارجو
ان تكون بخير وموفق
فى عملك وحياتك
طمنا على
اخبارك
يازميل المـــهنة.

إرسال تعليق