لتزداد قوة


فى الدنيا الإنسان دايما بيتطلع للأفضل ودايما بيكون عنده طموح للزيادة دايما
و رغم إنه ممكن يحقق طموحه ده ولكن للأسف ليست هذه هى السعادة الحقيقية لأنه لا توجد سعادة كاملة فى الدنيا
مثلا
إذا إنتقلت من منزلك الصغير لمنزل أكبر فى البداية ستشعر بالفرق وتستمتع به ولكن بعد فترة ستألف الوضع ويكون شىء عادى بالنسبة لك
وبالمثل إذا إشتريت مثلا سيارة جديدة فى البداية ستشعر بالفرق ولكن بعد فترة ستألف الوضع ويكون شىء عادى جدا
سوف تتطلع إلى ما هو أعلى من منزلك الجميل أو سيارتك الجديدة

ننقل على مشهد أخر

الرسول عليه الصلاة والسلام بيقول
{ المؤمن القوى خير وأحب إلى الله من المؤمن الضعيف وفى كل خير}
هل القوة المقصودة هى القوة البدنية فقط؟؟
بتوقع _وده إجتهاد منى_ إن فيه نوع أخر من القوة أهم من القوة البدنية كمان
وهى القوة النفسية
وهو إن الإنسان يكون قادر على الصبر والجلد ومواجهة أصعب المواقف فالدنيا لا تسير أبدا بشكل منتظم بل هى مليئة بالمتغيرات والمفاجئات


عندما يريد الفرد زيادة قوته البدنية يذهب إلى صالات الجيم وممارسة الرياضة
ولكن ليزيد قوته النفسية ماذا يفعل؟؟
ممكن نجرب شىء ممكن نمارسه مع بعض
فى البداية
حاول تجاوب على هذا السؤال

ما هو أكثر شىء ممكن إنه يسبب للإنسان ضيق وألم ؟؟
أظن إن معظم تلك الأشياء سببها الرئيسى هو إن الإنسان فقد شىء بيحبه ومتعلق بيه بشدة
فكر بينك وبين نفسك
ما هو أكثر شىء إنت متعلق بيه فى حياتك اليومية ؟؟
وجرب تستغنى عنه وتبتعد عنه فترة من الزمن
مثلا
هعرفكم بشوية تمارين كده ممكن نعملها
-حاول كده تجرب يوم بأكمله من غير نت وكمبيوتر نهائى رغم إن الجهاز سليم والنت موجود
-كل يوم بتروح الشغل أو الكلية بسيارتك الخاصة أو بالتاكسى جرب تروح يوم بالمواصلات أو سيرا إذا كان ممكنا
أكيد التمرين ده مش هعمله علشان أنا كل يوم مواصلات
-كل يوم ما شاء الله بتتغدى لحمة أو فراخ جرب يوم كده تقضيه من غيرهم
وتجرب أى أكل بسيط أخر
-والدتك كل يوم بتجهز الأكل على طول جرب يوم تجهز لنفسك فطار من غير ما تستنى والدتك تحضره
-كل يوم مثلا بتنام على سريرك الكبير فى حجرتك الخاصة
جرب يوم كده تفترش على الأرض وتنام عليها
وكما قال سيدنا عمر رضى الله عنه {إخشوشنوا فإن النعمة لا تدوم }
وأبرز التمارين الفعالة جدا الصيام
- الصيام بتاعنا بيدعم الفكرة دى أوى
وهو إن تحرم نفسك من الأكل والشرب ومن زوجتك لفترة رغم إنهم موجودين فى البيت
ممكن نجرب نصوم يوم مثلا فى الأسبوع فى أيام الحر دى
انا عارف ما شاء الله إن معظم زوار المدونة هنا محترمين جدا

وأكيد بيتصدقوا كتير
ولكن ممكن نجرب صدقة من النوع المؤثر شوية
معظمنا لما بيتصدق بيحاول يتبرع بالشىء الفائض لديه والزائد عن حاجته
ممكن نجرب نتصدق بالشىء اللى بنحبه أوى ومتعلقين به بشدة
ربنا سبحانه وتعالى بيقول
{لَنْ تَنَالُوا الْبِرَّ حَتَّى تُنْفِقُوا مِمَّا تُحِبُّونَ}
ملاحظات هامة
1- دى كانت شوية إجتهادات منى بالتمارين دى وأكيد كالعادة تعليقاتكم بتكون متميزة فمن لديه تمرين أخر
ممكن يعرفنا بيه نجرب نعمله مع بعض
2- ياريت كلامى ده ميكونش مجرد كلام نظرى ياريت يكون للتنفيذ
وكل واحد وهو بيعلق يأكد على النقطة دى فى إنه هينفذ فعلا أو إنه بالفعل بدأ فى التنفيذ
3- كان مفروض أسافر بكرة بس يظهر عين وصابت الرحلة بتاعتنا
المهم مفيش سفر والموضوع ممكن يتأجل أو يتلغى
4- منتظر ترشيحاتكم هناك إن شاء الله ياريت مفيش حد ينسى وياريت تكون ترشيحاتكم رائعة كالعادة
بصراحة بكون فعلا فرحان بالمواضيع اللى بترشحوها وياريت الناس اللى عايزة ترشح نفسها ياريت ترشح معاها مواضيع تانية
علشان الصوت بتاعها يتحسب وميكونش صوت باطل

كفاية كده
طولت عليكم
سلام

60 رأيك يهمنا:

موناليزا 9 يونيو 2009 في 7:54 م  

فيه تمرين مهم جدا برضه ولا يقدر عليه الا القوى فعلا
وهو :كظم الغيظ

نور الاسلام 9 يونيو 2009 في 8:39 م  

السلام عليكم

بالنسبه لموضوع التصدق بالشىء اللى تحبه..والله انا اعرف اخت لى ربنا يعزها ويكرمها تصدقت مش بالشىء اللى تحبه دى تصدقت بكل ميراثها وهى مش امرأه مسنه زاهده فى الدنيا ولكنها فى العشرينات من عمرها ولكنها احست ان غيرها يحتاج لهذا المال فلم تتأخر ...
وبالنسبه للإقترحات جميله جدا ..وبالذات احنا محتاجين اوى تظبيط الاخلاق ..مثل خلق الصبر ,...والرحمه فى التعامل مع الاخرين..والعفو عند المقدره ..والإيثار ....,وكظم الغيظ كما قالت موناليزا..


بارك الله فيكم ....وجزاكم الله خيرا..

أحمد سعيد بسيوني 9 يونيو 2009 في 9:31 م  

بسم الله

كنت عند طبيبة الاسنان اليوم .. لحشو بعض الظروس

قالت : ماتكلش النهاردة على ظروسك وقضيها سوائل

روحت

لقيت فراخ على الغداء

ضعفت .. وضربت واحد "ورك" محترم

*****

فعلا الموضوع صعب

ومش هيجي من أول مرة ابدا

http://ana-elbahr.blogspot.com/2008/09/blog-post_28.html

ملوكاً نحن

دعواتك وانت مسافر

رحلتنا في الحياة 9 يونيو 2009 في 11:26 م  

جزاك الله خيرا يادكتور عرفة بحاول انفذ بعض الامور دى بس اكيد بضعف دايما :)
بس ان شاء الله بالتدريج نقدر نجيبهم كلهم والقوة النفسية طبعا قبل القوة البدنية هى الاهم والاساس

د/على خميس 10 يونيو 2009 في 2:25 ص  

السلام عليكم و رحمة الله و بركاته
أخى د / عرفة
موضوع رائع كالعادة ....ممكن يكون أصعب تمرين لى انى لا أقرأ موضوعك الجديد لكن أكيد سأضعف..:)

فعلا أخى اجتهادك فى محله و قال به الكثير من العلماء أن القوة المقصودة هى قوة الإيمان و قوة النفس و كظم الغيظ ... بل البعض قال أن فى هذا الحديث القوة الجسمانية فرع و ليست أصل ...

بارك الله فى فكرك أخى و أن بنفذ طبعا إن شاء الله

ممكن الواحد يرشح اكثر من موضوع
انا شايف ما شاء الله أخونا المعتصم مرشح كل الناس ... :)
بارك الله فيك
تقبل تحياتى

Unknown 10 يونيو 2009 في 7:07 ص  

عارف يادكتور عرفه
مرة قرأت واحد قدر يدرب
نفسه ان يحب الوقت من عدد مرات
تنفسه العادى وعدد مرات دقات قلبه
والتعود ده نفعه جدا لما اتعرض لحادث
اختطاف !!قدر يحسب المسافة والوقت اللى مشيته
السيارة وبرضه بأرهاف سمعه للاصوات المحيطة قدر
يعرف كذا حاجة .بكل المعلومات دى مجتمعة
قدر يدل البوليس بعد إطلاق سراحه
على المكان المحتمل اللى كان
محبوس فيه!سبحان الله!

Unknown 10 يونيو 2009 في 7:11 ص  

خطأ مطبعى !!
(قدر يدرب
نفسه ان يحب الوقت من عدد مرات)
قدر انه يدرب نفسه ان يحسب الوقت
وليس يحب الوقت:)

القدر و انا 10 يونيو 2009 في 7:14 ص  

د. عرفة
موضوع مهم جدا
تقوية النفس بالارادة
اجبار النفس على مقاومة الشهوات والنميمة
وتعويدها على ما هو مستحب وجميل
بارب يقدرنا جمبعا فنحن فى حاجة دائمة لتقوية نفوسنا الامارة بالسوء فى هذا الزمن الصعب
تحياتى

محمد سعد القويري 10 يونيو 2009 في 7:53 ص  

هذه النفس تحتاج دومًا إلى متابعة وتصفية
وجهد ومجاهدة
جميلة جدًّا هذه التمارين
فعلاً
اخشوشنوا فإن النعم لا تدوم

تحيتي

د.آيه 10 يونيو 2009 في 11:42 ص  

السلام عليكم

موضوع جميل يا محمد ..
و إحنا كتير من غير ما نقصد بنعمل التدريبات دي في حاجات كتير في حياتنا اليومية ..
و مبدأ العصل و الجزرة إحنا بنربي نفسنا عليه من غير قصد أو كتير مننا .. بس أنا ساعات بسميه بعذب نفسي ..
تربية النفس و تهذيبها شئ ضروري .. بقدر ما هو شئ صعب جدا .. فليعيننا الله عليه..

و قمة التهذيب و التربية بنلاقيه في أحاديث الرسول صلى الله عليه و سلم .. زى حديث صغير جدا و مهم جدا و صعب جدا ..
و هو : لا تغضب ..

اللهم حسن أخلاقنا و أعنا علي الخير

لاسع افندى 10 يونيو 2009 في 10:58 م  

موضوع رائع جدا واحب ان اضيف بعض التمرينات اذا سمحت لى
1- جرب يوم بدون تدخين
2- جرب يوم بدون ماتشتم حد خالص
3- جرب يوم من غير عصبيه
4- جرب يوم تهتم ببيتك من اول اليوم
5- جرب يوم لزيارة اكبر عدد من عائلتك
6- ..........
7- ......

اشكر سعة صدركم وتقبلوا تحياتى

روح طفلة 10 يونيو 2009 في 11:08 م  

السلام عليكم ورحمه الله وبركاته
موضوع رائع فعلا يا دكتور عرفه ويحتاج وقفه مع النفس
وومكن جدا برضوا ان الواحد يزيد من قوته النفسيه ليس بفقط بالمنع عن الاشياء
ولكن ممكن انه يزيد من قوته بالاصرار والمثابرة على الوصول لمبتغاه
زى مثلا الاصرار على حفظ القرآن الكريم مثلا
او الصرار لنيل درجع علميه معينه او تحقيق هدف ما

اعتقد اننا ممكن نلخص القوة النفسيه فى كلمه (((الصبــــــــر )))
لان سواء انك بتدرب نفسك على منع نفسك من شئ ما او الاصرار على هدف ما الاتنين بيحتاجوا لصبر
وعلشان كده ربنا عظم قيمه الصبر والصابررين

تحياتى لك

د. ياسر عمر عبد الفتاح 11 يونيو 2009 في 10:07 ص  

كلامك مظبوط جداً يا دكترة
فعلاً لازم نسترجل شوية .. ونجرب البهدلة
اخشوشنوا ..

جزاكم الله خيراً

ايومي 11 يونيو 2009 في 10:58 ص  

جزاك الله خيرا,
موضوع مهم جدا,
ولازم فعلا نعمل بوصية المصطفى عليه السلام
(اخشوشنوا فان النعم لا تدوم)
ولنزداد قوة لازم
نجاهد نفسنا ونروضها في كل الميادين,
ونتوجه لربنا بخالص الدعاء انه يعينا,
وهو وعده حق انه يوصلنا,
لانه سبحانه بيقول
(والذين جاهدوا فينا لنهدينهم سبلنا).

وردة 11 يونيو 2009 في 1:55 م  

السلام عليكم ورحمة الله وبركاته
ازيك يا دكتور
انت عارف ايه اللي بيميز مدونتك
انك بتتناول الموضوع من زاوية بعيدة شوية عن الاذهان
يعني زي انهاردة
انت عاوز تعودنا علي الاحساس بضياع شئ محبب لنفسنا
ربطت حاجات بعيدة عن بعض بأسلوب بجميل
بس لو تسمح ليا رأي بسيط ياريت تتقبله
انا شايفه ان عنصر المفاجأة في فقدان الشئ المحبب الي النفس بيكون عامل اساسي في الاحساس بالحزن
او الضيق
لو اخدت نفس المثل بتاعك عن الصيام هل احساسنا اول يوم صيام هو نفس الاحساس لما نوصل لنصف الشهر الكريم
مع الاخذ في الاعتبار ان رمضان مش بيجي فاجأة واننا بنكون مأهلين نفسيا للصيام
لو اتعودنا علي عدم وجود سيارة في حياتنا رغم وجودها شئ
واننا نبيعها مرة واحدة او لاقدر الله نفقدها فاجأة شئ اخر
اتمني تكون وجه نظري وضحت
بشكرك علي افكارك الجميلة واسلوبك المميز في عرضها
بتمنالك التوفيق
سلام

غير معرف 11 يونيو 2009 في 3:36 م  

موضوعك راائع جدا

والنقاط الي اتكلمت عنها مهمة جدا

انا بحاول كل فترة امنع نفسي من النت لما احس اني متعلقة فيه زيادة عن اللازم ولازم نعود انفسنا تكون عندنا ارادة قوية لانها هتفيدنا بكل شي

بارك الله فيك على البوست المفيد

دمت بالف خير

بقول اللى اعرفه 12 يونيو 2009 في 6:18 ص  

شكرا د/عرفة على مدونتك الرائعة والبوست الجميل دة
تمرينات روحية احسن بجد من التمرينات العضلية
تؤدى للصبر والقدرة على التحمل

اشكرك جدا واتمنى ان تزور مدونتى المتواضعة (بقول اللى اعرفه )

Ramy Seada 12 يونيو 2009 في 9:24 ص  

انا مش عارف مدى صحة تمارينك من الناحية العلمية

بس انا بطبقها من زمان ومفيش تغيير

موضوع النوم على الارض داهوايتى ايام الامتحانات

وبركب ميكروباصات

وبعدين فراخ ولحمة ايه هو انت بتتغدى كل يوم؟؟ اللهم صلى على النبى

هههههههههه

تقبل تحياتى

د/عرفه 12 يونيو 2009 في 12:09 م  

موناليزا
اهلا بيكِ

متفق معاكِ كتير
اظن ان الهدف من التمارين الصبر وكظم الغيظ اساسا


سعداء بوجودك
تحياتى

د/عرفه 12 يونيو 2009 في 12:10 م  

نور الاسلام

جزاكم الله خيرا على النصايح الجميلة

وربنا يبارك فى صاحبتك دى


سعداء بتواجدك معانا على طول

د/عرفه 12 يونيو 2009 في 12:14 م  

أحمد سعيد
فعلا الموضوع مش سهل دايما
وهى دى فايدة التمارين اللى انا اتكلمت عليها

وزى ما حكيت فى كلامك
التمارين دى علشان نقدر نستحمل الظروف اللى ممكن نطرأعلينا
ونستحملها بشكل اكبر

منورنا يا احمد دايما

د/عرفه 12 يونيو 2009 في 12:16 م  

أيوشة
اهلا بيكِ

سعدا بتعليقك
وان شاء الله
نحاول مع بعض كلنا ان احنا نبدأفى التنفيذ ان شاء الله

د/عرفه 12 يونيو 2009 في 12:19 م  

أهلا بيك اخى الكريم

دايما بننتظر تعليقك

واللى بتعمله ده بالظبط اللى بتكلم عليه
اظن انه بيعطى قوة نفسية وتحمل للمتغيرات
زى ما انت ذكرت كده بالظبط

القلم السكندري 12 يونيو 2009 في 12:41 م  

جزاك الله خيراً.. ونسأل الله أن يخلصنا من كل عبوديةٍ إلا عبوديته سبحانه.. والكلام رائع وهو ما جاء به النبي صلي الله عليه وسلم: (تعس عبد الدرهم تعس عبد الدينار .. الحديث)

وهكذا كلُّ هويً يسيطر علي الإنسان حتي يصيره عبدٌ له فيكون سبباً لإتعاسِ صاحبه من شدة وجده به فضلا عن أن الأثر دعاءٌ من النبي صلي الله عليه وسلم بصيغةٍ خبريةٍ والله أعلم


نسأل الله أن يطهر قلوبنا


وأن يجعل ما كتبت في ميزان حسناتك

د/عرفه 12 يونيو 2009 في 7:31 م  

أخى المعتصم
أهلا بيك اخى الحبيب

ما شاء الله
اللى بتعمله ده بالظبط اللى انا قاصده فى كلامى
وواضح انك قوى ما شاء الله

تحياتى ليك
مع السلامة

د/عرفه 12 يونيو 2009 في 7:33 م  

دكتور على

اهلا بيك دكتور
دايما بتحرجنا كده بتعليقاتك
والله ده من ذوقك بس

ويارب نكون دايما عند حسن ظنكم
ان شاء الله

د/عرفه 12 يونيو 2009 في 7:36 م  

دكتورة نور
اهلا بيكِ دكترة
فعلا انا سمعت كلام زى ده
وسمعت الناس اللى بتقدر تتحكم فى ضربات قلبها
اظن ان حاجات كتير نقدر نعملها بالتعود

سعداء بزياراتك دكتورة
سلام

د/عرفه 12 يونيو 2009 في 7:38 م  

القدر وانا
اهلا بيكِ

فعلا دى خطوات برضه نقدر تعملها علشان نقدر نتحكم فى انفسنا للبعد عن الشهوات
وده الاهم طبعا

سعداء بزيارتك
تحياتى

د/عرفه 12 يونيو 2009 في 7:40 م  

محمد القويرى
اهلا بيك محمد
منورنا فعلا
شكرا على الاطراء

وفعلا لازم النفس تتعود المجاهدة

تحياتى ليك

د/عرفه 12 يونيو 2009 في 7:43 م  

أية
اهلا بيك
فى كتير بنعمله فعلا فى حياتنا

ومسالة العصا والجزرة معاكِ حق
بس اظن انك نتاخدى الجزر على طول
هههههههههههههه


شكرا على الاهتمام يا اية

د/عرفه 12 يونيو 2009 في 7:47 م  

لاسع افندى اهلا بيك

اضافات رائعة

وان شاء الله نقدر ننفذ مع بعض التمارين دى


شكرا على زيارتك الجميلة دى

د/عرفه 12 يونيو 2009 في 7:49 م  

روح الطفولة

فعلا اتفق معاك بشدة

الاصرار والصبر
بياخصوا كتير او من التمارين

حتى فى الدين هناك الصبر على الطاعة
والصبر عن المعصية

شكرا على الزيارة
واهلا بيكِ على طول

د/عرفه 12 يونيو 2009 في 7:51 م  

د ياسر
اهلا بيك دكتور ويارب تكون الامتحانات كويسة
فعلا لازم نشد حيلنا شوية
الحياة مش دايما سهلة

تحياتى

د/عرفه 12 يونيو 2009 في 7:53 م  

أيومى
اهلا بيكِ

شكرا على اهتمامك
وجزاكم مثله
ولكن اظن ان القوا ده مش للرسول عليه الصلاة والسلام
اظن انه زى ما انا ذكرت انه لسيدنا عمر رضى الله عنه

د/عرفه 12 يونيو 2009 في 7:56 م  

وردة
اهلا بيك

شكرا على الاطراء الجميل
ده من ذوقك بس

اتفق معاكِ ان المفاجأة بيكون ليه دور كبير اوى

بس ممكن دى تكون مجرد محاولة بس للتعود
مش اكتر

وكمان تلاحظى انى اتكلمت فى الموضوع عن العناصر المادية
لكن فقد العنصر البشرى انسان محبب لنفس يعنى
ما يجدى معاه اى تمرين او تعود

تحياتى
وشكرا على اهتمامك

د/عرفه 12 يونيو 2009 في 7:59 م  

نوارة اهلا بيكِ

فعلا النت دى مشكلة لناس كتير
وفى ناس متعلقة بيه بشكل مرضى كمان

شكرا على الاطراء

نتمنى دوام التواصل
تحياتى

د/عرفه 12 يونيو 2009 في 8:00 م  

بقول اللى اعرفه
اهلا بيكِ
سعداء بزيارتك الاولى
اكيد هنشوف مدونتك ان شاء الله

اكيد القوة الروحية اهم من القوة البدنية كمان

شكرا على كلامك الجميل
تحياتى

د/عرفه 12 يونيو 2009 في 8:03 م  

ازيك يا رامى
اهلا بيك
سعيد باهتمامك

التمارين دى مجرد اجتهاد
واظن انها كويسة


بالنسبة ليك
كل واحد ادرى بتمارينه
شوف انت متعلق بايه اكتر حاجة وبتعتمد عليه بشكل كبير وحاول تستغنى عنه فترة من الزمن

يعنى كل واحد وتمارينه الخاصة

شكرا على اهتمامك رامى

د/عرفه 12 يونيو 2009 في 8:05 م  

القلم السكندرى

اهلا بيك يا باش مهندس
متفق معاك جدا

احيانا بيصير الانسان عند للشىء متعلق بيه
زى الدرهم والدينار

يارب يرزقنا الاخلاص فى القول والعمل

منتظرينك دايما هندسة
تحياتى

حياتى نغم 13 يونيو 2009 في 1:31 ص  

السلام عليكم / موضوعك ثرى وتذكرتك نافعة تقبلها الله منك ونفع بك فعلاً لا نفكر بتقوية نفوسنا وكثيراً من تلك التمارين نفتقدها .
جزاك الله خيراً .

عمرو جويلى 13 يونيو 2009 في 3:19 ص  

د/عرفة
السلام عليكم
أشكر لك مرورك الكريم
ويشرفنى دوام التواصل معك وما شاء الله عليك موضوع ذو قيمة عالية وبالفعل لا بد من وقفة مع النفس وأشكر لك أخى الكريم إجتهادك الطيب جعله الله فى ميزان حناتك
متابع معك إن شاء الله
ودمت بكل الخير

Unknown 13 يونيو 2009 في 4:43 م  

موضوع هايل وأفكار أكثر من رائعة أحييك عليها يادوك

ماهي الأفكار دي متخرجش إلا من دماغ متكلفة

بارك الله فيك

ويقى التواصل

Unknown 14 يونيو 2009 في 3:07 ص  

السلام عليكم ورحمة الله وبركاتة
كيف حال حضرتك ؟
يا رب تكون بخير
انا اكبر منك انا عندى 24 س دا اولا
ثانيا
انا ممكن استغنى عن كل الحاجات دى بس مقدرش استغنى عن اشخاص معينين
اهمهم واولهم زوجى
وسلمى طبعا
اعمل بردوا التمرين دا ؟؟؟؟؟؟؟؟؟؟؟؟؟؟؟؟؟؟؟؟؟؟؟ظ
سؤال ولازم تجاوب
هههههههههههه
انا فهمه فكرتك وفعلا فكرة جميلة حتى نقدر بعد كدا اننا نخشوشن ونقاتل منبقاش فران امام العدو
ربنا يكرمك
ويجعلة فى ميزان حسناتك
دمت بالف خير

د/عرفه 15 يونيو 2009 في 1:44 ص  

حياتى نغم
أهلا بحضرتك

ده من ذوقك بس

شكرا لزيارتك

د/عرفه 15 يونيو 2009 في 1:45 ص  

اللؤلؤة

أهلا بيك عمرو

شكرا لزيارتك

ده من ذوقك
وربنا يتقبل ان شاء الله

تحياتى

د/عرفه 15 يونيو 2009 في 1:46 ص  

أستاذ معتز

سعدت جدا بتعليقك
وده بعض من عندكم يا فندم

جزاكم الله خيرا
تحياتى

د/عرفه 15 يونيو 2009 في 1:50 ص  

حتى تشرق الشمس
أهلا بيكِ
أم سلمى
أختى الكبيرة بسنتين بس
ههههههههههه

لأ
انا قصدى الأشياء المادية
ولم أعنى قط الأشخاص
لن تكفى أية تمارين لتحمل الإستغناء عن الاشخاص

ممكن بس نجرب نعتمد على نفسنا بعض الشىء

واكيد التمارين اللى انا قصدتها كلها للاشياء المادية فقط

شكرا للزيارة

تحياتى

د/عرفه 15 يونيو 2009 في 1:52 ص  

اه صحيح
نسيت
انا اكيد عملت فعلا كتير من التمارين دى
والحمد
الله
فى حاجات كتير معدتش بتضايقنى وتعصبنى زى الاول

arsenalwy 15 يونيو 2009 في 1:06 م  

ازيك يادوك اخبارك ايه

اكي ان شاء الله هضيفك وابعتلك انفيتشن للجروب والمدونة بس اعذرنى مضغوط الوقت ده فشغال واحدة واحدة


لينك اللوجو

http://www.2shared.com/file/6320725/f37fab5b/____2.html?


لينك البوستر اللى هنوزعه ونحطف فى أى مكان بعد ما نطبعه

http://www.2shared.com/file/6320757/52305cb0/___online.html?

هدى التوابتي 16 يونيو 2009 في 5:55 ص  

فعلا الموضوع والفكرة رائعين ياد\عرفة جزاك الله خيرا على الفكرة ويارب أجعلها في ميزان حسناتك

♥نبع الغرام♥♪≈ 16 يونيو 2009 في 12:21 م  

السلام عليكم

بجد الفكره هايلة وجميله قووى تسلم

ويارب تكون بميزان حسانتك
ايناس

جارة القمر 16 يونيو 2009 في 1:02 م  

بوست رائع


استفدت منه كتير

سأحاول تطبيق كل ماورد هنا

جزاك الله كل الخير

د/عرفه 16 يونيو 2009 في 6:32 م  

أرسنالاوى
أهلا بيك

ومنتظر دايما
وان شاء الله هحاول بقدر الامكان اشارك معاكم
تحياتى

د/عرفه 16 يونيو 2009 في 6:32 م  

دودى

شكرا على التعليق واهلا بيكِ

ومنتظر زياراتك دايما

تحياتى

د/عرفه 16 يونيو 2009 في 6:33 م  

جريدة الصباح
ان شاء الله
هشوف المشاركات
وهحاول اختار
شكرا على الاهتمام

والتعليق

د/عرفه 16 يونيو 2009 في 6:34 م  

عاشقة الأحزان

شكرا على الزيارة الجميلة دى

وده من ذوقك بس

منتظرين تواجدك معانا على طول تحياتى

د/عرفه 16 يونيو 2009 في 6:35 م  

جارة القمر

أهلا منوانا بزيارتك

وشكرا على الاطراء

ويارب اكون عند حسن ظنكم دايما

تحياتى

همسة ايمان 22 يونيو 2009 في 6:43 ص  

جميل اوى البوست وكلها حجات محتاجة لعزيمة

زى بالظبط كدة لمانصوووم يوم حر جدا للوقايه من حر جهنم وفى الاخر نفطر على فول

احنا محتاجين نظبط شهواتنا وموش كل حاجة متاحة نعملها

دة هايفيدنا فى حياتنا كلها

مدونة راااائعه تقبــــ مرورى ــــل

د/عرفه 23 يونيو 2009 في 11:46 م  

شكرا همسة إيمان

أهلا بيكِ

جزاكم الله خيرا على الإطراء الجميل دى

ومنتظرين زيارتك دايما

تحياتى

محبة الرحمن 5 يوليو 2009 في 2:06 ص  

كالعادة موضوع متميز بيناقش قضيه مهمه

جزاكم الله الف خير عليه


بس التدريبات ديه كلها عملتها

حتى موضوع كظم الغيظ


الواحد عمله بس ساعات وساعات برده

الحكايه كلها بتتعلق بزيادة او نقصان الايمان

ربنا يقوينا ويثبتنا جميعا

مع التعلق الشديد بالله والله كل حاجه بتهون

ومع العكس كل حاجه بتبقى صعبه ومكلكعه والانسان مش بيكون حتى قادر يستحمل نفسه

إرسال تعليق