ذكريات قديمة



النهاردة حابب أريح شوية من المواضيع التقيلة فى المواضيع الأخيرة
كنت حاسس إن دمها كان تقيل شوية

هحكى شوية ذكريات من أيام طفولتى وإن شاء الله كمان فترة كده هكمل ذكرياتى معاكم
كنوع من الريست بس
أممممممممممممم

كنت فى فترة الإعدادى ساعتها
وفى يوم عادى جدا
هرج ومرج فى الفسحة كالعادة وبعدها الطابور
وقفت فى طابور الفسحة وانا منهك جدا
طابور الفسحة بيكون دايما تقيل على قلبى جدا علشان بتكون الدنيا حر والشمس على آخرها وبكون زعلان على إن الفسحة خلصت
المهم وبعدين لاقيت مرة واحدة ناظر المدرسة واقف فى الإذاعة على غير المعتاد
لأ وكمان لاقيتهم بيحضروا فى هدايا وجوايز وكده
سألت أصحابى لقيتهم بيقولولى إن فى جوايز هتتوزع النهاردة
قولت فى نفسى يا سلام لو آخد جايزة من دول
ولاقيتهم بيقدموا للجوايز وكانت علشان إمتحانات الشهر اللى فات
قولت مش مشكلة ياترى مين اللى هياخد الجوايز دى
وبعد كده نادوا الأسامى وفوجئت إن إسمى أول إسم ينادوا عليه ومكنتش عارف ده
بصراحة إرتبكت جدا وكنت آخر واحد فى الطابور
فطلعت بسرعة
أممممممم
وبعدين فى نص السكة وقدام الطلبة كلهم إتكعبلت ووقعت فى نص الطابور
وبدل ما الطابور كله يسقفلى كله قعد يضحك عليا

وعلى العموم
كل ده وكانت الجايزة قلم جاف


أممممممممممم

طيب أحكى كمان قصة مشابهة

المرة دى كنا فى المعهد ( الدرس يعنى)
وكنت فى الإعدادى برضه
وكان يوم حر جدا وكنت زهقان على الأخر
وانا فى الدرس كنت قاعد و سايب (الشبشب) تحتى كده كنت خالعه من رجلى زهق يعنى
المدرس خد باله من اللى انا عامله ده
فقومنى علشان اجاوب سؤال
عادى مش مشكلة أقوم أجاوب عادى
فصاحبى اللى كان قاعد جنبى خد باله
فقام محرك الشبشب من تحت رجلى
فجيت أقوم ملقتش حاجة تحتى فضطريت أقوم أجاوب وانا حافى
وللمرة التانية المجموعة كلها تضحك عليا




كلمة أخيرة
كتير بتعرض لمواقف محرجة
وأحيانا بتكون سبب فى تعكير مزاجنا لمدة كبيرة
فلو عايز تستمتع بحياتك
ياسلام لو عملنا بتلك القاعدة
(لا تهتم بصغائر الأمور)

على إيه بقى نقعد نعذب نفسنا ونضايق ونتألم
علشان حاجات تافهة
وأكيد زعلنا ده مش بيمثل حل أبدا للمشكلة

المرة دى كانت ريست
هرجع أرخم عليكم تانى بمواضيع تقيلة متخدوش على كده

89 رأيك يهمنا:

محمد عبد الباسط 1 مايو 2009 في 1:44 ص  

اول تعليق
وكفي
حلم كبير

أحمد سعيد بسيوني 1 مايو 2009 في 1:44 ص  

جميل بجد

تخيلتك وانت واقع على وشك وبعدها بشوية وانت في ايدك القلم الجاف وبتشوح بيه في السماء

وتخيلتك وانت ماشي حافي كالعادة
هههههههههه

تسلملي عيونك

مننظرين رخامتك تاني

مصطفى أبوزيد 1 مايو 2009 في 1:46 ص  

هههههههههههههههههه
فظيع يا محمد
انت ذكرياتك وحشه اوي مع الحر
ربنا يكرمك

walaa rizk 1 مايو 2009 في 1:52 ص  

هههههههههه

ضحكتنا

وفعلا فيه مواقف بتحرج الواحد بطريقه مش ممكن

بس بنضحك فى الآخر

منتظرين باقى الذكريات

غير معرف 1 مايو 2009 في 2:01 ص  

توبيك تحفه بصراحه فى انتظار باقى الزكريات

fnoonh 1 مايو 2009 في 2:01 ص  

امممممممممممممممممممممممممم
اممممممممممممممممممممممممم
اممممممممممممممممممممممم
امممممممممممممممممممم
هههههههههههههههههههههه
عجباني كلمة اممممممممممم البين الكلام دي
طبعا غريبة جدا انا متعودة انك ديما مواضيعك دسمة
بس حلو جدا التغيير
التجديد مطلوب ديما
وفعلا كلامك مظبوط انت عارف انا الحمدلله الحمد لله ربنا ديما بيسترها معايا في المواقف دي لاني بشيل هم الناس البتحصلها مواقف محرجة
عمري ما ضحكت لو حد اتكعبل او هدومة اتقطعت او كده
بالعكس بحاول اخلي الناس تسكت وما تضحكش الحمدلله نادرة الحجات المحرجة معايا
تقبل خالص تحياتي وتقديري



بس حبيت اسال القلم الجاف طلع بيكتب ولا لا

د. ياسر عمر عبد الفتاح 1 مايو 2009 في 2:17 ص  

هههههههههههههه
يانهار أبيض علي المواقف المحرجة
بس بجد بتبقي وحشة في وقتها بس
لكن بعد كده بتبقي لذيذة جداً جداً
يعني منساش لما انطردت من قلب المدرج
ومنساش كمان لما الدكتورة وقفتني وجابتني جنبها قداااام
وقامت هزقتني وضحكت عليا دلفعة كلها
كل دي مواقف محرجة
لكن دلوقت بقعد أحكيها وأضحك عليها

عبد من عباد الله 1 مايو 2009 في 2:57 ص  

ههههههههههههههههههههههههه

ضحكتني بجد

ياااااااه ده الواحد بيبقى ليه شويه مواقف كده فعلاً محرجه و تنرفز و صعبه بس بعد كده احنا اول ناس بنضحك عليها

koketa 1 مايو 2009 في 3:41 ص  

د/عرفة



اولا البوستات الى فاتت مكنتش تقيلة ولا رخمة ولا حاجة بالعكس كانت جميلة جدا




ثانيا ميقعش الى الشاطر تعيش وتاخد غيرها



ثالثا بقا انا ضحكت من قلبى لانى افتكرت مواقف كتير شبه دى حصلت معاية


فى موقف مثلا وانا فى ثانوى يعنى مش بعيد السنة الى فاتت
كنا فى حفلة عيد الام ودى كانت اول سنة المدرسة تعمل حفلة وكنت مشتركة فى فريق المسرحية الى هتقدمها الفرقة

واستعدادت وتدريبات على الشخصيات
كنت بعمل دور المفروض انى لابسة شئ وااسع جدا لدرجته وطول فترة التدريب متكعبلتش ولا مرة حوالى شهر بندرب كل يوم على المسرحية
ويوم عيد الام وكانت اول المدرسة والله تعمل حفلة ويعزموا فيها الامهات ومسرح المدرسة لاول مرة فى تاريخ المدرسة ينفتح وانا لسه طالع فى اول مشهد ليا وهووووووووووووب قدام كل الى قاعدين امهات على المدرسين على طلبة ومن فوق المسرح درووووووووووووووب ومن بعدها مشفتش حاجة وحستش بحاجة غير انى رجلى اتجبست شهر
وللاسف اكتر حاجة زعلتنى انى مقدمتش الشخصية والمسرحية اتلغت

حسام غانم 1 مايو 2009 في 4:18 ص  

ههههههههههه

الله عليك

هي دي المواقف ولا بلاش

بنجاواتى 1 مايو 2009 في 7:15 ص  

متفوق طول عمرك يا حبيبى

الاول ع المدرسة ومش عارف

ايه الحلاوة دى

ده انا عمرى ما خدت شهادة تقدير ولا حتى اتنده اسمى فى اى محفل من المحافل الدراسية

ثم انك تتكعبل وانت طالع تاخد الجايزة ..كان المفروض اول ما تقوم ترجع على طابورك تانى وتقولهم مش عاوز حاجة منكم

بالتوفيق يا رب دايما

Unknown 1 مايو 2009 في 9:18 ص  

السلام عليكم ورحمة الله تعالى وبركاته
(على إيه بقى نقعد نعذب نفسنا ونضايق ونتألم
علشان حاجات تافهة..وأكيد زعلنا ده مش
بيمثل حل أبدا للمشكلة)ماهى المشكلة
اننا حساسسسسسين حبة زيادة مش بخاطرنا
بقى ادينا بنحاول على قدر طاقتنا
وربنا يوفقنا .امين.

Unknown 1 مايو 2009 في 9:19 ص  

وعلى العموم ما
يقعش الا الشاطر
وانت من يومك شاطر
ربنا يحفظك دايماً

ايومي 1 مايو 2009 في 10:36 ص  

بجد ما اجمل ان الواحد يعد يفتكر حاجات عدت عليها سنوات بس ذكريات حلوه مش وحشه,
الذكريات دي بتعمله ريفريش ويعد يضحك على نفسه,
ذكرياتك محرجة بس لذيذة,
انا عن نفسي ياما حصلت معايا وبصراحة كتير كنت بضحك على نفسي مع اللي بيضحكوا معايا,
دمت في حفظ الرحمن.

المعتصم 1 مايو 2009 في 10:43 ص  

بسم الله الرحمن الرحيم
السلام عليكم ورحمة الله وبركاته
د/عرفه
تحياتى ياصديقى العزيز
هو انت كل مواقفك فى الحر !!
انت كنت فى مدرسه صيفى ولا ايه ؟؟
هههههههههههههههههه
عارف اهو علشان المواقف المحرجه دى
انا مكنتش متفوق علشان محدش يضحك عليا
ههههههههههههههههههههههههههه
ربنا يكرمك يامحمد
تحياتى ودمت بكل خير وود
والسلام عليكم ورحمة الله وبركاته

مذكرات مشاغب 1 مايو 2009 في 11:53 ص  

هههههههههههههههههههههههههههههههههههههههههه
ايه يا عم ده
قدام المدرسه كلها
كده يا محمد
بس برده المفاجئه ليها اثرها

واوعى تاني في يوم من الايام تريح رجلك

تحياتي

احمد 1 مايو 2009 في 12:23 م  

أخي د. عرفة
السلام عليكم ورحمة الله وبركاته

جميل أن نتحدث عن ذكرياتنا ونسترجع ذاك الزمن الجميل بكل ما فيه .. بطيبة الناس ببساطة الحياة .. وأنا متابع لذكرياتك وبإنتظارها .. لعلك تحفزني للكتابة عن بعض ذكرياتي .. المضحكة والمؤلمة ..
أخوك / احمد

شامخة 1 مايو 2009 في 12:45 م  

بوست تحفة جدا بجد
بس أهم حاجة حاول تقطع علاقتك باصحابك أيام إعدادي أحسن بعد كدا ييجو العيادة بتاعتك و يحكو للمرضي ذكريات الدكتور المؤلمة دي....

منتظرين باقي الذكريات

حازم النبراوي 1 مايو 2009 في 1:04 م  

هههههههه

هى الذكريات كدة وقت حدوثها ممكن تدايقنا لكن مع الوقت لمى نفتكرها بنقعد نضحك عليها

موضوعاتك دايما حلوة وانا بستمتع بزيارتى لمدونتك

تحياتى وتقديري

Unknown 1 مايو 2009 في 3:16 م  

ذكريات حلوة قوي .. ضحكتني..تسلم إيدك.

ابراهيم مطاوع 1 مايو 2009 في 9:02 م  

ذكريات جميله وفي انتظار المزيد وفعلا احلي حاجه ان الواحد يسترجع ذكريات جميله تقبل مروري

رحلتنا في الحياة 1 مايو 2009 في 11:11 م  

ههههههه بالعكس هى مش بتعكر المزاج خالص الحاجات دى بالنسبة لى المواقف المحرجة دى ذكرياتها جميلة وفى بالى دايما وبتحلى الايام كل ما نفتكرها
مستنين باقى المواقف

د/عرفه 2 مايو 2009 في 1:10 ص  

محمد عبد الباسط منور حبيبى
دايما بسعد بوجودك
تحياتى

د/عرفه 2 مايو 2009 في 1:14 ص  

اهلا بيك احمد بسيونى
منور حبيبى
والله يا احمد حتى الراجل اللى كان بيقدم قعد يتريق عليا
هههههههههههه
واكيد مش هسيبكوم من رخامتى تانى
تحياتى ليك

د/عرفه 2 مايو 2009 في 1:15 ص  

مصطفى ابو زيد
منور هندسة
فعلا الحر دايما بيسب علامات
ههههههههههههه
تحياتى

د/عرفه 2 مايو 2009 في 1:16 ص  

عاشقة الأقصى
سعيد بوجودك دكتورة
واكيد الةاحد بيحن للذكريات المضحكة دى
تحياتى ليكِ

د/عرفه 2 مايو 2009 في 1:19 ص  

غير معرف
سعيد بزيارتك الاولى جدا
ومنتظرين زياراتك دايما

د/عرفه 2 مايو 2009 في 1:20 ص  

فنونة
اهلا بيكِ
انا مستغرب التوبيك ده عن نفسى الصراحة
بس فعلا حبيت اغير
عارف ان فى ناس مش بتحب المواضيع التقبلة دى
فقولت افضفض شوية معاكم

د/عرفه 2 مايو 2009 في 1:22 ص  

د/ ياسر
منور دكترة
بس بفتكرها دلوقتى وبعد اضحك جدا
وتخيل الاخبار اتنقلت من المدرسة لقيتها وصلت المعهد
يعنى مش كفاية المدرسة بس
ههههههههههههه
تحياتى ليك

د/عرفه 2 مايو 2009 في 1:24 ص  

عبد من عباد الله
اهلا بيك
وسعيد بزيارتك الاولى
منورنا بجد
ويارب كل المواضيع تعجبك
تحياتى

د/عرفه 2 مايو 2009 في 1:27 ص  

كوكيتا
أهلا بيك ومنورة
اولا ده من ذوقك
ثانيا فعلا بتكون مواقف مضحكة بعدين
ثالثا
الحمد الله انى متكسرتش
هههههههههههه
بس موقفك فعلا كان صعب برضه
يلا خير

تحياتى ليكِ

د/عرفه 2 مايو 2009 في 1:28 ص  

حسام غانم
منورنا دكترة
ماشى يا حسام فرحان فيا ماشى
هههههههههههههه
تحياتى

د/عرفه 2 مايو 2009 في 1:30 ص  

اهلا بيك
بنجا حبيبى
كيفك دكترة
فعلا كان مفروض اقولهم مش عايز منكم حاجة بصينلى فى حتة قلم
هههههههههههههه
تسلم مصطفى

د/عرفه 2 مايو 2009 في 1:31 ص  

دكتورة نور
اهلا اهلا
دايما بنتظر تعليقك
ربنا يكرمك وميقعش الا الشاطر
ههههههههههههههه
تحياتى

د/عرفه 2 مايو 2009 في 1:34 ص  

أيومى
اهلا اهلا
بسعد بتعليقك دايما
ومنتظرين ذكرياتك
ولا مش عايزانه نضحك عليكى
هههههههههههه
تحياتى ليكِ

د/عرفه 2 مايو 2009 في 1:35 ص  

مذكرات مشاغب
اهلا بيك احمد حبيبى
منور دكتور
بينى وبينك محرمتش وكنت بريح رجلى برضه
ههههههههههههه

د/عرفه 2 مايو 2009 في 1:36 ص  

المعتصم
اهلا بيك ومنورنا دايما
هههههههههه
يظهر ان مدرستنا كانت صيفى فعلا

تحياتتى ليك

د/عرفه 2 مايو 2009 في 1:40 ص  

أحمد
اهلا بيك اخى العزيز
منتظرين ذكرياتك انت كمان
تحياتى ليك ومورنا دايما

د/عرفه 2 مايو 2009 في 1:42 ص  

دكتورة شامخة
منورانا
من زمان منورتيناش
يعنى باقى منهم اتنين كده من اصحابى واظنهم نسيوا اكيد
تحياتى ليكِ

د/عرفه 2 مايو 2009 في 1:44 ص  

حازم النبراوى
سعيد بوجودك حازم
والله انا اللى بسعد اكتر بزياراتك
تحياتى

د/عرفه 2 مايو 2009 في 1:56 ص  

حسام مصطفى
سعيد بوجودك
ومنورنا بجد
تحياتى ليك

د/عرفه 2 مايو 2009 في 1:59 ص  

ابراهيم مطاوع
اهلا بيك هيما
منورنا فى زيارتك الاولى
ومتظرينك دايما

ايومي 2 مايو 2009 في 2:02 ص  

طفولتي وذكرياتي ذكريات طفلة متشرده (:
فما اكثر المواقف في حياتي بسبب الشقاوة,
ممكن احكي بعضها فيما بعد,
لكن بعد ان نعالج الخمول الذي اصاب المعلقين في مدونتي.

د/عرفه 2 مايو 2009 في 2:02 ص  

أيوشة
أهلا بيكِ
واكيد الواحد بتذكرها بحنين جميل
تحياتى

د/عرفه 2 مايو 2009 في 2:09 ص  

أيومى
ولا يهمك بالنسبة للتعليقات ان شاء الله ترجع اكتر من الاول كمان
لان مدونتك دايما متميزة

ومنتظرين حكاوى طفولتك المتشردة


وكمان شوية هحكى ليكم حكاوى عجيبة عنى ان شاء الله

ودايما بسعد باهتمامك

ايومي 2 مايو 2009 في 2:14 ص  

جزاك الله خيرا
دي مجاملة مبالغة مدونتي ابسط من كده بكتيير,
وان شاء الله احنا في انتظار حكاويكم العجيبة (:

د/عرفه 2 مايو 2009 في 2:18 ص  

وجزاكم مثله
ايومى
لا فعلا مش مجاملة ولا حاجة
ومنورانا على طول

kalamfady 2 مايو 2009 في 2:54 ص  

هههههههههههههه فكرتنى بايام الطفوله المشرده

Kimmo Alahlaoy 2 مايو 2009 في 6:44 ص  

http://bantel7agdracula.blogspot.com/2009/05/blog-post.html


لازم نقف مع بعض ونعرفهم الا بيغلطه فيه دا اد ايييييه

غالى

فداك روحى يارسول الله

محمد سعد القويري 2 مايو 2009 في 11:08 ص  

د.عرفة

أضحك الله سنّك

صحيح ..

يجب ألا تأخذ هذه المواقف حجمًا أكبر من حجمها ..

تحياتي إلك

amany 2 مايو 2009 في 11:14 ص  

ههههههههههه .. ياااه فعلا مواقف محرجه
بس فعلا الواحد بيضحك عليها بعد كده
وعندك حق ..لاتهتم بصغائر الامور
بس محرجه برضه ..هههههههههه

وردة 2 مايو 2009 في 3:30 م  

ايوة يا دكتور
"صغائر الامور"
ده بالنسبة للهزار والمواقف الصغيرة
بس علي فكرة اي مصيبة كبيرة في الدنيا بتكون في الاساس حاجة صغيرة واهملناها
"معظم النار من مستصغر الشرر"
انا اسفة نسيت ان البوست ده ريست
نرجع تاني
المواقف اللي بتحصل ديه
كتييييير منها حصل معايا انا كمان لاء وزيادة شوية
ربنا ما يوريك مقالب البنات مع بعض
من الاخر بتبقي اخر مسخرة وضحك
ههههههههههه
بس عمرنا ما بننسي
الذكريات الحلوة
ربنا يوفقك
طولت عليك
سلام

موناليزا 2 مايو 2009 في 6:32 م  

من مواقفنا واحنا صغيرين بنتعلم حاجات كتير

ghorBty 2 مايو 2009 في 7:12 م  

ريست جميل بجد ..

وذكريات الطفوله لا تنسي كلها براءه والواحد بيتصرف فيها بعفويه ....

بارك الله فيك دكتور عرفه ..

ومنتظرين مواضيعك الثقيله لاننا بنستفاد منها بجد ...

حياتى نغم 2 مايو 2009 في 11:39 م  

السلام عليكم / أضحك الله سنك بجد أحلى ذكريات فترة المدرسة . موفق لكل خير بإذن الله .

arsenalwy 3 مايو 2009 في 10:56 ص  

ازيك يادكتور

لذيذة المواقف بس كله ضحك ضحك كده مفيش عياط خالص

حلوة اخر جملة ان احنا منهتمش بالحاجات الصغيرة اللى ممكن تغير مودنا

مدونة لذيذة يادكتور بس المشكلة انك زملكاوى

هههههه ولا يهمك كلنا اخوة

سعت بمرورى

غير معرف 3 مايو 2009 في 2:04 م  

بالتوفيق
مدونة جيدة

حماده زيدان 3 مايو 2009 في 3:07 م  

جروب جريدة الصباح العربي بيت المدّونين العربي
http://www.facebook.com/home.php#/group.php?gid=78080770039

لجين أبو الدهب 3 مايو 2009 في 8:18 م  

فعلا سبحان الله ..

أحيانا بنر فى مواقف بتكون وقتها صعبة على نفسنا ومتأثرين بيها جدا ..

ولما نفتكرها بعد سنين من مرورها نفتكرها كذكرى نبتسم عليها ومش سايبة فينا اى اثر غير الذكرى ..

د/عرفه 3 مايو 2009 في 8:33 م  

كلام فاضى
اهلا بيك دكترة
عارف انك متشرد وانت صغير
مع ان مش باين عليك
ههههههههههههههه
تسلم ابو حميد

د/عرفه 3 مايو 2009 في 8:34 م  

كريم اهلا بيك يا اهلاوى
انا
اتكلمت عن الموضوع فى مدونة الدعايا
نتمنى انك تتابعنا على طول

د/عرفه 3 مايو 2009 في 8:34 م  

محمد القويرى
اهلا بيك ابو حميد
منورنا بجد
انت وكل السعودية

د/عرفه 3 مايو 2009 في 8:35 م  

أمانى
اهلا بزيارتك الأولى عندنا فى المدونة
نتنمى انها تتكرر
تحياتى ليكِ

د/عرفه 3 مايو 2009 في 8:37 م  

وردة أهلا بيك
سعيد بزيارتك فعلا
بس انا بتكلم عن الامور البسيطة الحرجة اللى بنعد بنضايق عليها وهى مش تستاهل
مش قصدى اللى فى دماغك خالص

على العموم
تحياتى ليكِ ومنتظرينك دايما

د/عرفه 3 مايو 2009 في 8:37 م  

موناليزا
اهلا بيك
سعيد بزيارتك
وفعلا بنتعلم ونعد نضحك برضه
تحياتى

د/عرفه 3 مايو 2009 في 8:39 م  

غربتى
اهلا اهلا
دايما بننتظر تعليقك
وان شاء الله مش هسيبكم من المواضيع التقيلة
هههههههههههه
هتروحوا منى فين
ههههههههههههههه


وده من ذوقك بس
تحياتى

د/عرفه 3 مايو 2009 في 8:39 م  

حياتى نغم
اهلا بيكِ
ومنتظرينك دايما
ونسعد بتواجدك
تحياتى

د/عرفه 3 مايو 2009 في 8:46 م  

أرسنالاوى
منورنا يا برنس
انا برضه بحب الارسنال بس ملكش دعوة بالزمالك
هههههههههههههه
مستنينك على طول حبيبى

د/عرفه 3 مايو 2009 في 8:47 م  

sonnet
أهلا بيكِ دكنورة
سعيد بزيارتك ونتمنى دوام التواصل

تحياتى

د/عرفه 3 مايو 2009 في 8:48 م  

حمادة
انا اشتركت فى الجروب
ونتمنى تواصلك معانا
تحياتى

د/عرفه 3 مايو 2009 في 8:49 م  

لجين أبو الدهب
أهلا بيكِ معانا
سعيد بزيارتك
اكيد كلامك مظبوط
تحياتى

Beram ElMasry 3 مايو 2009 في 11:55 م  

ولا يحرمني منى كرمك وجميل ادبك وحلو كلامك واني لك شاكر وتكرمك بالدعاء لي
ولك تحباتي والسلام ولا سلام مع اليهود

نور الاسلام 4 مايو 2009 في 4:26 ص  

السلام عليكم

فكرتنى بمواقف كتيييييييييير حصلت ليه وانا فى المدرسه ...والجامعه ...يلا بقى ايام ..

وبعدين مواضيع حضرتك عمرها ما كانت تقيله بالعكس ..احنا بنستفيد منها .جعلها الله فى ميزان حسناتك.

وجزاكم الله خيرا ....

۩ Nour ۩ 4 مايو 2009 في 6:40 م  

السلام عليكم
فى البداية مبارك على القلم ومركز الاوائل .. وموقف المعهد.." وعلى فكرة تواضع منك ما ذكرته بس المواقف التى تم ذكرها تعد ربما تتشابه..
تعرضت لموقف الجوائر فى الاعدادية والحمد لله لم اتعثر فى الطريق ولكن الكارثة ان تتحدث على الملا ولم تمتلك حرف واحد وتظل فى صمت مطبق وكل المدرسة بتشجع والنتجه صفر ..
أما المعهد فى ظل ازمة الامتحانات والهدوء التام والشرح المتفانى من جانب المدرس وأنت تريد ان تعطس وتظل تكتم انفاسك فالهدوء قاتل والجميع ينصت بكل حواسه..وتظل فى ذلك الشجار والكتم الى ان تشعر بسخنيه مرتفعه ويكاد قلبك ان يتوقف والمشكله الكبرى انك تحاول الاستسلام للعطس لكن ترفض الخروج يعنى عذاب بكل الالوان !!
مواقف مضحكه ولكن بعد التعلم منها..دمت بخير

خديجة عبدالله 4 مايو 2009 في 8:01 م  

:) جميلة أضحك الله سنك
فعلا المواقف المحرجة رائعة فعلا :) أنا برده وانا فى ابتدائى واعدادى وثانوى وجامعة كمان كان كتيير الناس بتضحك عليا مووووت :)
أبسطها فى الاذاعة المدرسية وغيره وغيره دى ضريبة النشاط :)
حلو الريست وحلو ما قبله وربنا يتقبل من حضرتك ودمت بخير

Unknown 4 مايو 2009 في 8:04 م  

ياسيدي كلنا هذا الرجل المتكعبل
أضحكتنا ايضا

ويبقى التواصل

عبدالمنعم_dent. 4 مايو 2009 في 9:14 م  

ضحكتنى بجد يا محمد..بس اوعى تقع ف حفلة التخرج وانت لابس البالطو الكبيررر

د/عرفه 5 مايو 2009 في 2:17 ص  

استاذ بيرم
اهلا اهلا
بجد انا بحبك جدا جدا
يكفى انى لما بسمع صوتك بفتكر جدو

وبجد بعد اسمع كلامك كتير اوى اوى
ربنا يحفظك
ومنورنا دايما

د/عرفه 5 مايو 2009 في 2:18 ص  

نور الاسلام
اهلا بيكِ
فعلا بتكون مواقف جميلة اوى
تحياتى ليكِ

د/عرفه 5 مايو 2009 في 2:24 ص  

نور اهلا بزيارتك
مش عارف لما بشوف تعليقك
بكون مش عارف ارد عليه
هههههههههههه
المهم تعليقك بيسعدنا دايما

د/عرفه 5 مايو 2009 في 2:26 ص  

خديجة أهلا بيك
من زمان منورتناش بتعليقك
واهلا بيكِ على طول
ويارب كل المواضيع تعجبك
تحياتى

د/عرفه 5 مايو 2009 في 2:27 ص  

استاذ معتز
بسعد بوجودك فعلا استاذ معتز
ومتحرمناش من زياراتك الجميلة
تحياتى

د/عرفه 5 مايو 2009 في 2:27 ص  

عبد المنعم
اهلا بيك دكترة
منورنا فعلا حبيبى
وياريت تنورنا كده على طول
تحياتى ليك

Hosam Yahia حسام يحيى 5 مايو 2009 في 12:12 م  

هههههههههههه

تمامٌٌ جداا

محبة الرحمن 7 مايو 2009 في 12:04 ص  

ياة فكرتونا بالذى مضى

ايام الثانوى ديه افتكر انى حصل معايا موقف مشابه

بس كنت داخله فى حوالى اربع مسابقات

وكلهم اخدت فيهم المركز الاول

وكذلك كان ليه تكريم تبع المتفوقين

المهم يوميها كنت فى اخر الصف برده

وكل شويه اطلع اخد جايزة واخل الصف تانى

طبعا كنت فى نص هدومى

ده غير ان كل المدرسه كانت مستغربه

وكل مدرس كان بيدخل فصلنا فى اليوم ده كان يتكلم عنى

والعيال قعدوا يقروا

وبرده الهدايا نصها كان قلام

والتانى ساعات صغيرة

وشهادات تقدير

بس كان يوم

الحمد لله انه عدى على خير

جزاكم الله خيرا

موضوع مميز كالعاده

ابو صهيب ( الجمعاوي الاصيل)سابقاً 7 مايو 2009 في 11:24 ص  

السلام عليكم ورحمة الله وبركاته

فعلاً اكتر فترة الواحد ليه فيها ذكريات تضحك هي فترة الاعدادي والابتادائي الى ان اتذكر الكثير من هذه المواقف

وعجتني اوي كلمةلا تهتم بصغائر الأمور

عندك حق

د/عرفه 8 مايو 2009 في 1:05 ص  

أهلا حسام
منورنا

وشد حيلك امتحاناتك قربت
عايز نسمع عنك خيرا

د/عرفه 8 مايو 2009 في 1:06 ص  

محبة الرحمن
منورة المدونة
موقفك ظريف فعلا
بس مش محرج زيى كده
ههههههههههه
ذكريات جميلة
منورة المدونة

د/عرفه 8 مايو 2009 في 1:07 ص  

أبو صهيب
اهلا اهلا
ويا مرحب بزيارتك الأولى
ويارب دايما تنورنا كده

إرسال تعليق