انا بحتفل!!!!


أولا انا لا حب الإختلافات
ولا أدعى الفتوى
ولكن لدى وجهة نظر
من فترة كده كانوا بيحتفلوا بعيد الحب
والنهارده ذكرى المولد النبوى
وبعد أسبوعين كده عيد الأم
وبعد كمان عيد شم النسيم
وتجد أن لكل مناسبة طقوس خاصه
وتجد العالم من حولك منقسم منهم من هو ملتزم تماما بتلك الطقوس
ومنهم من يتعصب لتحريم الإحتفال

وبنظره متأمله لما يمارس فى تلك الإحتفالات
ستجد انه شىء من ثلاث
إما أنه مناسب تماما مع الدين ومع الإسلام مثل تذكر سنه الحبيب المصطفى فى ذكرى مولده ومثل شراء هديه للوالده فى عيد الأم
أو
او شراء هديه للزوجه فى عيد الحب

او أن ما يمارس مخالف تماما للدين والشرع
مثل الخروج فى الزحام والإختلاط ومثل المواكب التى تسير فى الشوارع والتى لاهدف منها ومثل الذهاب الى الأضرحه وما شابه

فى ذكرى المولد
ومثل شراء هدايا لحبيبته والخروج معها وهما غير مرتبطان بارتباط شرعى بعد فى عيد الحب
ومثل الأزذحام المبالغ فيه ايام شم النسيم وما يتبع ذلك من مشاكل


أو أن ما يمارس لم يحرمه الدين وليس له علاق مباشره بالدين

مثل أكل حلاوه المولد فى ذكرى المولد أو أكل الفسيخ وما شابه فى شم النسيم

بعد كل هذا السرد ما هو رأيى فى هذا الأمر إذن؟؟؟
أظن أن الرسول كان قد حدد لنا أنه للمسلمين عيدان فقط هما ما يجوز الإحتفال بهما وهما عيد الفطر وعيد الأضحى
وكان من عادته صلى الله عليه وسلم أنه كان يخالف الكفار واليهود فى أعيادهم
إذن لا يجوز الإحتفال بشكل مباشر بأى من تلك الأعياد
وبما إن معظم الأطباء عمليين
إذن انا بستغل فرصه تلك الأعياد وبحاول أحتفل بها بطريقتى الخاصه
فأى شىء بجده مناسب مع الدين لا مانع منه بل إنه محبب مع تغيير النية وهو عدم الإحتفال ولكن من باب استغلال المناسبة والحديث الإعلامى فقط
يعنى مثلا
لا مانع من شراء هديه للأم فى عيد الأم ولكن ليس بنيه الإحتفال ولكن بنيه برها وإتباع أوامر الله ورسوله وإمعانا فى ذلك هو عدم شراء الهديه فى نفس اليوم الذى يحتفلون فيه ممكن قبلها بقليل
وهكذا لا مانع من تذكر ذكرى النبى ا اليوم مثلابل إنه شىء محبب
وأظن أنه لا مانع كذلك من تناول الحلوى أو ما شابه
ولكن ليس بنيه الإحتفال كذلك ولكن لإنها تكون متوفره وفى حاله جيدة فقط
بقى شىء واحد وهو البعد كل البعد عن كل ما يخالف الشرع فى تلك الأعياد
لأن المعصيه هنا لسببين
لأن هذا الأمر معصيه فى حد ذاته
ومعصيه الإحتفال كذلك
يارب تكون وجهة نظرى قد وضحت إليكم
وياريت تعرفونى وجهة نظركم كذلك فى هذا الأمر

43 رأيك يهمنا:

Abd-Allah ibn Aadam 9 مارس 2009 في 9:42 ص  

السلام عليكم

جزاك الله خيرا على الكلام الموزون فعلا يا دكتور ,

فعلا الواحد لازي يستغل المناسبات دي في اتجاهين ,

أولا إنه يقاطعها و لا يخرج فيها كي لا يكثر سواد البدعة و يحتسب ذلك عند الله ,

و الثاني أن يتفوق عليهم فيما يدعونه من حب للرسول في مولده بأن يتبع سنته في كل يوم و ليس بالطريقة التي يفعلون في اليوم المحدد فقط ,
و كذا الحال بالنسبة لعيد الأم , أن لا يُقصر احتفاله على هدية في يوم معين و السلام ,
بل تكون هديته أن يبر أمه في كل يوم ,

و بهذا يتحقق له ما لم يتحقق لهم من اتباع السنة و م خالفة البدعة و ايضا من تفوقه عليهم في الأعمال التي يزعمون أنهم خصصوا هذا الأيام لها ,

جزاك الله خيرا يا دكتور ,

تحيتي :)

salma mohamed 9 مارس 2009 في 10:14 ص  

كلام حلو,
وكلامي يتفق مع كلام ابراهيم,
لكن انا شايفة اننا مفروض نحاول نخالف اللي بيحصل في المناسبات دي قدر الاستطاعه,
يعني الهدية في عيد الام لا في يومها ولا قبلها بشوية ولا بعدها بشوية,
انا واختي كنا مثلا بنجيب هدية لماما الله يرحمها في العيد الصغير او الكبير,او اي يوم في السنه من غير مناسبة,
وحلويات المولد موجودة طول السنة وفي اماكن بتكون النوعية اللي فيها كويسة طول السنه,
وهكذا,يعني نبعد عن الحاجات المرتبطة بالمناسبات دي في وقتها,ونعملها في اي وقت تاني.

غير معرف 9 مارس 2009 في 10:55 ص  

بسم الله
موضوع جميل وعجبنى بجد وجهه نظرك فيه وطريقه تعاملك معاه

بالنسبه ليا انا كمان بحاول اتجنب اللى مشكوك فى امره فى ديننا على قد ما اعرف
بالنسبه لعيد الحب مش بحتفل بيه اوى بس ممكن اخرج مع اصحابى ونتفسح لو فاضيين وخلاص ماهو بنحب بعض بردو :)

عيد الام بحاول ابسط ماما فيه شويه وممكن ورده يومها
هى تستاهل كل الايام عيد ليها
بس مش بعتبر احتفال على قد ما تذكره ليا

اخيرا بقى ذكرى مولد الرسول صلى الله عليه وسلم
زماااااااااااااان كنت بقعد اتفرج على الافلام واعيط طبعا واكل حلاوه المولد

لكن لما كبرت يعنى بحاول اعمل حاجه كويسه فى اليوم ده بردو كتذكره ليا
ممكن مثلا نصلى على الرسول صلى الله عليه وسلم كتير
ممكن نصوم زى مانت عملت
ممكن نسمع حلقات عن السيره او نقرا كتاب
تذكره بردو لينا قد ايه بنحب الرسول صلى الله عليه وسلم ومقصرين فى حق الحب ده

معلش طولت
دينا

إيمان 9 مارس 2009 في 12:22 م  

يا سلام عليك
أنا شخصيا بعمل كده طول عمرى
لا أحتفل إلا بعيد الفطر والعيد الأضحى
لكن إذا كان هناك مناسبه فيها شئ من سلوك الإسلام
زى ما ذكرت..بحاول أستغلها دون إحتفال وغالبا بيكون فى يوم غير المتعارف عليه
أنا متفقه معاك تماما فى هذا الرأى
تحياتى ليك ولرأيك

fnoonh 9 مارس 2009 في 12:55 م  

انا من وجهة نظري يادكتور عرفه
انه اتقاء للشبهة ممكن نشتري لماما هدية بس بلاش في نفس اليوم ممكن ناكل حلويات بس بردو بلاش في نفس اليوم البيحتفلوا بيه بالمولد النبوي

بس اتقاء للشبهه

مش ناكل ونقول نيتنا مش احتفال

او نهدي امنا ونقول مش نيتي احتفل بعيد الام

دا من وجهة نظري

تقبل خالص تحياتي

د.عصماء 9 مارس 2009 في 2:19 م  

جزاك الله خيراعلى توضيح الحكم الشرعى كتير من الناس بيقولواعلى اللى بيقول زيك كده انه متفزلك او متشدد.ولو رأى الرسول ان فى ذلك زيادة بر كان أمر به(عليكم بسنتى وسنة الخلفاء المهديين من بعدى عضواعليهابالنواجذ)اللهم ارزقناجميعااتباع سنته.

المعتصم 9 مارس 2009 في 2:24 م  

بسم الله الرحمن الرحيم
السلام عليكم ورحمة الله وبركاته
د/عرفه
صديقى العزيز(مش اللدود اهه)
تحياتى
ايه العقل ده
بجد كلامك جميل وهو اللى المفروض نعمله يعنى مش نمشى ورا الاحتفالات وخلاص كده
عارف بقى
انا عملت زى ماانت قلت كده من فترة
يعنى اول الشهر والعمليه كانت متظبطه والميزانيه كانت لسه ماخرمتش اشتريت هديه لخالتك ام محمد
وقبل اصلا شهر ربيع ماييجى اول ماالجماعه بتوع الحلاوة ابتدوا ينصبوا اشتريت الحلاوة واكلتها كمان هههههههههههههههههههه
اما بخصوص مدونة الدكتورة ايه
فانا مش عارف ايه اللى فى دماغك
بس هو يعنى السبب اكيد اكيد انها زمالكويه زيك
ههههههههههههههههههههههههههههههههههههههه
تحياتى يادكترة
وكل سنه وانت طيب
تحياتى ودمت بكل خير وود
والسلام عليكم ورحمة الله وبركاته

محمد عبد الباسط 9 مارس 2009 في 3:27 م  

كلام تقيل
احسن حاجه ارد بيها فعلا
اللهم صلى وسلم وزد وبارك على محمد وعلى اله وصحبه وسلم

اسالكم الدعاء

حلم كبير

Unknown 9 مارس 2009 في 3:50 م  

السلام عليكم ورحمة الله تعالى وبركاته
اولا كل لحظة وانت والاسرة بالف خير يادكتور عرفة
وثانيا حكاية الخروج فى الايام الزحمة والمزدحمة دى
مرفض شكلا وموضوعاً ومن زمان والله مش من النهاردة
بس فيه حاجات مينفش فيها الاحتفال او شراءالحلوى
الخاصة بها بعدين !(لو قبل الاحتفال حتبقى من بواقى العام الماضى )ولو بعد الاحتفال حتبقى
بايتة و(المنقوض بردون والباير كمان) هو
اللى متفضل فى المحلات ...يرضيك ناكل حلاوة
باااااااااااااااااااااااااااااايتة:(

د.آيه 9 مارس 2009 في 3:50 م  

بسم الله الرحمن الرحيم
حلو يا محمد كلامك ..
و أنا متفقه معاك .. بس عايزة أضيف حاجه..
إن المفروض منقولش علي المناسبات اللي ذكرتها دي أعياد..
نقول يوم ..
اللهم صلى وسلم وزد وبارك على محمد وعلى اله وصحبه وسلم

د/عرفه 9 مارس 2009 في 4:32 م  

سلام عليكم
انا عندى تعليق
زيكم بالظبط
قال رَسُولُ اللَّهِ صَلَّى اللَّهُ عَلَيْهِ وَسَلَّمَ مَنْ سَنَّ فِي الإِسْلامِ سُنَّةً حَسَنَةً فَعُمِلَ بِهَا بَعْدَهُ كُتِبَ لَهُ مِثْلُ أَجْرِ مَنْ عَمِلَ بِهَا وَلا يَنْقُصُ مِنْ أُجُورِهِمْ شَيْءٌ وَمَنْ سَنَّ فِي الإِسْلامِ سُنَّةً سَيِّئَةً فَعُمِلَ بِهَا بَعْدَهُ كُتِبَ عَلَيْهِ مِثْلُ وِزْرِ مَنْ عَمِلَ بِهَا وَلا يَنْقُصُ مِنْ أَوْزَارِهِمْ شَيْءٌ ." رواه مسلم


يعنى لا ضير من اعاده إحياء اى سنه حسنه تم إحيائها
بشرط أن يكون العمل متناسب مع السنة


ويقول أيضا
كلّ محدثة بدعة وكلّ بدعة ضلالة وكل ضلالة في النار "

ويقول رَسُولُ اللَّهِ صَلَّى اللَّهُ عَلَيْهِ وَسَلَّمَ" مَنْ أَحْدَثَ فِي أَمْرِنَا هَذَا مَا لَيْسَ فِيهِ فَهُوَ رَدٌّ . "

والبدعه طريقة مخترعة في الدّين يُقصد بها التعبّد والتقرب إلى الله تعالى .
وأنّ المبتدع الذي يضيف إلى الدّين ما ليس منه

أظت يا جماعه كلام الرسول واضح أوى
يعنى ما يمكن عمله فى تلك المناسبات ماهو من اصل السنه
ولا يخرج عنه
ارد عليكم بقى واحد واحد

ghorBty 9 مارس 2009 في 4:38 م  

السلام عليكم

لن اطيل فقط سأقول

"اتبعوا ولا تبتدعوا فقد كُفِيتم"

و

وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانتَهُوا.

و

قول الله عز وجل ( اليوم أكملت لكم دينكم وأتممت عليكم نعمتي ورضيت لكم الاسلام دينا )

قد اكتمل الدين بكل ما جاء به الرسول عليه الصلاه والسلام اذن لا نحتاج ان نستعين بأي شئ سوا ما قاله لنا وفقط حتي لو كان مجرد احتفال ما يمارس فيه مجرد طقوس وعادات فالاولي الاتباع وليس الابتداع

والسلام عليكم

د/عرفه 9 مارس 2009 في 4:39 م  

كلامك مظبوط اوى ياهندسه
وتشرفنا دايما يا ابراهيم






سلمى محمد
بتسعدينا دايما
وبعدين انا مش قد الاطراء اللى انتِ ذكرتيه من قبل
وانا مجرد بكتب شويه كلام فى دماغى
بس عندى اعتراض بسيط بس
أظن انه لا مانع حتى من شراء تلك الهدايا مع تغيير النيه وهو احياء سنه للنبى
واظن كذلك لا مانع من تناول الحلوى
مع تغيير النيه وهو عدم الاحتفال
واظن انه مثلما ذكرت دكتوره نور ان الحلوى بتكون فقط فى اجود حالتها فى هذا الوقت فقط
واظن انى وضحت السبب فى اول تعليق ليا
وتنورينا دايما

د/عرفه 9 مارس 2009 في 4:45 م  

دكتوره دينا اهلا بيكِ
وبيسعدنا دايما تعليقك
كلامك مظبوط طبعا
وهو ان احنا نتبع فقط ما هو متفق مع الدين






ايمان
اهلا بيكِ
ويا سلاااااام
كويس إنك متفقه معايا
يارب نشوف تعليقك ورايك معانا على طول

د/عرفه 9 مارس 2009 في 4:59 م  

أفنان يا مرحب بيكِ

بس أظن انه لا مانع من إن الواحد يعيد فعل شىء حسن ومن السنه
او حتى يحتفل باليوم بطريقه خاصه مناسبه للسنه
من منطلق الحديث اللى ذكرته فى اول تعليق خالص ليا
وشكرا ليكِ ولإهتمامك
ومنتظرين مشاركاتك معانا على طول







اهلا بيك صديقى المعتصم
مرحب بيك دايما
ولينك القصه موجود فى التعليق هناك علشان متزعلش بس
وبعدين آيه ملهاش فى الكوره أوى
وكل سنه وانت طيب

د/عرفه 9 مارس 2009 في 5:02 م  

أهلا بيكِ
دكتوره عصماء
تحيه خاصه ليكِ ولمدونتك الجديدة
وإن شاء الله هنعلن عنها هناك فى مدونه الدعايا
وكلامك مظبوط طبعا
ومنتظرين تواصلك معانا على طول

د/عرفه 9 مارس 2009 في 5:10 م  

محمد عبد الباسط
حبيبى مرحب بيكِ
ومنورنا على طول يا عبد الباسط
واللهم صلى على سيدنا محمد عليه الصلاه والسلام
وربنا يكرمك دكتور





دكتوره نور
كل سنه وانتى طيبه
منوره المدونه حتى انا طافى نور الأوضه عندى اهو
كلامك مظبوط تماما
انا عن نفسى كييف حلاوه
وعارف ان ده الموسم اللى بتكون فيه صابحه
فاهم حاجه ان مفيش فى نيتى اى احتفال






اهلا آيه
معاكى طبعا
دى مش أعياد
ممكن تكون مناسبات
وخالى بالك من المذاكره سيبك من المدونات شويه
ههههههههههههه

د/عرفه 9 مارس 2009 في 5:12 م  

غربتى
مرحب بيكِ
شكرا لإهتمامك
بالمدونات بتاعتى
ويارب دايما تشاركينا
وطبعا علينا أن نتجنب كل ما هو مخالف للشرع
وجزاكم الله خيرا

عربي نيوز 9 مارس 2009 في 8:20 م  

السلام عليكم

أخي د.عرفة ذكرى ميلاد النبي هي لحظــة نعيشها لحظة بلحظة ..واليوم ليس احتفال بذكرى ميلاده فقط..
كما هو عيد الأم ليس يوم واحد مخصص فقط للأم . فالأم لها الأيام كلها ..

بارك الله فيك أخي ودمت بخير..


لا تنسوا اخوانكم في غــزة من دعائكم

||..بحــر الدموع..||

حسام غانم 9 مارس 2009 في 9:17 م  

أنا متفق معاك

أنا كمان مش بحب الاحتفالات

ومش بحتفل غير بعيد الفطر وعيد الأضحى

الباقي بيبقى عادي زي أي يوم



احم .. أول سطر .. الاختلافات ؟

موناليزا 10 مارس 2009 في 12:05 ص  

متفقة معاك جدا

مذكرات مشاغب 10 مارس 2009 في 1:54 ص  

لا انا اتفق معاك كليا في الموضوع ده فعلا
احنا ممكن ناخد الكويس من الاحتفالات دي
حتى اكل الحلاوه مترتبطش بوقت معين
انا عن نفسي باكلها طول السنه
صحيح بتبقى كتير في المولد النبوي
بس انا بكلها علطول وغير مرتبط بموسم
كذلك برده عيد الام
المفروض تكريم الام ميكونش في ميعاد معين في السنه
ممكن يكون في اي وقت
وياريت يكون علطول

تحياتي

د/عرفه 10 مارس 2009 في 1:27 م  

بحر الدموع
أهلا بيك أخى
وربنا يكرمك أخى وفعلا لازم نعيش بذكرى الرسول فى قلوبنا دايما





حسام غانم
أهلا بيك دكتور
الحمد الله متفقين المره دى
هههههههههههه

د/عرفه 10 مارس 2009 في 1:29 م  

موناليزا
شكرا لمرورك
ونتمنى دوام التواصل معاكِ



أخى المشاغب أحمد
أهلا بيك والحمد الله متفقين المره دى
ويسعدنا تعليقك معانا على طول
شكرا دكتره

نبض الحياة 11 مارس 2009 في 12:22 م  

اخى الفاضل
وجهة نظر صائبة تماما فكل ما يخالف الشرع مرفوض ولا احد يستطيع ان يقول غير ذلك .
وياريت الاحتفال يجى ع الهدايا وبس لكن فى مناسبة مثل المولد النبوى الشريف هناك من يخرجون الى الشوارع كما ذكرت ويقومون بأفعال هى مخالفة للاسلام وهذا شىء يظهرنا بمظهر سىء
اما عن الأعياد الأخرى فان كانت بالهدايا التى تؤلف بين القلوب ولا تخالف الشرع فلا بأس بها فقد قال الرسول صلوات الله وسلامه عليه تهادوا تحابوا.
والله اعلم
انا لا افتى وقولى هذا من وجهة نظرى .
اللهم انا نعوذ بك من ان نشرك بك شيئا نعلمه ونستغفرك لما لا نعلمه .
تقبل مرورى
تحياتى

zainab 11 مارس 2009 في 1:54 م  

أخى د/ عرفه

جزاك الله خيرا

تحياتى

غير معرف 11 مارس 2009 في 10:48 م  

جزاك الله خيرا د/عرفه وانا متفق معك تماما فالنيه شىء مهم جدا فى حياتنا فبها تستطيع تغيير العاده الى عباده
وفى حديث النبى صلى الله عليه وسلم (انما الاعمال بالنيات............)الى اخر الحديث
يقول العلماء ان هذا الحديث يعدل نصف الدين فهذا يدل على مدى اهمية النيه فى افعالنا واقوالنا اسأل ان يتقبل اعمالنا لخالص وجهه الكريم

د/عرفه 11 مارس 2009 في 11:27 م  

نبض الحياه
يا مرحب بيكِ
شرفتينا
وانا معاكى طالما ان ما نمارس متوافق مع الشرع فلا مانع منه
اعلم ان هناك من يعارض ذلك
بس اعلم ان بعض تلك الاعياد فرصه لإحياء وسيله جيده من البر
والتهادى
جزاكِ الله خيرا

د/عرفه 11 مارس 2009 في 11:27 م  

الأخت زينب
مرحب بيكِ
وجزاكم مثله
ومنتظرين زيارتك على طول

د/عرفه 11 مارس 2009 في 11:29 م  

حياتى الله
شكرا لزيارتك الأولى فتحيه لك
وطبعا اهم شىء النيه فى العمل
تشرفنا بيك أخى
ومنتظرينك معانا على طول

حازم النبراوي 12 مارس 2009 في 11:31 ص  

فعلا انا معاك 100% ربنا يوفقك وتمتعنا دوما بمواضيعك الشيقة

حازم النبراوي 12 مارس 2009 في 11:33 ص  

اتمنى انك تسمح لة اذيع من مواضيعك على مدونتى راديو العرب الحر http://arabfreeradio.blogspot.com
(حازم النبراوي)

غير معرف 12 مارس 2009 في 2:20 م  

أخي د. عرفة
السلام عليكم ورحمة الله وبركاته
بارك الله فيك .. وجهة نظرك وصلت ..
واتفق معك في أنه يجب أن نكون متبعين لسنة
المصطفى صلى الله عليه وسلم .. وكذلك الاحتفال
بطريقتك الخاصة .. جعل الله أيامك كلها احتفالات
وبر وحب وإحياء لسنة المصطفى.
أخوك / أحمد

حياتى نغم 12 مارس 2009 في 3:52 م  

السلام عليكم / دكتور عرفه أشكرك على مرورك الكريم ، واسمح لى أن أقول وجهة نظرى أنا معك فى أن نحتفل بما لا يخالف الشرع من أعمال لا تليق وتظهرنا بصورة سيئة ، ولكن ذكرى مولد الرسول صلى الله عليه وسلم لا يصنف مع ما ذكرت من الأعياد إنه ليس عيداً فقط إنه نعمة عظيمة إحتفل العالم بها بأحداث جلل حين مولده صلى الله عليه وسلم فانطفأت نار المجوس وكسرت شرفات كسرى ورمى الملائكة الجن بالشهب حينما كانوا يحاولون الصعود إلى السماء ليسترقوا السمع وخرج من السيدة آمنه نور أضاء ما بين المشرق والمغرب و.......
لذلك لابد ألا يمر كأى يوم من وجهة نظرى ولكن لنحتفل به بما يليق بذات النبى من ذكر وقراءة قرآن وصلة رحم وغير ذلك مما يحيى سنته فى النفوس صلى الله عليه وسلم .
أشكرك على طرحك الرائع .

Ophelia - cfd 12 مارس 2009 في 5:53 م  

متفقه مع حضرتك جداً

ما شاء الله المدونه جميله

:)

د/عرفه 12 مارس 2009 في 6:49 م  

اهلا بيك يا نبراوى
والله انا يسعدنى ذلك
وبجد فكره مدونتك جديده وجميله اوى
ويارب تكون عجبتك الدعايا
وان شاء الله
نتواصل مع بعض دايما

د/عرفه 12 مارس 2009 في 6:51 م  

أحمد أهلا بيك ويا مرحب
فى اول زياره ليك عندنا
نتمنى تشرفنا على طول
تقبل تحياتى

د/عرفه 12 مارس 2009 في 6:56 م  

حياتى نغم
يا مرحب بيكِ فى اول زياره عندنا فى المدونه
وفعلا كلامك مظبوط ان ميلاد الرسول ده حدث عظيم
لازم نحتفل بيه وفقا للسنه وكما يليق
وان شاء الله مدونتك هتكون ضمن قائمه المدونات عندنا
فى مدونه الاعلانات
علشان مدونتك حلوه وفيها حاجات قيمه

د/عرفه 12 مارس 2009 في 6:57 م  

زهره الأمل
شكرا لزيارتك
ونورتينا
ومنتظرين رايك دايما
وتحيه خاصه لزيارتك الاولى

kalamfady 12 مارس 2009 في 8:58 م  

احسن حاجه اننا بناخد اجازة

د/عرفه 13 مارس 2009 في 12:28 ص  

الناس بتسال عليك يا محمد
اهلا بيك بع الغيبه الطويله دى
منتظرين كلامك تانى
وبعدين رغم الاجازه كنت غايب برضه

خيرا ان شاء الله
ومتغيبش علينا بعد كده

hasona 13 مارس 2009 في 12:37 ص  

السلام عليكم
نعم
صحح نيتك دائما في الافعال

انما الاعمال بالنيات ولكل امرء ما نوي

وتذكر أن النية الصالحة لا تصلح العمل الفاسد وأن النية الفاسدة تفسد العمل الصالح

انا متفق معك في قولك أن تعمل شئ لم يرحمه الله وتصلح في النية فقط لله

تحياتي

د/عرفه 13 مارس 2009 في 9:05 ص  

أهلا بيك حسونه
أسعدنا تعليقك جدا
ومرحب بيك فى زيارتك الأولى
ومنتظرينك معانا على طول
ومتحرمناش من مشاركاتك معانا

إرسال تعليق