أعلن معانا


كنت ناوى أنزل موضوع تقيل شويه بس قولت كمان يومين وأعملكم شويه راحه من المواضيع التقيله
انا بقالى فتره صغيره فى مجال التدوين
ولقيت مشكله قابلتنى وهو متابعه مواضيع أصحابى الجديدة وبعدين قولت أحطهم فى قائمه المدونات عندى وأقدر أتابعهم بسهوله
وفعلا قدرت أتابعهم بسهوله
بس المشكله فى المدونات اللى مش عندى فى القائمه وفى مواضيع بتوه منى ومش بقدر أتابع كل المدونات
ولما بتابع أحيانا بفتح نفس الموضوع كذا مره
فجاتلى إفتكاسه كده وحسيت إنها ممكن تكون مناسبه طالما أنه ممكن أعمل مدونه بسهوله فقولت أعمل مدونه مخصوصه للدعايا وأعلن فيها مدونات أصحابى وتكون مترتبه من الأحدث للأقدم ونقدر نتابع المواضيع الجديده بسهوله فبدأت بالإعلان عن مدونات أصحابى والمدونات اللى انا بتابعها وأعذرونى لو فى مدونه تاهت منى
على العموم الموضوع مفتوح واللى عايز يعلن عن مدونته ممكن يعلن معانا على المدونه الجديده اللى أنا عملتها
والمواضيع الجديده اللى هتكون على المدونه دى إن شاء الله هتكون برضه دعايا للمواضيع اللى تعجبنى وأحسن إنها جامده وتقيله هرشحها للناس على أنهم يقروها
انا مستنى اقتراحتكم للمدونه الجديده دى
ومستنى اى حد منكم عايز يعلن عن مدونته معانا
بس فى النهايه انا مش مسئول عن المواضيع كل مدونه مسئوله عن اللى بيتكتب فيها
وعلى العموم المدونه اللى أنا أحس إنها مش مناسبه هشيلها إن شاء الله وبرضه اللى هتعجبنى هحطها حتى لو مأعلنتش معانا
وجزاكم الله خيرا وفى إنتظار إقتراحتكم

المدونه الجديده
هنا

22 رأيك يهمنا:

د/عرفه 18 فبراير 2009 في 9:48 م  

اسمحولى أشيل قائمه المدونات اللى موجوده هنا
واتنقلت بالتبعيه للمدونه الجديده
وجزاكم الله خيرا

غير معرف 18 فبراير 2009 في 10:42 م  

طب والله العظيم فكره جامده

مذكرات مشاغب 18 فبراير 2009 في 10:50 م  

يا واد يا جامد
لا حلوه الفكره وجديده
وياريت بس تنجح
بس اوعي بعد ما تنجح تطلب مننا فلوس مقابل الاعلانات
مبروك علينا المدونه الجديده
ومبروك عليه انا بالذات لاني اكيد هبقى احسن موضوع علطول
شوفت الغرور(وش بيغمز)

تحياتي

wesoooooooooo 18 فبراير 2009 في 11:05 م  

ايه الأفكار الجامده دى ؟
بس هو انا اسمى مكتوب؟

شامخة 19 فبراير 2009 في 12:24 ص  

فكرة رائعة يا دكتور
ربنا يوفقك

أحمد سعيد بسيوني 19 فبراير 2009 في 12:56 ص  

يا افكارك يا سيدي

ربنا يسهلك

salma mohamed 19 فبراير 2009 في 1:52 ص  

جميله اوي الفكرة دي,
بس يارب تنجح.

Ramy Seada 19 فبراير 2009 في 11:18 ص  

حلوة ياعرفة .. دماغك شغالة

المعتصم 19 فبراير 2009 في 4:10 م  

بسم الله الرحمن الرحيم
السلام عليكم ورحمة الله وبركاته
د/ عرفه
تحياتى
اولا مبروك المدونة الجميله (الجديده)
وطبعا الفكرة هايله وجامده وحلوة خالص وهتساعدنا كتيييييير فعلا اننا نتابع الجديد بسهوله اكتر
ربنا يجزيك كل خير على الفكره الحلوة دى
انما تعالى هنا يابيه
فين التعليق بتاعى على موضوع ممكن اختلف معاك ؟؟؟؟
انا كتبت التعليق مرتين ومش ظاهر عندك
كده انا هبتدى افكر فى نظرية المؤامرة وانه فيه ايدى خفية ورا الموضوع ده
وطبعا لازم نتصرف ونضرب على الايدى دى بالحديد
بس انا خايف ان الجماعه بتوع المؤامرة دول يكونو تبع المشجعين اصحابك كده هنقع فى بعض وتبقى حرب بين الاحمر والابيض
راجع نفسك يادكترة وبلاش تشعللها ادينى بقولك اهه
ههههههههههههههههههههههههههههههههههههههههههه
اما موضوع صناع الحياة فمعلش مش هعلق عليه متعمد لحاجة فى نفس يعقوب
بس على فكرة نظام التعليقات عندك صعب شويه بجد يعنى انا مش بعرف اكتب اسم الحساب الا بعد اما اعمل دخول من اى حتة تانيه وبعدين ارجع عندك شوفلك حل للموضوع ده(صعايده بقى هتقول ايه)
تقبل تحياتى
ودمت بكل خير وود
وجزاك الله الخير الكثير على افكارك الجميلة
والسلام عليكم ورحمة الله وبركاته

د/عرفه 19 فبراير 2009 في 5:42 م  

اولا برحب بكل الناس اللى شجعت الفكره
وهى مش هتنجح ألا بيكم
برحب بأحمد المشاغب
وبوسام
بشامخه
وبأحمد سعيد
وبسلمى محمد
وبرامى سعده
ومنتظر دايما أقتراحاتكم

د/عرفه 19 فبراير 2009 في 5:52 م  

اهلا بيك أخى المعتصم
انا مقدرش على زعلك والله
بصراحه معرفش المشكله دى من ايه
بس انا على العموم انا عمرى مشيلت تعليق حد
باستثناء تعليق كده من زمان بتاع واحد صاحبى اوى كان بيغلس عليا بس
المهم اتأكد بعد كتابه التعليق ان التعليق اتنشر
علشان انا مش عامل مراقبه للتعليقات يعنى مفروض تتنشر بمجرد الكتابه
وانا متأسف بس الغلط مش من عندى اتأكد بس أنت الاول ان التعليق اتكتب واتنشر وان عمرى مهشيله

وشكرا لزيارتك واهلا بيك فى اى وقت
على ما أظن أن المشكله ممكن تكون فى المتصفح اللى عندك
اظن أن الفير فوكس بيتيح النشر بسهوله وانسب

فتــافيت (رحاب الخضري) 19 فبراير 2009 في 6:29 م  

فكرة جاااااااامدة يا دكتور

بس اسمي مكتوب؟؟؟

محمد عبد الباسط 20 فبراير 2009 في 12:18 ص  

فكرة رائعة يا حماده

دوما من تالق الى مزيد من التألق اخى الكريم

لا تنساني من دعائك

حلم كبير

ghorBty 20 فبراير 2009 في 12:24 ص  

ما شاء الله

بجد فكرة جميلة جدا

وفرحت جدا ان لقيت مدونتي فيها :)

سلمت يمناك

واكيد هنتعرف من خلالها علي مدونات جديده ودا كله في ميزان حسناتك اذ معرفه الناس كنوووووووز

دمتم بخير


غربتي

dina 20 فبراير 2009 في 1:31 م  

شكرا يا دكتور على اضافتى دى حاجه اعتز بيها
بس اوعى تكون بفلوس ؟؟؟؟؟؟؟؟؟؟؟؟؟؟؟

fnoonh 20 فبراير 2009 في 6:45 م  

فكرة رائعة حلو ان الناس تشغل عقلها كده

د/عرفه 20 فبراير 2009 في 7:29 م  

اهلا بيكى فتافيت وطبعا أسمك معانا
انا بقيت غاوى أفتفت


أهلا بيك محمد عبد الباسط حبيبى
وانت كمان اول اعلان لمدونتك


أهلا بيكى غربتى وبتمنى زيارتك دايما
ومدونتك معانا إن شاء الله



أهلا بيكى دينا وشكرا للإطراء




أهلا بيكى أفنان
وأن شاء الله تشاركى معانا على طول

خديجة عبدالله 21 فبراير 2009 في 1:24 ص  

أنا علقت هناك
بس لازم نبارك هنا الأول .. مبروووك يا دكتور وربنا يتقبل منك وتكون حاجة نافعة

جزاك الله خيرا لاضافتكم مدونتى يشرفنا ذلك

kalamfady 21 فبراير 2009 في 2:24 ص  

على بركه الله

د/عرفه 21 فبراير 2009 في 9:30 ص  

شكرا خديجه لزيارتك ومنتظر اقتراحاتك


شكرا محمد شارك معانا
وادعيلنا

Unknown 21 فبراير 2009 في 3:05 م  

لى طلب لو سمحت يادكتور
لا تضع المدونات المشهورة
فى القائمة اجعل القائمة
للمدونات (معلش فى الكلمة)
المغمورة زى حالتنا كلنا اما
المشهورة فهى مشهورة.يمكن كلامى
يزعل حد لكن انا من رايى نعمل كده؟

د/عرفه 21 فبراير 2009 في 5:16 م  

انا بصراحه مش عارف إنتى قصدك مين
بس انا فعلا مش حاطط مدونات مشهوره
ما عدا مدونه واحده بس
اما الباقى فكان هناك شبه تواصل مع معظمهم
ممكن فعلا اشيل المدونه دى
ولو كان قصدك حاجه تانيه يا ريت تقوليلى

إرسال تعليق