مهمه فى المدينه

تخيل ان فى اتنين نزلوا مدينه لاول مره علشان مهمه معينه


الاول نزل بس اتبهر بالمدينه وانشغل بيها تماما ونسى هو كان نازلها ليه اساسا


التانى اهتم فعلا وسأل عن مهمته بس كل ميجى يمشى فى المدينه يلاقى ناس قاعده تقوله
يابنى مش هتوصل
يا بنى كان غيرك اشطر

هو انت اول واحد
يااااااااه ده فى غيرك كتير ومحدش نفذ المهمه

مهتمش بكلامهم
بس بعد فتره كان سالك طريق معين علشان ينفذ المهمه بس موصلش برضه
ودى كانت اجمل فرصه ان الكلام يزيد عليه


يا ترى مطلوب منه ايه؟؟؟؟؟

ياترى يسمع لاهل المدينه ويريح باله ؟؟؟؟
وخلاص؟؟؟؟؟

يا ترى يمشى فى نفس الطريق اللى معرفش يوصل خلاله؟؟؟؟؟؟؟

فى حديث بيسيط للرسول عليه الصلاه والسلام بيوصف بيه من يقول هلك الناس يقول عنه الرسول هو اهلكهم
والقول له معنيان
اى دفعهم الى الهلاك
او كان اكثرهم هلاكا

المهم

انا عايز احكيلكم قصه كده على السريع
فى معركه القادسيه ودى احدى اهم الفتوحات الاسلاميه فى منطقه الفرس
كانت معركه فاصله وحيويه جدا
المعركه استمرت اربعه ايام متواصله تخيلوا مدى شدتتها

فى الايام الاولى الفرس كانت ليهم الاسبقيه علشان استعمالهم للفيله ودى حيوانات ضخمه العرب كانوا اول مره يشوفوها
وكان الوضع صعب جدا مش لان الفرسان خايفين من الحيوانات الضخمه دى لا لان الفرس نفسه بيهرب من مواجهه الفيل
هذا الصحابى اتصرف من نفسه وهو كان نحات فصنع هيكل للفيل من الطين وحطه قدام الفرس طول الليل والصبح فى المعركه لقى الفرس معدش بيخاف زى الاول

فكون مجموعه من المسلمين واشرف عليهم بنفسه وصنعوا هياكل كتيره للا فيال وجمعوا الفرس بتاع المسلمين وبيتوهم مع الهياكل دى وفعلا كانت اكثر ثاباتا من الايام الاولى
ومع تنفيذ وصيه سيدنا سعد بانهم يضربوا الافيال فى اعينها
ومع تنفيذ وصيه احد الصحابه برضوا انهم يلبسوا الفرس لباس اسود فظهر شكلها غريبا بالنسبه للافيال
وكتب الله للمسلمين النصر


المهم الشاهد من الموضوع
ان دور الصحابى ده رغم انه كان بسيط جدا الا انه

كان مؤثر للغايه

قام بالدور من تلقاء نفسه مستناش ان حد يوصيه او يكلفه لان الانسان بينتهز الفرص اللى تجيله ولا ينتظر قدومها

الصحابى ده استغل امكانياته والمواهب المتوفره عنده للخدمه والمنفعه العامه

والدور اللى قام بيه مينفعش حد غيره يقوم بيه

الصحابى ده حس انه مسؤل ولازم يعمل حاجه


فى الاخر ياترى عرفت ايه هى المهمه ؟؟؟؟؟؟

وهتأديها ازاى؟؟؟؟؟؟؟

لو لسه معرفتش ممكن نتكلم فى الموضوع ده بعدين

14 رأيك يهمنا:

Unknown 24 يناير 2009 في 9:12 ص  

السلام عليكم

انا سعيد جدا ان اكون اول واحد ارد على الموضوع الاكثر من رائع واللى عجبنى جدا بصراحه....
واحب اقول ان استفدت من كلامك يامحمد حاجتين مهمين

اولا:عدم الاهتمام بكلام المحبطين اللى بيحاولوا يقللوا من الهمم واكيد الفئه دى موجوده طبعا

ثانيا؟ ان لكل انسان دور وهدف فى الحياة لزم يسعى وراه ويحققه والا ... والهدف ده بكون اولا لله وثانيا للحياه الشخصيه

جزاك الله كل خير

عبدربه

Unknown 24 يناير 2009 في 10:22 ص  

الموضوع جميل فعلا يا دكتور
وفعلا الناس المحبطه كتير
ده انا كمان ساعات بكون منهم وبحبط اختي هههههههه
ان شاء الله هوجد امل لنفسي اكتر من كده
واحاول اكمل مهمتي في الحياه
شكرا للموضوع الرائع ده

Dr. Ibrahim 24 يناير 2009 في 2:26 م  

ماشاء الله...

فعلاً الكثير منا ما يقابل من عوامل الاحباط والمحبطين فى الحياة..حتى ولو كان ما نقو به بسيط ولكنه قد يكون أمره عظيماً ومنا من ألهته الحياة عن تأدية ما خلق ممن أجله..
ولكن علينا أن نقود ونتقدم ونتفوق أو نترك الطريق لغيرنا لا لنحبط بعضنا البعض..
جزاكم الله كل خير

د/عرفه 24 يناير 2009 في 6:22 م  

اولا بحب اعتذر لصاحبى وحبيبى محمد نجيب

علشان شيلت التعليق بتاعه
علشان مكنش ينفع اعلق بعديه

وان شاء الله التعليقات بتاعته دى هناقشها بينى وبينه

علشان انا حسيت انها مينفعش تتناقش على المدونه

واتمنى انه ميزعلش

د/عرفه 24 يناير 2009 في 6:28 م  

احب اشكر دكتور ابراهيم على زيارته الاولى واتمنى اشوف رايه على طول

د/عرفه 24 يناير 2009 في 6:31 م  

وطبعا احب اشكر صاحبى و حبيبى احمد عبد ربه وdr
على زيارتهم الدائمه للمدونه

ويارب اكون دايما عن حسن ظنكم والمدونه تنال اعجابكم

غير معرف 25 يناير 2009 في 12:49 ص  

بسم الله الرحمن الرحيم

اولا .. انا عارف اني مقصر والله يا محمد وباعتذر عن تاخري عن الرد على مواضيعك السابقة

ثانيا .. أهنئك على المدونة - ولو انها متاخرة حبتين - واهنئك على تدويناتك السابقة الجميلة والمبتكرة ، وارجو من الله ان ييعني اني ارد لك عليها قريبا

ثالثا .. بالنسبة لموضوعك بقى ،فبصراحة عرضك جميل للموضوع وهو اصلا موضوع جميل - وقالب على تنمية بشرية ، مش عارف ده حب في حلم كبير ولا تعويض لتوقفه عن التنمية البشرية شوية ( وش بيغمز ) -

رابعا .. احنا لو اسقطنا موضوع السعي لبلوغ الهدف وعدم الاكتراث بالمثبطين على الواقع فأعتقد أن موضوع المقاطعة لبضائع اليهود والأمريكان يعتبر مثال كبير لكده ، لأن كتير ناس بتقول انت لو قاطعت هتاثر في الحرب ازاي ، واعتقد لو كل واحد قاطع هيبقى فيه تاثير كبير جدا

والموضوع ده بيطبق برضه في اصلاح الواقع اللي حوالينا

تحياتي لك

حسام غانم 25 يناير 2009 في 4:41 م  

السلام عليكم

فعلا موضوع جميل جدا

والانسان عليه إنه يبقى انسان مبادر

باللي يقدر عليه

لأن فعلا مشكلتنا هي الاحباط وكلمات من نوع
هو انت اللي هتغير الكون

د/عرفه 25 يناير 2009 في 7:40 م  

اهلا بيك يا عمر فى اى وقت
وانت مش محتاج تعتذر ولا حاجه

وانا مستنى رايك دايما حتى لو بينى وبينك

د/عرفه 25 يناير 2009 في 7:42 م  

اهلا بيك يا دكتور حسام فى اول زياره ليك

انا زورت المدونه بتاعتك

وشكلك بتحب تكتب بنفس الاسلوب بتاعى

اتمنى زيارتك على طول حسام

غير معرف 25 يناير 2009 في 10:54 م  

السلام عليكم
هو صحيح الواحد لازم يفكر بعقله ومش اى حاجه تحبطه بسهوله
بس هو فيه ايه فى البلد يخلى الواحد يبطل احباط بس
كل حاجه دلوقتى جايبه لنا المراره والله الاوضاع بتاعت البلد مفيش شغل مفيش حب مفيش جواز حاجه تجيب اكتئاب

د/عرفه 26 يناير 2009 في 12:52 ص  

اهلا بيك غير معرف_رغم انى عايز اعرف انت مين؟_
كل الناس زيك مش عاجبها الوضع ونفسها تشتغل
ونفسها تجوز خصوصا انا

المهم مش لازم نحبط زى ما انت بتقول

دور فى نفسك زى ما الصحابى اللى انا متكلم عنه
حتلاقى عندك امكانيات ومواهب
ومتخليش اى حد يحبطك بسهوله

واتمنى اسمع رايك على طول

salma mohamed 26 يناير 2009 في 6:05 م  

السلام عليكم
د/عرفة
بجد ماشاء الله اسلوب عرضك للمواضيع مبهر,
وياريت كل الناس تفهم اللي بترمي اليه من ورا كلماتك,
جوزيت خيرا ونفع الله بك,
آسفة على عدم تعليقي عن بوستك السابق,كانت المواجع متقلبة عليا,زي ما انت شفت,وآسفة جدا انا والله مكنش قصدي اثير مشاعر حد بس كنت بفضفض قبل ما انفجر.

د/عرفه 27 يناير 2009 في 6:05 ص  

شكرا لزيارتك سلمى

ومش لازم تتاسفى المهم ان الموضوعات تعجبك

ويارب اكون عند حسن ظنك دايما

إرسال تعليق