وقفه فى استراحه المدينه


هنرجع تانى لصاحبنا اللى كان فى المدينه وكان يعينى محبط على آخره ومش عارف يعمل ايه؟؟؟

وهو قاعد فى الاستراحه ربنا وقف له شيخ صالح وقعد يشتكيله حاله

الشيخ قاله بص يا بنى انا هسالك شويه اسئله

انت هتقيم فى المدينه على طول ولا هترجع تانى؟؟
رد وقاله مفيش حد هيعد فى المدينه على طول لازم هنرجع تانى

طيب لو اللى كلفك بالمهمه استدعاك دلوقت يا ترى ايه اللى انت عملته يشفعلك عنده؟؟
رد وقاله يا انا لسه معملتش حاجه خالص

طيب شوف نفسك كده الفتره الاخيره واسترجع شريط اعمالك ايه اللى انت عملته مش مظبوط؟؟؟
رد وقاله يا خبر اسود دى بلاوى كتير اوى

بص يا بنى
لازم كل انسان بعد كل فتره يقف شويه كده مع نفسه ويعيد اوراقه وحساباته من تانى؟؟؟
رد وقاله طيب قولى يا عم الشيخ اعمل ايه ده انا مكنتش واخد بالى خالص

بص اول حاجه لازم تتعرف على عظمه اللى خلقك خلقك وبعتك هنا وازاى انه سيبك تعصيه وتخالفه براحتك وهو على استعداد يسامحك دلوقت وعلى طول
بس علشان تتوب لازم يكون عندك عزيمه صادقه فى انك تنتهج النهج السليم وانك تستمر فيه وتوب عن كل ذنوبك اللى فاتت وتندم على ما فعلته
ربنا سبحانه بيقول
﴿وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ﴾

بس لازم تبدا بسرعه ربنا سبحانه بيقول
﴿ وَسَارِعُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَاوَاتُ وَالْأَرْضُ أُعِدَّتْ لِلْمُتَّقِينَ﴾

مينفعش تكسل وتقول طيب بكره او بعده لا أبدا من دلوقت
تامل سحره فرعون لما علموا بالحق آمنوا من فورهم ولم يلتقتوا الى مصيرهم

كمان لازم تكون جاد فيما انت مقدم عليه

ربنا سبحانه بيقول ﴿ خُذُوا مَا آتَيْنَاكُمْ بِقُوَّةٍ}

طيب يا عم الشيخ انا جاهز بس قولى شويه حاجات كده تساعدى انت عايزنى اتغير 180 درجه مره واحد ساعدنى شويه

طيب بص
اولا غير صحبتك الفاسده علشان تبعد عن معاصيك السابقه
ربنا سبحانه بيقول {الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ }

والرسول عليه الصلاه والسلام بيقول (( المرء على دين خليله فلينظر أحدكم من يخالل ))

غير اهتماماتك بدل ما كان ابلغ همك هو ارضاء نفسك باللعب اللهو والمعاصى اجتهد شويه بطلب العلم والعمل العام النافع

ورتب اولوياتك يعنى لازم تغير اسوء شىء بتعمله الاول ووبكده تمتنع عن جميع معاصيك بعد كده تبدا بالاجتهاد فى الخيرات
واستعن بالله يا بنى ربنا بيقول
﴿ إِيَّاكَ نَعْبُدُ وَإِيَّاكَ نَسْتَعِينُ﴾

فليس لنا سواه

ربنا يباركلك يا عم الشيخ الله يكرمك ادعيلى ربنا يكرمك يا بنى طالما لديك النيه الصادقه ستنجح

ضع نفسك فى تحدى فى البدايه الامر يحتاج بعض المجاهده ربنا سبحانه بيقول

﴿ وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ﴾

ولكن بعد فتره ستالف الخير ويكون هو مصدر سعادتك فى الدنيا والاخره

11 رأيك يهمنا:

غير معرف 28 يناير 2009 في 8:14 م  

موضوع حلو كالعادة يا دوك..
مشكوووووووووووووووور عليه...
في فعلا شباب كتير في الزمان ده محتاجين ... شيخ زى ده يعد معاهم مده طويلة.. يعيش معاهم.. مش كلمتين و بس...
عشان كده كل واحد...المفروض ألا يثبط عزيمة من حوله..
و يعنيهم على الخير .. و يجعل من نفسه شيخ ..او انت قلت ايه "رجل صالح باين" المهم انا حبيت اقول كده ..لان كتير من الناس بتتأثر فعلا بأى كلمة تتقالها...و تخليها بدلا من بركان نشاط..و تريد عمل خير كتير ..كلمة زى( يعنى انت هتبقي اينشتين ..ياخى اتلهى..) تخليه فعلا و لا حاجه..



كلامك كويس..
و حاسة إنك .. هتعرف تحكى قصص..لأولادك في المستقبل..

غير معرف 28 يناير 2009 في 8:17 م  

انا قريت الموضوعين مع بعض.. معلش اتأخرت شويه..
عشان كده ده ردى ..على الموضوعين مع بعض!!

غير معرف 29 يناير 2009 في 12:26 ص  

ادعيلى الله يكرمك انى اتغير

علشان نفسى بجد اغير فى حياتى حاجات كتير

محمد عبد الباسط 29 يناير 2009 في 1:18 ص  

ولكن بعد فتره ستالف الخير ويكون هو مصدر سعادتك فى الدنيا والاخره
كم عشت انتظر هذه اللحظة اللهم من علينا بها جميعا
واجعلنا من الذين جاهدوا فيك واهدنا سواء السبيل
بورك بك وبقلمك اخى الفاضل ولا تنسانى من صالح دعائك
تقبل تحياتي

حلم كبير

المعتصم 29 يناير 2009 في 2:13 ص  

بسم الله الرحمن الرحيم
السلام عليكم ورحمة الله وبركاته
د/ عرفه
تحياتى
البوست جميل صحيح القصه اللى فيه قصه معروفه بس انت كاتبها بشكل كويس ومغير فيها وبرضو من باب (ذكر فإن الذكرى تنفع المؤمنين)
ربنا يجازيك خير على مجهودك ويجعله فى ميزان حسناتك
واشكرك على مرورك فى مدونتى المتواضعه
بس هنختلف مع بعض يادكترة تقولى ليه ؟
اقولك لانى انا اهلالالالالالاوى صميم
هههههههههههههههه
تقبل مرورى وتحياتى
ودمت بكل خير وود
والسلام عليكم ورحمة الله وبركاته

موناليزا 29 يناير 2009 في 5:02 م  

ربنا ينفع بيك ويجعل هذا الموضوع سببا لهداية الكثيرين

د/عرفه 30 يناير 2009 في 12:41 ص  

شكرا ساندى لزيارتك
وفعلا كلام الشيخ لازم يكون راسخ فى اذهانا

غير معرف

اهلا بيك ويارب يكتب لك الهدايه ويعينك على السير فى الطريق السليم

د/عرفه 30 يناير 2009 في 12:46 ص  

فعلا يا عبد الباسط الانسان عندما يألف الخير يكون هو الاساس فى حياته ويكون مصدر سعادته ربنا يبارك فيك وفى مدونتك الرائعه


اهلا بيك اخى المعنصم
ولا يهمك انا مش متعصب واصحابى كلهم اهلاويه
ومنتظر زيارتك دائما



اهلا موناليزا واهلا بزيارتك الاولى
وربنا يسمع منك واقدر اكون سبب فى هدايه ولو انسان واحد

kalamfady 31 يناير 2009 في 9:43 ص  

ربنا يكرمك ياعم الحج

salma mohamed 31 يناير 2009 في 5:34 م  

السلام عليكم
جزاك الله خيرا,انت عودتنا على الاسلوب الجذاب ده,ربنا يكرمك
ودعواتك لي ولسائر قراءك بالهداية والصلاح.

د/عرفه 31 يناير 2009 في 6:49 م  

اهلا بيك يا محمد وربنا يكرمك انت كمان



يارب دايما اسلوبى يعجبك يا سلمى
واللهم اهدنا واهديبنا واجعلنا سببا لمن اهتدى

إرسال تعليق